Hair Care: షాంపూ లేకుండా.. ఆరోగ్యకరమైన జుట్టు కోసం వంటింటి చిట్కాలు..

Hair Care: జుట్టును శుభ్రం చేసుకోవడానికి వారానికి ఓ సారైనా షాంపూ వాడతాం. దీని వల్ల జుట్టు జుట్టు క్లీన్ అవుతుంది. కానీ, అందులోని రసాయనాల వల్ల జట్టు రాలిపోవడం, జుట్టు సమస్యలు వస్తాయి. అలా కాకుండా మన ఇంట్లో రోజూ వాడే కొన్ని పదార్థాలను ఉపయోగించి ఆరోగ్యకరమైన జుట్టును పొందవచ్చు. ఇంతకీ ఆ వంటింటి చిట్కాలు ఏంటో ఓ లూక్కేయండి.   

షాంపూ వాడకం :

సాధారణ షాంపూలలోని రసాయనాలు జుట్టును దెబ్బతీస్తాయి. కాబట్టి, వంటింట్లో ఉండే పదార్థాలతో జుట్టును శుభ్రం చేసుకోవడం మంచిది. షాంపూ లేకుండా జుట్టును శుభ్రం చేసుకోవడానికి ఉపయోగపడే ఐదు వంటింటి చిట్కాల గురించి తెలుసుకుందాం.  

శనగపిండి:

శనగపిండి షాంపూకు మంచి ప్రత్యామ్నాయం. ఇది జుట్టును చాలా బాగా శుభ్రం చేస్తుంది. శనగపిండిని నీటిలో కలిపి, జుట్టుకు పట్టించండి. 30 నిమిషాల తర్వాత కడిగేస్తే.. మురికి, జిడ్డు తొలగిపోయి, జుట్టు మృదువుగా, మెరిసేలా మారుతుంది.  

కొబ్బరి పాలు:

కొబ్బరి నూనె తోపాటు కొబ్బరి పాలు కూడా జట్టు ఆరోగ్యానికి మంచిది. కొబ్బరి, నీటిని కలిపి మిక్స్ చేయండి. ఆ మిశ్రమాన్ని వడగట్టి కొబ్బరి పాలు లను వేరు చేయాలి. ఆ పాలను తలకు రాసి ఒక గంట తర్వాత కడగాలి. వారానికి రెండుసార్లు ఇలా చేయవచ్చు. మ్రుదువైన, పొడవాటి జట్టు మీ కోసం. 

కలబంద

కలబంద చర్మ ఆరోగ్యానికే కాదు. జుట్టు ఆరోగ్యానికి కూడా సహయపడుతుంది.  కలబంద జెల్ ను తల,జుట్టుకు పట్టించండి.  ఓ గంట తర్వాత కడగాలి. కలబంద జుట్టుకు తేమను అందించి, చుండ్రును తొలగిస్తుంది. మంచి ఫలితాల కోసం వారానికి రెండు లేదా మూడు సార్లు ఇలా చేయండి. 

పెరుగు

 బలమైన, మెరిసే జుట్టు కోసం పెరుగును వాడండి. పెరుగును తల, జుట్టుకు పట్టించండి. ఒక గంట తర్వాత కడగాలి. పెరుగు జుట్టుకు తేమను అందించి, అన్ని సమస్యలను తొలగిస్తుంది. వారానికి రెండు లేదా మూడు సార్లు పెరుగు వాడటం మంచిది.

ఉసిరిక పొడి

ఉసిరిక పొడి షాంపూకు మంచి ప్రత్యామ్నాయం. ఇది జుట్టుకు సంబంధించిన అన్ని సమస్యలను నయం చేస్తుంది. జుట్టు రాలడాన్ని నివారిస్తుంది. రెండు లేదా మూడు టీస్పూన్ల ఉసిరిక పొడిని నీరు లేదా రోజ్ వాటర్ లో కలిపి, తల, జుట్టుకు పట్టించండి. ఒక గంట తర్వాత కడగాలి. దీని వల్ల  మురికిని తొలగించి, జుట్టును మృదువుగా, మెరిసేలా చేస్తుంది.