ఇండియాలో ఎథికల్ హ్యాకర్‌గా మారడానికి ఏం చేయాలి, దీని ఫ్యూచర్ ఏంటి ?
కరోనా మహమ్మారి సమయంలో సైబర్ దాడులు గణనీయంగా పెరిగాయి. దీంతో భారత ప్రభుత్వం కూడా ఎథికల్ హ్యాకర్లను నియమించుకుంటుంది. అలాగే డిజిటల్ ప్రపంచంలో ఎథికల్ హ్యాకర్ల అవసరం ప్రతి క్షణం ఉంటుంది.
 )
Followభారతదేశంలో ఎథికల్ హ్యాకింగ్ చాలా వేగంగా సాగుతోంది. గూగుల్, ఫేస్‌బుక్, మైక్రోసాఫ్ట్, ట్విట్టర్ అండ్ ఉబెర్ వంటి కంపెనీలకు తమ సత్తాను నిరూపించుకున్న ఎంతో మంది భారతీయ ఎథికల్ హ్యాకర్లు ఉన్నారు. ఎథికల్ హ్యాకింగ్ అంటే మొదటి నుంచి క్రేజ్ ఉన్నా అది అనుకున్నంత ఈజీ కాదు. హ్యాకింగ్ కోసం మీకు సరైన పూర్తి అవగాహన అలాగే స్టడీ చేసి ఉంటే ఆ తర్వాత మీరు ఈ కెరీర్ ప్రారంభించవచ్చు.
ప్రభుత్వం కూడా ఎథికల్ హ్యాకర్లను నియమించుకుంటుంది అలాగే డిజిటల్ ప్రపంచంలో ఎథికల్ హ్యాకర్ల అవసరం ప్రతి క్షణం ఏర్పడుతుంది. కరోనా మహమ్మారి సమయంలో సైబర్ దాడులలో గణనీయమైన పెరుగుదల నమోదైంది అయితే ఏదైనా సిస్టమ్‌లో లూప్ ఉన్నప్పుడే సైబర్ దాడులు సాధ్యమవుతాయి. దాడికి ముందు ఈ లోపాలను గుర్తించే హ్యాకర్లను ఎథికల్ హ్యాకర్లు అంటారు.
ఎథికల్ హ్యాకింగ్ అంటే ఏమిటి..?
ఎథికల్ హ్యాకింగ్ అనేది ఒక బాధ్యతాయుతమైన వృత్తి, దీనిని మంచి ఉద్దేశ్యంతో ఉపయోగించడం ద్వారా ఇతరులకు సహాయం చేయడం ముఖ్య లక్ష్యం. కంప్యూటర్లు, మొబైల్‌లు, ట్యాబ్‌లు మొదలైన ఎలక్ట్రానిక్ పరికరాలలో ఉన్న డేటా భద్రత నేడు చాలా అవసరం. ఇలాంటి పరిస్థితిలో ఎథికల్ హ్యాకింగ్ అనేది ఒక పెద్ద ఆయుధం ఇంకా వృత్తి. సర్టిఫైడ్ ఎథికల్ హ్యాకర్‌గా మారడానికి కొన్ని కీలక స్కిల్స్ నేర్చుకోవాలి. ఎథికల్ హ్యాకర్‌గా మారడానికి షార్ట్ కట్ మార్గం లేదు. ఎథికల్ హ్యాకర్ కావడానికి మీరు కంప్యూటర్ సైన్స్, ఐటీ, మ్యాథమెటిక్స్ మొదలైన వాటిలో డిగ్రీని పొంది ఉండాలి.
