Asianet News TeluguAsianet News Telugu

ఆ మంత్రిలోని అమ్మ మనసు.. ఆర్ఎంపీ ప్రాణాలు నిలబెట్టింది..

Jun 10, 2020, 11:27 AM IST

తెలంగాణ మంత్రి సత్యవతి రాథోడ్ రోడ్డుపై పడిపోయిన ఓ ఆర్ఎంపీ వైద్యుడికి అత్యవసర వైద్య సాయం కోసం తన కాన్వాయ్‌లోని వాహనం ఇచ్చి ఆస్పత్రికి పంపారు. మహబూబాబాద్‌ నుంచి హైదరాబాద్‌కు రాష్ట్ర గిరిజన సంక్షేమ, స్త్రీ-శిశు సంక్షేమ శాఖ మంత్రి సత్యవతి రాథోడ్‌ వస్తుండగా ఈ ఘటన చోటు చేసుకుంది. మహబూబాబాద్‌ జిల్లా ఆలేరు దగ్గర బంజారా గ్రామానికి సమీపంలో రోడ్డు మీద రాత్రి ఏడు గంటలకు ఓ ఆర్ఎంపీ డాక్టర్‌ కింద పడిపోయి అపస్మారక స్థితిలో కనిపించాడు. నేలపై బలంగా పడిపోవడంతో ఆయన తలకు గాయం అయింది. దీనిని గమనించిన వెంటనే మంత్రి సత్యవతి రాథోడ్‌ తన కాన్వాయ్‌ను ఆపించారు. ఆ ఆర్‌ఎంపీ డాక్టర్‌ని తన పైలట్‌ వాహనంలో ఎక్కించి తన భద్రతా సిబ్బందిలో ఒకరిని తోడుగా ఉంచి సమీపంలోని ఆస్పత్రికి తరలించారు.