గోవా అసెంబ్లీ ఎన్నికల ఫలితాలపై ఈ రోజు ఎగ్జిట్ పోల్స్ వచ్చాయి. పది ఎగ్జిట్ పోల్స్ అంచనాలను పరిశీలిస్తే.. గోవాలో హంగ్ అసెంబ్లీ ఏర్పడుతుందని తెలుస్తున్నది. బీజేపీకి, కాంగ్రెస్ కూటమి 16 చొప్పున సీట్లు గెలుచుకునే అవకాశం ఉన్నట్టు అంచనాలు వేశాయి. కాగా, మూడు సీట్లు గెలుచుకునే అవకాశం ఉన్న తృణమూల్ కాంగ్రెస్ కింగ్ మేకర్‌గా మారే ఛాన్స్ ఉన్నది. 
 

పంజాబ్‌‌లో ఆప్‌ విజయం సాధిస్తుందని దాదాపు అన్ని ఎగ్జిట్ పోల్స్ అంచనా వేస్తున్నాయి. ABP News-CVoter ఎగ్జిట్ పోల్స్ కూడా ఇదే రకమైన అంచనా వేసింది. పంజాబ్‌లో ఆప్ అతిపెద్ద పార్టీగా అవతరిస్తుందని తెలిపింది. 

మణిపూర్ లో ఈ సారి మళ్లీ బీజేపీ అధికారం చేపట్టనుందని  జీ న్యూస్-డిజైన్‌బాక్స్డ్ , ఇండియా టీవీ-గ్రౌండ్ జీరో రీసెర్చ్ ఎగ్జిట్ పోల్స్ వెల్లడించాయి. గత ఎన్నికల్లో కాంగ్రస్ అతి పెద్ద పార్టీగా అవతరించినప్పటికీ అధికారం ఏర్పాటు చేయలేకపోయింది. అయితే ఈ సారి మాత్రం బీజేపీ అతి పెద్ద పార్టీగా అవతరిస్తుందని ఆ సంస్థల ఎగ్జిట్స్ పోల్స్ అంచనా వేశాయి. 

ఉత్తర్ ప్రదేశ్ రాష్ట్రంలో మరోసారి బీజేపీ ప్రభుత్వాన్ని ఏర్పాటు చేసే అవకాశం ఉందని ఎగ్జిట్ పోల్స్  తేల్చి చెప్పాయి. మెజారిటీ ఎగ్జిట్ పోల్స్ ఈ వషయాన్ని తేటతెల్లం చేశాయి.

పంజాబ్ అసెంబ్లీ ఎన్నికలకు సంబంధించి జీ న్యూస్ ఎగ్జిట్‌ పోల్స్‌ను వెలువరించింది. ఆప్ పంజాబ్‌లో అతిపెద్ద పార్టీగా అవతరిస్తుందని.. అయితే మెజారిటీ పరంగా ఆప్ 60 స్థానాల వరకే పరిమితం అవుతుందని జీ న్యూస్ అంచనా వేసింది.

పంజాబ్‌‌లో ఆప్‌ విజయం సాధిస్తుందని ఎగ్జిట్ పోల్స్ వెల్లడిస్తున్నాయి. టైమ్స్ నౌ వీటో ఎగ్జిట్ పోల్స్ కూడా ఇదే విషయాన్ని స్పష్టం చేసింది. పంజాబ్‌లో అరవింద్ కేజ్రీవాల్ నేతృత్వంలోని ఆమ్ ఆద్మీ పార్టీ స్పష్టమైన మెజారిటీతో ముఖ్యమంత్రి పీఠం కైవసం చేసుకుంటుందని తెలిపింది.

పంజాబ్ రాష్ట్రంలో ఆప్ ప్రభుత్వం ఏర్పాటు చేయనున్నట్టగా ఇండియా టుడే ఎగ్జిట్ పోల్స్ వెల్లడించాయి. 

పంజాబ్‌ ముఖ్యమంత్రి పీఠాన్ని ఆప్ తన ఖాతాలో వేసుకుంటుందని ఎగ్జిట్ పోల్స్ అంచనా వేస్తున్నాయి. P-MARQ ఎగ్జిట్ పోల్స్‌ కూడా ఇదే విషయాన్ని వెల్లడించింది.

ఉత్తరాఖండ్ అసెంబ్లీ ఎన్నికల్లో  బీజేపీ, కాంగ్రెస్ మధ్య పోటా పోటీ వాతావరణం నెలకొంది. రిపబ్లిక్ టీవీ ఎగ్జిట్ పోల్స్  లో ఈ విషయం వెల్లడైంది.

పంజాబ్ అసెంబ్లీ ఎన్నికలకు సంబంధించిన ఎగ్జిట్ పోల్స్ వెలువడుతున్నాయి. పంజాబ్‌లో అరవింద్ కేజ్రీవాల్ నేతృత్వంలోని ఆమ్ ఆద్మీ పార్టీ విజయం సాధిస్తుందని ఇండియా టూడే-యాక్సిస్ మై ఇండియా ఎగ్జిట్ పోల్స్ అంచనా వేసింది.