godavarikhani: కార్మిక సంఘ నాయకుడి లైంగిక వేధింపులు... చెప్పుతో చెంప చెళ్లుమనిపించిన వివాహిత

పెద్దపల్లి: ఉద్యోగుల సమస్యలను పరిష్కరించాల్సిన ఉద్యోగ సంఘ నాయకుడే మహిళా ఉద్యోగులకు పెద్ద సమస్యగా మారాడు. మహిళా కార్మికులపై లైంగిక వేధింపులకు పాల్పడుతున్న సదరు నాయకున్ని ఉన్నతాధికారుల ముందే చెప్పుతో కొట్టి తగిన బుద్ది చెప్పింది బాధిత వివాహిత. ఈ ఘటన పెద్దపల్లి జిల్లా గోదావరి ఖనిలో చోటుచేసుకుంది.  గోదావరిఖని అర్జీ-1 లో ఫిట్ సెక్రటరీ గా పని చేస్తున్న స్వామీదాస్ ఓ మహిళా కార్మికురాలిపై లైంగిక వేధింపులకు పాల్పడ్డాడు. అతడి వేధింపులతో విసిగిపోయిన బాధిత మహిళ అర్జీ-1 వర్క్ షాప్ వద్ద అధికారులు, కార్మికుల సమక్షంలోనే సదరు కార్మిక సంఘం నేతకు దేహశుద్ధి చేసింది. చెప్పుతో కొట్టి బుద్దిచెప్పింది.