Face Glow: వీటిలో ఏ ఒక్కటి రోజూ తిన్నా...అందంగా, యవ్వనంగా మెరిసిపోతారు..!
చర్మం రంగును మెరుగుపరచడానికి, ముఖంపై మచ్చలను తొలగించడానికి, సహజ మెరుపును పెంచుకోవడానికి ముఖానికి ఏవేవో క్రీములు రాస్తే సరిపోదు. ఆహారంలో మార్పులు చేసుకోవడం చాలా అవసరం.
ముఖ సౌందర్యం పెంచాలంటే..
తమ ముఖం అందంగా, మెరుస్తూ కనిపించాలి అని చాలా మంది మహిళలు కోరుకుంటారు. దాదాపు మహిళలు అందరూ తమ అందానికి ఎక్కువ ప్రాధాన్యత ఇస్తారు. వయసుతో సంబంధం లేకుండా యవ్వనంగా కనిపించాలని అనుకుంటారు. దాని కోసం ఖరీదైన ట్రీట్మెంట్లు చేయించుకునేవారు కొందరు ఉంటే, వేల రూపాయలు ఖర్చు చేసి క్రీములు, సీరమ్స్ కొని వాటిని వాడేవారు మరి కొందరు ఉంటారు. కానీ.. పై పై మెరుగులతో వచ్చే అందం శాశ్వతం కాదు. కానీ.. మనం ఆహారం ద్వారా లోపలి నుంచి ఆ అందాన్ని తీసుకురాగలిగితే అది ఎక్కువ కాలం ఉంటుంది. దాని కోసం.. మన లైఫ్ స్టైల్ లో మార్పులు చేసుకోవడం తో పాటు.. కొన్ని రకాల ఆహారాలను ప్రతిరోజూ తీసుకుంటే... కచ్చితంగా ఫేస్ లో గ్లో రావడంతో పాటు.. అందం కూడా పెరుగుతుంది.
ఏం తింటే అందం పెరుగుతుంది?
చర్మం రంగును మెరుగుపరచడానికి, ముఖంపై మచ్చలను తొలగించడానికి, సహజ మెరుపును పెంచుకోవడానికి ముఖానికి ఏవేవో క్రీములు రాస్తే సరిపోదు. ఆహారంలో మార్పులు చేసుకోవడం చాలా అవసరం. మనం ఏం తింటామో.. అలాగే కనిపిస్తాం.. అనే మాట వినే ఉంటారు. అది నిజం. ఇది ఆరోగ్యానికి మాత్రమే కాదు అందానికి కూడా వర్తిస్తుంది. చర్మం శీరర అంతర్గత ఆరోగ్యానికి అద్దం లాంటిది. మీ శరీరంలో లోపల నుంచి పోషకాలు సరిగా తీసుకుంటే, అది చర్మంపై స్పష్టంగా ప్రతిబింబిస్తుంది.
దానిమ్మ
1.దానిమ్మ పండు..
దానిమ్మ పండు కేవలం రుచికరమైనది మాత్రమే కాదు.. ఇది మన చర్మానికి సూపర్ ఫుడ్ లాంటిది కూడా. ఇందులో యాంటీ ఆక్సిడెంట్లు, విటమిన్ సి పుష్కలంగా ఉంటాయి. ఈ రెండు చర్మ ఛాయను మెరుగుపరచడంలో, నల్ల మచ్చలను తగ్గించడంలో, ముఖం మెరిచేలా చేయడంలో సహాయపడతాయి.
దీనిలో ఉండే యాంటీఆక్సిడెంట్లు సూర్యుని హానికరమైన కిరణాల నుండి, కాలుష్యం వల్ల కలిగే నష్టం నుండి చర్మాన్ని రక్షిస్తాయి. దీని కారణంగా ఎక్కువ కాలం యవ్వనంగా కనపడతారు. ముఖం ఎల్లప్పుడూ తాజాగా కనిపిస్తుంది. ప్రతిరోజూ ఒక దానిమ్మ తినడం లేదా దాని రసం తాగడం వల్ల చర్మంలో కొల్లాజెన్ ఉత్పత్తి పెరుగుతుంది, ఇది చర్మాన్ని యవ్వనంగా కనిపించేలా చేస్తుంది.
పసుపు
పసుపు భారతీయ వంటగదిలో అంతర్భాగం. దాని ఔషధ లక్షణాలు శతాబ్దాలుగా ప్రసిద్ధి చెందాయి. పసుపులో కర్కుమిన్ అనే శక్తివంతమైన మూలకం ఉంటుంది. ఇది దాని యాంటీఆక్సిడెంట్, యాంటీ ఇన్ఫ్లమేటరీ లక్షణాలకు ప్రసిద్ధి చెందింది. పసుపులో ఉండే కర్కుమిన్ చర్మంపై నల్ల మచ్చలను తగ్గిస్తుంది. అంటే హైపర్పిగ్మెంటేషన్, చర్మపు రంగును సమానంగా కనిపించేలా చేస్తుంది. పసుపు చర్మాన్ని లోపలి నుండి అందంగా చేస్తుంది. ముఖానికి సహజమైన మెరుపును ఇస్తుంది. మీరు మీ ఆహారంలో పసుపును చేర్చవచ్చు లేదా పసుపు పాలు తాగవచ్చు. మీరు పెరుగు లేదా శనగపిండితో పసుపును పేస్ట్ చేసి చర్మంపై పూయడానికి కూడా ఉపయోగించవచ్చు.
