రైల్వే ట్రాక్ పై ఫామాయిల్ ట్రక్కు... పెద్ద అవుటుపల్లి వద్ద తప్పిన ప్రమాదం

గన్నవరం : కృష్ణా జిల్లా గన్నవరం నియోజకవర్గం పెద్ద అవుటుపల్లి రైల్వే ట్రాక్ పై పెను ప్రమాదం తప్పింది. పామాయిల్ లోడ్ తో వెళుతుండగా ట్రాక్టర్ ట్రక్కు పెద్ద అవుటుపల్లి వద్ద నిలిచిపోయింది. పట్టా ఊడిపోయి ట్రక్కు రైలు పట్లాలపై నిలిచిపోగా ట్రాక్టర్ ముందుకెళ్ళిపోయింది. ఇదే సమయంలో కాకినాడ-తిరుపతి ప్యాసింజర్ రైలు అదే పట్టాలపైకి వచ్చింది. అయితే దూరంనుండే  రైల్వే ట్రాక్ పై ట్రక్కును గుర్తించిన రైల్ లోకో పైలట్ అప్రమత్తమై రైలును నిలిపివేసాడు. దీంతో పెను ప్రమాదం తప్పింది. 

లోకో ఫైలట్ అందించిన సమాచారంతో రైల్వే సిబ్బంది పెద్ద అవుటుపల్లికి చేరుకుని ట్రాక్ పై నిలిచిపోయిన ట్రాక్టర్ ట్రక్కును తొలగించారు. దాదాపు అరగంటకు పైగా విజయవాడ-వైజాగ్ మార్గంలో  రైళ్ల రాకపోకలు నిలిచిపోయాయి.