Neha Shetty: ఇంత అందాన్ని ఎవరూ పట్టించుకోవడం లేదే..!
Neha Shetty: సోషల్ మీడియా పోస్టులతో కుర్రకారును ఆకట్టుకోవడంలో నేహా ఎప్పుడూ ముందుంటుంది. డీజే టిల్లు సినిమాతో రాధిక గా గుర్తింపు తెచ్చుకున్న ఈ బ్యూటీ, కేవలం వెస్ట్రన్ దుస్తుల్లోనే కాదు, చీరకట్టులోనూ అదరగొడుతోంది..
నేహా శెట్టి..
సినిమా ఇండస్ట్రీ అంటేనే గ్లామర్ ఫీల్డ్. ఒకరితో మరొకరు నిత్యం పోటీ పడుతూనే ఉండాలి. ఈ విషయంలో హీరోయిన్లు మరింత ఎక్కువ కష్టపడాల్సి ఉంటుంది. అంతేకాదు.. సోషల్ మీడియాలో యాక్టివ్ గా ఉంటూ, ట్రెండీ ఫోటోలను షేర్ చేస్తేనే మేకర్స్ దృష్టిలో పడతారని హీరోయిన్లు నమ్ముతుంటారు. అందుకే.. ఎప్పటికప్పుడు తమ ఫోటోలను షేర్ చేస్తూ ఉంటారు. అలాంటి జాబితాలో నేహా శెట్టి కూడా ఉంది.
చీరలో మెరిసిన చందమామ..
నేహా శెట్టి ఎప్పుడూ తన గ్లామరస్ ఫోటోలను మాత్రమే కాకుండా, చీరలో ఉన్న ఫోటోలను కూడా షేర్ చేస్తూ ఉంటుంది. తాజాగా.. ఆమె చీర కట్టుకున్న ఫోటోలను అభిమానులతో పంచుకోగా.. అవి నెట్టింట వైరల్ గా మారాయి.
పీచ్ కలర్ చీర లో నేహా చాలా అందంగా కనపడుతుంది. దానిపై ఉన్న గోల్డెన్ డీటైలింగ్, ఎంబ్రాయిడరీ వర్క్ ఆమె అందాన్ని మరింత రెట్టింపు చేశాయి. నేహా కి సోషల్ మీడియాలో ఫాలోయింగ్ చాలా ఎక్కువ అనే చెప్పొచ్చు. దాదాపు 1.4 మిలియన్ల ఫాలోవర్స్ ఉన్నారు.
ఆఫర్ల సంగతేంటి?
నేహాకి సోషల్ మీడియాలో విపరీతమైన ఫాలోయింగ్ ఉన్నప్పటికీ, ఆకట్టుకునే అందం, టాలెంట్ ఉన్నా కూడా ఆఫర్ల కోసం తిప్పలుపడుతోందని చెప్పాలి. డీజే టిల్లు తర్వాత.. నేహాకి అంత ఇంపార్టెంట్ ఉన్న క్యారెక్టర్ ఏదీ రాలేదనే చెప్పాలి. ఇంత అందాన్ని మేకర్స్ పట్టించుకోవడం లేదే అనే కామెంట్స్ ఎక్కువగా వినిపిస్తున్నాయి.