అంతేకాకుండా, మీకు ప్రాబ్లం సొల్యూషన్ స్కిల్స్, ఒత్తిడిలో పని చేసే సామర్థ్యం, నేర్చుకునే స్వభావం, జావా, C++, HTML, పైథాన్ వంటి ప్రాథమిక సాంకేతిక అండ్ ప్రోగ్రామింగ్ లాంగ్వేజ్ పరిజ్ఞానం ఉండాలి. అంతేకాకుండా మీరు Windows, Linux, iOS మొదలైన ప్రోగ్రామింగ్ అండ్ ఆపరేటింగ్ స్కిల్స్ ఎకువగా ఉండాలి. కోడింగ్ లాంగ్వేజ్, కమాండ్‌లు మొదలైన వాటిని అర్థం చేసుకోవడంలో ఎలాంటి సమస్య ఉండకూడదు. ఎథికల్ హ్యాకర్ నెట్‌వర్కింగ్ అండ్ సైబర్ సెక్యూరిటీలో బాగా ప్రావీణ్యం కలిగి ఉండాలి. ఎథికల్ హ్యాకర్‌కు ఫైర్‌వాల్స్, పెనెట్రేషన్ టెస్ట్‌లు, క్రిప్టోగ్రఫీ, వి‌పి‌ఎన్ వంటి నెట్‌వర్క్‌లు మొదలైన వాటిపై అవగాహన ఉండాలి.
సైబర్ సెక్యూరిటీలో కెరీర్
సైబర్ సెక్యూరిటీలో ఎథికల్ హ్యాకింగ్ ఒక భాగం. ఇంటర్నెట్ ఇంకా ఇతర వనరుల ద్వారా వచ్చే బెదిరింపులను గుర్తించే సామర్ధ్యం కలిగి ఉండవలసిన వృత్తి. సర్టిఫైడ్ సైబర్ సెక్యూరిటీ నిపుణుడు కావడానికి, మీకు ఈ క్రింది స్కిల్స్ అవసరం.
సిస్టమ్ అడ్మినిస్ట్రేషన్
-నెట్‌వర్కింగ్, రూటర్, ఫైర్‌వాల్ మొదలైన వాటి గురించిన సమాచారం.
-Windows, Linux, Unix, Mac OS మొదలైన వివిధ ఆపరేటింగ్ సిస్టమ్‌లపై పరిజ్ఞానం.
-పెనేట్రేషన్ టెస్టింగ్, సెక్యూరిటి రీసర్చ్, మాల్వేర్ రీసర్చ్, డేటా అనాలిసిస్ పరిజ్ఞానం
-నెట్‌వర్క్ సెక్యూరిటీ, కోడింగ్ స్కిల్స్ - జావా, సి++, HTML, జావా స్క్రిప్ట్ మొదలైన వాటిపై అవగాహన.
-క్లౌడ్ సెక్యూరిటీ, ఇన్ఫర్మేషన్ సెక్యూరిటీ, సెక్యూరిటీ ఆడిట్ పై పరిజ్ఞానం
ఎథికల్ హ్యాకింగ్‌లో కెరీర్‌ని సంపాదించడానికి సర్టిఫికేషన్
సైబర్ సెక్యూరిటీ సర్టిఫికేషన్
సర్టిఫైడ్ ఎథికల్ హ్యాకర్ (CEH)
సిస్కో సర్టిఫైడ్ నెట్‌వర్క్ అసోసియేట్ (CCNA)
ఇన్ఫర్మేషన్ అండ్ సైబర్ సెక్యూరిటీ సర్టిఫికేషన్
క్లౌడ్ సెక్యూరిటీ ప్రొఫెషనల్
సైబర్ సెక్యూరిటీలో పీజీ డిప్లొమా
క్లౌడ్ కంప్యూటింగ్ అండ్ సైబర్ సెక్యూరిటీ సర్టిఫికేషన్
ఎథికల్ హ్యాకింగ్ తర్వాత కెరీర్
సైబర్ సెక్యూరిటీ అనలిస్ట్
సైబర్ సెక్యూరిటీ కన్సల్టెంట్
సైబర్ సెక్యూరిటీ మేనేజర్/అడ్మినిస్ట్రేటర్
సాఫ్ట్ వేర్ డెవలపర్
సిస్టమ్ ఇంజనీర్
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
