Follow Us
ఓట్స్ ఫేస్ ప్యాక్ చర్మాన్ని మృదువుగా, మెరిసేలా మార్చుతుంది. ఇందులోని పెరుగు చర్మానికి తేమను అందిస్తే, తేనె యాంటీబాక్టీరియల్ గుణాలతో చర్మ రక్షణ కలిగిస్తుంది.
ఈ రోజుల్లో అందమైన చర్మం కోసం అనేక ఉత్పత్తులు మార్కెట్‌లో కనిపిస్తున్నాయి. కానీ, వాటిలో ఉండే కెమికల్స్ మన చర్మాన్ని డ్యామేజ్ చేసే అవకాశం ఉంది. అందం సంగతి పక్కన పెడితే.. చర్మాన్ని శాశ్వతంగా నష్టపరిచే అవకాశమూ ఉంటుంది. అందుకే సహజమైన , ఇంటి చిట్కాలవైపు చాలామంది మొగ్గు చూపుతున్నారు. ఈ నేపథ్యంలో మనం మన అందాన్ని పెంచుకోవడానికి ఓట్స్ ని వాడొచ్చు. మరి, ఈ ఓట్స్ ని ఎలా వాడితే ముఖంలో గ్లో వస్తుందో తెలుసుకుందామా...
ఓట్స్‌లో యాంటీ ఆక్సిడెంట్లు, యాంటీ ఇన్‌ఫ్లమేటరీ గుణాలు, మైల్డ్ ఎక్స్‌ఫోలియేటింగ్ లక్షణాలు ఉంటాయి. ఇవి చర్మాన్ని శుభ్రపరచడమే కాకుండా, దానిని ఆరోగ్యంగా, మృదువుగా, మెరిసేలా మారుస్తాయి. ఇప్పుడు ఓట్స్ ఉపయోగించి ముఖానికి ఫేస్ ప్యాక్ ఎలా తయారుచేయాలో, దాన్ని ఎలా వాడాలో తెలుసుకుందాం.
ఓట్స్ ఫేస్ ప్యాక్ తయారీ విధానం
Related Articles
ఓట్స్‌తో ఇంట్లోనే సులభంగా ఫేస్ ప్యాక్ తయారు చేయవచ్చు. రెండు టీస్పూన్లు ఓట్స్‌ను పొడి చేసి, ఒక టీస్పూన్ పెరుగు, ఒక టీస్పూన్ తేనె కలిపి పేస్ట్‌లా తయారుచేయాలి. కావాలంటే చిటికెడు పసుపు కలిపినా మంచిది. ఈ మిశ్రమాన్ని శుభ్రపరిచిన ముఖానికి అప్లై చేసి 15 నిమిషాల పాటు వదిలేయాలి. తరువాత గోరువెచ్చని నీటితో మెల్లగా మాసాజ్ చేసి కడిగి, తడి టవల్‌తో తుడవాలి.
ఈ ఫేస్ ప్యాక్ వల్ల కలిగే లాభాలు
ఓట్స్ ఫేస్ ప్యాక్ చర్మాన్ని మృదువుగా, మెరిసేలా మార్చుతుంది. ఇందులోని పెరుగు చర్మానికి తేమను అందిస్తే, తేనె యాంటీబాక్టీరియల్ గుణాలతో చర్మ రక్షణ కలిగిస్తుంది. మృత కణాలను తొలగించడంతో పాటు, పొడి చర్మాన్ని మృదువుగా మార్చుతుంది. ఓట్స్‌లో ఉండే పైనోల్స్, సాపొనిన్స్ వంటి పదార్థాలు చర్మం మీద ఉండే మలినాలను బయటకు తీస్తాయి. అలాగే ఇది బ్లాక్‌హెడ్స్, వైట్‌హెడ్స్ తగ్గించడంలోనూ ఉపయోగపడుతుంది.
చర్మ రకాన్ని బట్టి వేరువేరు మిశ్రమాలు
వేర్వేరు చర్మ రకాల కోసం వేర్వేరు ఫేస్ ప్యాక్స్ తయారు చేసుకోవచ్చు. ఆయిలీ స్కిన్ ఉన్నవారు ఓట్స్, టొమాటో జ్యూస్, కొద్దిగా పెరుగు కలిపి ఉపయోగించవచ్చు. ఇది ఆయిల్ ప్రొడక్షన్‌ను కంట్రోల్ చేస్తుంది. డ్రై స్కిన్ ఉన్నవారు ఓట్స్, మ్యాష్ చేసిన బనానా, తేనె కలిపి ఫేస్ ప్యాక్ వాడవచ్చు. ఇది చర్మానికి తేమను అందిస్తుంది. నార్మల్ స్కిన్ ఉన్నవారు ఓట్స్, తేనె, పెరుగు కలిపిన సాధారణ మిశ్రమాన్ని వాడవచ్చు.
జాగ్రత్తలు పాటించాలి
ఓట్స్ ఫేస్ ప్యాక్ వాడే ముందు చిన్నగా టెస్ట్ చేయడం మంచిది. ఎవరైనా ఓట్స్ లేదా పెరుగు, తేనెకు అలర్జీ ఉంటే, ఈ ప్యాక్‌ను వాడకూడదు. వారం లో రెండు నుండి మూడు సార్లు ఈ ప్యాక్ వాడటం ఉత్తమం. ఫేస్ ప్యాక్ వాడిన తర్వాత మాయిశ్చరైజర్ తప్పకుండా అప్లై చేయాలి. ఇలా చేస్తే, చర్మం తేమతో నిండినదిగా, ఆరోగ్యంగా ఉంటుంది.
అందం కోసం ఓట్స్‌ను అలవాటుగా మార్చండి
ఓట్స్‌ను అల్పాహారంగా మాత్రమే కాకుండా, బ్యూటీ రొటీన్‌లో భాగంగా చేసుకోవడం ద్వారా మీరు సహజంగా మెరిసే చర్మాన్ని పొందవచ్చు. మేకప్ లేకుండా కూడా నిగారింపు ఉన్న ముఖాన్ని పొందాలనుకునే వారు ఓట్స్ ఫేస్ ప్యాక్‌ను వారం రెండు సార్లు వాడటం అలవాటు చేసుకుంటే మంచి ఫలితాలు కనపడతాయి. ఇది ఖర్చు తగ్గించడమే కాకుండా, చర్మాన్ని రసాయనాల బారిన పడకుండా రక్షిస్తుంది.
ఫైనల్ గా...
ఓట్స్ ఒక అద్భుతమైన సహజ పదార్థం. ఇది అందానికి మించిపోయే ఆరోగ్య ప్రయోజనాలను కూడా అందిస్తుంది. చర్మం ముడతలు, డార్క్ స్పాట్స్, పొడి చర్మం వంటి సమస్యల కోసం ఓట్స్‌ను నిత్యం వాడటం వల్ల అవి తగ్గిపోతాయి. ఇంట్లో ఉన్న పదార్థాలతో సులభంగా తయారుచేసుకునే ఈ ఫేస్ ప్యాక్ చర్మాన్ని శుభ్రపరుస్తుంది, ఆరోగ్యంగా ఉంచుతుంది. అందుకే, ఓట్స్‌ను రెగ్యులర్ గా వాడి మీ అందాన్ని పెంచుకోవచ్చు..