రాజధానిపై మరో బాంబు పేల్చిన మంత్రి బొత్స

వ్యక్తుల స్వార్థం, స్వంత ప్రయోజనాలు, కొందరు వ్యక్తుల ప్రాపకం కోసం రాజధానిగా అమరావతిని ఎంపిక చేశారని చంద్రబాబు ప్రభుత్వంపై నిప్పులు చెరిగారు. తాను చేసిన వ్యాఖ్యలపై చంద్రబాబు వక్రీకరించారని బొత్స మండిపడ్డారు. చంద్రబాబు నాయుడు ఏనాడు ప్రజాఆమోదయోగ్యమైన నిర్ణయాలు తీసుకోలేదన్నారు.   

విశాఖపట్నం: నవ్యాంధ్ర రాజధాని అమరావతిని మారుస్తామని తాను అనలేదని స్పష్టం చేశారు ఏపీ మున్సిపల్ శాఖ మంత్రి బొత్స సత్యనారాయణ. రాజధాని ప్రాంతంలో వరద ముంపు వస్తే ఎలాంటి పరిణామాలు చోటు చేసుకుంటాయో చెప్పానే తప్ప రాజధానిని మార్చేస్తానంటూ ఏనాడు అనలేదని స్పష్టం చేశారు. 

గత ప్రభుత్వం శివరామకృష్ణన్ కమిటీని పక్కన పెట్టిందని చెప్పానని తెలిపారు. శివరామకృష్ణన్ కమిటీని పక్కనబెట్టి ఆనాటి మంత్రి నారాయణ సిఫారసుల మేరకు రాజధానిగా అమరావతిని ఎంపిక చేశారని ఆరోపించారు. 

వ్యక్తుల స్వార్థం, స్వంత ప్రయోజనాలు, కొందరు వ్యక్తుల ప్రాపకం కోసం రాజధానిగా అమరావతిని ఎంపిక చేశారని చంద్రబాబు ప్రభుత్వంపై నిప్పులు చెరిగారు. తాను చేసిన వ్యాఖ్యలపై చంద్రబాబు వక్రీకరించారని బొత్స మండిపడ్డారు. చంద్రబాబు నాయుడు ఏనాడు ప్రజాఆమోదయోగ్యమైన నిర్ణయాలు తీసుకోలేదన్నారు. 

ప్రజల కోసం కాకుండా తన స్వార్థం కోసమే నిర్ణయాలు తీసుకున్నారని ఆరోపించారు. అమరావతి రాజధానిగా ఎంపిక చేసిన నేపథ్యంలో ఇటీవల వచ్చిన వరదల నేపథ్యంలో ఎలాంటి పరిణామాలు చోటు చేసుకున్నాయో అవే తాను చెప్పినట్లు తెలిపారు.

కొద్దిపాటి వరదకే ఆ ప్రాంతం మునిగిపోయిందని ఆరోపించారు. ఇక్కడ రాజధాని అయితే భారీగా ఖర్చుపెరుగుతుందని, భవిష్యత్ ఆలోచించి చెప్పినట్లు తెలిపారు మంత్రి బొత్స సత్యనారాయణ. 

ఈ వార్తలు కూడా చదవండి