రేవంత్ ఇంట్లో ఐటీ దాడులపై చంద్రబాబు స్పందన ఇది

 తెలంగాణ కాంగ్రెస్ పార్టీ వర్కింగ్ ప్రెసిడెంట్ రేవంత్ రెడ్డి ఇంట్లో ఐటీ దాడులపై ఏపీ సీఎం చంద్రబాబునాయుడు పరోక్షంగా స్పందించారు. కేంద్రప్రభుత్వం పెద్ద దొంగలను పట్టుకోదని...అధికారాన్నిరాజకీయాలకు ఉపయోగిస్తోందని మండిపడ్డారు.

అమరావతి: తెలంగాణ కాంగ్రెస్ పార్టీ వర్కింగ్ ప్రెసిడెంట్ రేవంత్ రెడ్డి ఇంట్లో ఐటీ దాడులపై ఏపీ సీఎం చంద్రబాబునాయుడు పరోక్షంగా స్పందించారు. కేంద్రప్రభుత్వం పెద్ద దొంగలను పట్టుకోదని...అధికారాన్నిరాజకీయాలకు ఉపయోగిస్తోందని మండిపడ్డారు. తమిళనాడులో ఏం  జరిగిందో ఇతర రాష్ట్రాల్లో ఏం జరుగుతుందో ప్రజలు గమనిస్తూనే ఉన్నారన్నారు. ఎన్నికలున్న ప్రతీచోటా కేంద్రం ఇలానే రాజకీయం చేస్తుందని ఆరోపించారు. 

గత రెండు రోజులుగా రేవంత్ రెడ్డిని ఐటి, ఈడి అధికారులు ప్రశ్నిస్తున్న విషయం తెలిసిందే. రేవంత్ రెడ్డి లావాదేవీలపై వారు ఆరా తీస్తున్నారు. రేవంత్ రెడ్డి కొడంగల్ లో ప్రచారంలో ఉన్న సమయంలో ఐటి అధికారులు హైదరాబాదులోని ఆయన ఇంటిలో సోదాలు నిర్వహించారు. కొడంగల్ నుంచి తిరిగి వచ్చిన రేవంత్ రెడ్డిని గురువారం సాయంత్రం నుంచి ప్రశ్నిస్తూనే ఉన్నారు. ఆయన భార్య గీతను బ్యాంకుకు తీసుకుని వెళ్లి లాకర్లు కూాడా తెరిచారు.

సంబంధిత వార్తలు