విశాఖ డాక్టర్ సుధాకర్ కేసులో మరో ట్విస్ట్.. పదే పదే పోలీస్ స్టేషన్‌కు వెళ్లి!

విశాఖ డాక్టర్ సుధాకర్ పోలీసు స్టేషన్‌కు వచ్చి తన ఉద్యోగం కావాలంటున్నారని.. పోలీసులు ఉద్యోగాలు ఇస్తారా.. కావాలంటే ప్రభుత్వాన్ని అడగాలని సీపీ మీనా అన్నారు. సీబీఐ విచారణ జరుపుతున్న సమయంలో పీఎస్ చుట్టూ ఎందుకు తిరుగుతున్నారని మీనా ప్రశ్నించారు. డాక్టర్ ఏదైనా చెప్పాలనుకుంటే సీబీఐకి చెప్పుకోవాలని.. పదే పదే పోలీస్ స్టేషన్‌కు ఎందుకు వస్తున్నారని సీపీ అంటున్నారు. సీబీఐ విచారణ జరుగుతున్నప్పుడు స్థానిక పోలీసు స్టేషన్‌ ముందు సుధాకర్ మీడియాతో మాట్లాడటం ఏంటని ప్రశ్నించారు. సుధాకర్ రాజకీయ నాయకులను సంప్రదించి వస్తున్నారని, స్థానిక పోలీసులపై లేనిపోని నిందలు వేస్తున్నారని మండిపడ్డారు. ఇది పోలీసులకు వ్యతిరేకంగా జరుగుతున్న కుట్రలా ఉందని, సుధాకర్ తీరుపై సీబీఐకు తెలియజేస్తామన్నారు.