బెడసికొట్టిన ‘వయాగ్రా’.. మొత్తం 3,200 మాత్రలు..!
ఆ వయాగ్రా మాత్రలను ఓ వ్యక్తి అక్రమంగా తరలించాలని ప్రయత్నించాడు. ఈ క్రమంలో అడ్డంగా దొరికిపోయాడు.
శృంగార సామర్థ్యాన్ని పెంచేందుకు ‘వయాగ్రా’ మాత్రలు వాడతారన్న విషయం అందరికీ తెలిసిందే. కాగా.. ఆ వయాగ్రా మాత్రలను ఓ వ్యక్తి అక్రమంగా తరలించాలని ప్రయత్నించాడు. ఈ క్రమంలో అడ్డంగా దొరికిపోయాడు. ఈ సంఘటన అమెరికాలో చోటుచేసుకోగా.. ఈ ఘటనకు సంబంధించిన పూర్తి వివరాలు ఇలా ఉన్నాయి.
అమెరికాలోని షికాగో విమానాశ్రయంలో ఓ భారతీయుడు అక్రమంగా వయాగ్రా మాత్రలను తరలించేందుకు ప్రయత్నించాడు. అతని వద్ద నుంచి 3,200 వయాగ్రా మాత్రలను స్వాధీనం చేసుకున్నట్లు పోలీసులు తెలిపారు. అతంతరం అతనిని అరెస్టు చేసినట్లు చెప్పారు. ఆ మాత్రల విలువ రూ.70లక్షలు(96వేల డాలర్లు) ఉంటుందని అధికారులు చెప్పారు.
ఇటీవల భారత్ వచ్చిన ఓ ప్రయాణికుడు తిరుగు ప్రయాణంలో అమెరికా వెళుతూ తనతోపాటు తీసుకువచ్చిన అమెరికా కస్టమ్స్, సరిహద్దు భద్రత( సీబీపీ) విభాగం ఓ ప్రకటనలో ఈ విషయాన్ని తెలియజేసింది. కాగా.. ఆ ప్రయాణికుడి వ్యక్తిగత వివరాలను మాత్రం బయటకు రానివ్వలేదు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
