ధర్మపురి బిజెపిలో ముసలం... మాజీ ఎంపీ వివేక్ తో నాయకుల వాగ్వాదం

ధర్మపురి :  పెద్దపల్లి పార్లమెంట్ పరిధిలో మాజీ ఎంపీ వివేక్ గుత్తాధిపత్యం కోసం ప్రయత్నిస్తున్నాడని... అందులో భాగంగానే ధర్మపురి బిజెపిలో గ్రూప్ రాజకీయాలకు తెరతీసారని స్థానిక నాయకుడు కన్నం అంజయ్య ఆరోపించారు. గత 20 సంవత్సరాలు ధర్మపురిలో బిజెపి కోసం పనిచేసిన తనకు కాకుండా ఇప్పుడు పెట్టుబడిదారి వ్యవస్థతో డబ్బులున్న నాయకులకు ప్రాధాన్యత ఇస్తున్నారని అన్నారు. ఇలా బిజెపిని భ్రష్టుపట్టిస్తున్న నాయకులకు తగిన గుణపాఠం చెబుతామని ధర్మపురి దళిత నాయకుడు అంజయ్య హెచ్చరించారు. 

 ధర్మపురి పట్టణంలోని ఎస్ఆర్ఆర్ గార్డెన్స్ లో నిర్వహించిన బిజెపి కార్యక్రమంలో జాతీయ అధ్యక్షులు జెపి నడ్డా వర్చువల్ గా పాల్గొన్నారు. ఈ క్రమంలోనే మాజీ ఎంపీ వివేక్ పై అంజయ్య వర్గం తిరుబాటుకు దిగింది. వివేక్ తో వాగ్వాదానికి దిగిన అంజయ్య కార్యక్రమాన్ని నుండి బహిష్కరించారు.