కుంకుమపువ్వు
కుంకుమపువ్వు ప్రపంచంలోనే అత్యంత ఖరీదైన సుగంధ ద్రవ్యాలలో ఒకటి. ఇది మన ముఖాన్ని అందంగా మార్చడానికి సహాయపడుతుంది. కుంకుమపువ్వులో క్రోసిన్ అనే శక్తివంతమైన యాంటీఆక్సిడెంట్ ఉంటుంది.ఈ కుంకుమ పువ్వు రెగ్యులర్ గా వాడటం వల్ల ముఖంపై నల్ల మచ్చలు అనేవి ఉండవు. ఒకవేళ ఆల్రెడీ నల్ల మచ్చలు ఉన్నా.. వాటిని రెగ్యులర్ గా తగ్గించడంలో సహాయపడుతుంది. సహజంగా ముఖం ఛాయను మెరుగుపరుస్తుంది. మీరు కుంకుమ పువ్వును పాలల్లో కలిపి రోజూ తాగినా కూడా యవ్వనంగా కనిపిస్తారు. మీ ముఖంలో గ్లో పెరుగుతుంది. మీరు కుంకుమపువ్వు దారాలను పాలు లేదా గంధపు పొడిలో కలిపి ఫేస్ ప్యాక్గా కూడా ఉపయోగించవచ్చు.
మాచా టీ
మచా టీ ప్రత్యేకంగా పండించి తయారు చేస్తారు. ఈ పానీయం యాంటీ-ఆక్సిడెంట్లకు శక్తివంతమైనది. మాచాలో క్లోరోఫిల్ పుష్కలంగా ఉంటుంది. ఇది శరీరం నుండి టాక్సిన్స్ తొలగిస్తుంది. ఇది రక్తాన్ని శుభ్రపరుస్తుంది. చర్మాన్ని మెరిసేలా చేస్తుంది. అలాగే, శరీరం నుండి టాక్సిన్స్ తొలగించడం వల్ల మొటిమలు, ఇతర చర్మ సంబంధిత సమస్యలు తగ్గుతాయి. మాచాలో ఉండే శక్తివంతమైన యాంటీఆక్సిడెంట్లు, ముఖ్యంగా ఎపిగాల్లోకాటెచిన్ గాలేట్ (EGCG), సూర్యుని హానికరమైన UV కిరణాల వల్ల కలిగే నష్టం నుండి చర్మాన్ని రక్షిస్తాయి. ట్యాన్ సమస్య ఉండదు. ఈ టీ రోజూ తాగడం వల్ల ఆరోగ్యంగా ఉండటంతో పాటు.. అందంగా కూడా కనపడతారు.
గింజలు, విత్తనాలు
బాదం, వాల్నట్లు వంటి గింజలు, అవిసె గింజలు, చియా గింజలు, పొద్దుతిరుగుడు విత్తనాలు వంటి గింజలు కేవలం స్నాక్స్ మాత్రమే కాదు, అవి మీ చర్మ ఆరోగ్యానికి కూడా అవసరం. వాటిలో విటమిన్-ఇ , ఆరోగ్యకరమైన కొవ్వులు పుష్కలంగా ఉంటాయి. విటమిన్-ఇ అనేది చర్మాన్ని లోపలి నుండి పోషించే యాంటీఆక్సిడెంట్. అవి చర్మ కణాలకు జరిగే నష్టాన్ని సరిచేస్తాయి. చర్మం ఆరోగ్యంగా, యవ్వనంగా కనిపిస్తుంది. వీటిలో ఉండే ఆరోగ్యకరమైన కొవ్వులు చర్మాన్ని మృదువుగా, హైడ్రేటెడ్ గా మారుస్తాయి. వీటిని ప్రతిరోజూ తినడం వల్ల చర్మాన్ని ఆరోగ్యంగా ఉంచుతాయి. చర్మ రంగును మెరుగుపరుస్తుంది. చర్మానికి సహజమైన మెరుపును ఇస్తుంది. మీరు అల్పాహారం, సలాడ్ లేదా స్మూతీలో కొన్ని బాదం, వాల్నట్లు లేదా అవిసె గింజలను చేర్చవచ్చు.
మీకు నచ్చిన ఈ 5 ఆహారాలలో దేనినైనా మీ ఆహారంలో చేర్చుకోవడం ద్వారా, మీరు మీ చర్మ రంగును మెరుగుపరచుకోవచ్చు, పిగ్మెంటేషన్ను తగ్గించవచ్చు. ఆరోగ్యకరమైన, మెరిసే చర్మాన్ని పొందవచ్చు.