జయప్రదపై అనుచిత వ్యాఖ్యలు: ఆజంను వెనకేసుకొచ్చిన అఖిలేష్

ఆజంఖాన్ మాటలను మీడియా వక్రీకరించి మరో రకంగా మాట్లాడినట్లు చూపించిందని అఖిలేష్ యాదవ్ అన్నారు. అఖిలేష్ యాదవ్ వెనకేసుకొచ్చినప్పటికీ ఆజంఖాన్ వ్యాఖ్యలపై దుమారం చెలరేగుతూనే ఉంది.

akhilesh

మురాదాబాద్: రాంపూర్ బిజెపి అభ్యర్థి జయప్రదపై అనుచిత వ్యాఖ్యలు చేసిన తమ పార్టీ నేత ఆజం ఖాన్ ను సమాజ్ వాదీ పార్టీ (ఎస్పీ) చీఫ్ అఖిలేష్ యాదవ్ వెనకేసుకొచ్చారు. మీడియాపై ఆయన దుమ్మెత్తిపోశారు. సందర్భం నుంచి విడదీసి ఆజంఖాన్ వ్యాఖ్యలపై మాట్లాడుతున్నారని ఆయన అన్నారు. 

జయప్రదపై ఆజంఖాన్ వ్యాఖ్యలు చేసిన సమయంలో అఖిలేష్ యాదవ్ కూడా పక్కనే ఉన్నారు. ఆజంఖాన్ వ్యాఖ్యలను వక్రీకరించారని, ఎవరి గురించో మాట్లాడితే మరొకరిపై వ్యాఖ్యలు చేసినట్లు చిత్రీకరించారని, ఆర్ఎస్ఎస్ దుస్తులపై ఆజంఖాన్ మాట్లాడితే వేరొకరికి ఆ వ్యాఖ్యలను అంటగట్టారని ఆయన అన్నారు. 

ఆజంఖాన్ మాటలను మీడియా వక్రీకరించి మరో రకంగా మాట్లాడినట్లు చూపించిందని అఖిలేష్ యాదవ్ అన్నారు. అఖిలేష్ యాదవ్ వెనకేసుకొచ్చినప్పటికీ ఆజంఖాన్ వ్యాఖ్యలపై దుమారం చెలరేగుతూనే ఉంది.

సంబంధిత వార్తలు