షాంపూ లేకుండా కూడా జుట్టు శుభ్రం చేసుకోవచ్చు, ఎలానో తెలుసా?

సారాంశం

షాంపూల్లో కెమికల్స్ ఉంటాయని మనందరికీ తెలుసు. అయినా జుట్టు శుభ్రం చేసుకోవడానికి మైల్డ్ షాంపూలనే వాడతాం. అయినా జుట్టు రాలడం ఆగదు. కాలక్రమేణా జుట్టు బలహీనంగా మారుతుంది. ఇక దీని గురించి ఆలోచించాల్సిన అవసరం లేదు. ఎందుకంటే జుట్టును డీప్ గా శుభ్రం చేసుకోవడానికి చాలా నేచురల్ మార్గాలు ఉన్నాయి. ఈ చిట్కాలు జుట్టు ఆరోగ్యాన్ని కాపాడుకుంటూ, మెరుపు పెంచుతూ, మృదువుగా, దట్టంగా పెరిగేలా చేస్తాయి. ఇంట్లో షాంపూ లేకపోయినా ఈ టిప్స్ ఉపయోగించవచ్చు.

షాంపూ లేకుండా జుట్టు శుభ్రం చేసుకునే విధానం

శనగపిండితో
ఇంట్లో షాంపూ అయిపోతే, శనగపిండితో జుట్టు శుభ్రం చేసుకోవచ్చు. ఇది అందరి వంటింట్లో ఉండే పదార్థం. శనగపిండిని నీళ్ళతో కలిపి షాంపూలా చేసుకోవాలి. దీన్ని జుట్టుకి రాసి, రుద్ది, కాసేపటి తర్వాత నీళ్ళతో శుభ్రం చేసుకోవాలి. దీని వల్ల జుట్టులోని మురికి పోయి, తలలోని అదనపు నూనె కూడా తొలగిపోతుంది.

కొబ్బరిపాలు కూడా మంచిది
షాంపూల్లోని కెమికల్స్ వల్ల చాలా మందికి జుట్టు డ్రై అవుతుంది. అలాంటప్పుడు కొబ్బరిపాలతో జుట్టు శుభ్రం చేసుకోవాలి. ఇది జుట్టుకు తేమను అందించి, బలపరుస్తుంది. తాజా కొబ్బరిపాలను తీసుకుని, వేళ్ళతో జుట్టుకి రాసుకోవాలి. అరగంట తర్వాత నీళ్ళతో శుభ్రం చేసుకోవాలి.

పెరుగుతో
పెరుగుతో జుట్టు శుభ్రం చేసుకోవడం మంచిది. ఒక గిన్నెలో పెరుగు తీసుకుని జుట్టుకి బాగా రాసుకోవాలి. తర్వాత నీళ్ళతో జుట్టు రుద్దుతూ శుభ్రం చేసుకోవాలి. పెరుగు జుట్టును డీప్ గా శుభ్రం చేస్తుంది, తలలో దురద తగ్గిస్తుంది, చుండ్రు నివారిస్తుంది. జుట్టు మెరుపును పెంచి, దట్టంగా పెరిగేలా చేస్తుంది.

కలబంద గుజ్జు కూడా ఉపయోగకరం
కలబంద గుజ్జు ప్రయోజనాలు అందరికీ తెలుసు. దీన్ని హెయిర్ స్టైల్ చేసుకోవడానికి వాడతారు. దీనితో జుట్టు శుభ్రం చేసుకోవచ్చు. తాజా కలబంద గుజ్జు తీసుకుని జుట్టుకి రాసి గంటసేపు ఉంచాలి. గుజ్జు కాస్త ఆరిన తర్వాత నీళ్ళతో జుట్టు శుభ్రం చేసుకోవాలి. దీని వల్ల జుట్టు మృదువుగా, మెరుస్తూ ఉంటుంది. జుట్టు రాలడం కూడా తగ్గుతుంది.

ఉసిరి పొడి ప్రభావవంతమైనది
జుట్టు సంరక్షణ కోసం ఉసిరికాయను శతాబ్దాలుగా వాడుతున్నారు. జుట్టును హాని చేయకుండా శుభ్రం చేసుకోవడానికి ఇది ఆయుర్వేద చిట్కా. ఈ పొడిని నీళ్ళతో కలిపి పేస్ట్ లా చేసుకోవాలి. జుట్టుకి రాసి కాసేపు ఆరనివ్వాలి. తర్వాత నీళ్ళతో శుభ్రం చేసుకుంటే మురికి కూడా పోతుంది.