Hyderabad Rains : గోల్కొండ బోనాన్ని తడిపిన వానచినుకులు.. ఈ సాయంత్రం నగరంలో జోరువానలే, ఈ ప్రాంతాల్లో అలర్ట్

హైదరాబాద్ లో వర్షం మొదలయ్యింది… సరిగ్గా బోనాల వేళ గొల్కొండ ప్రాంతాన్ని చిరుజల్లులు చల్లబర్చాయి. ఈ సాయంత్రం మరికొన్ని ప్రాంతాల్లో వర్షాలు కురిసే అవకాశాలున్నాాయని తెలంగాణ వెదర్ మ్యాన్ హెచ్చరిస్తున్నారు.

Image Credit : Gemini AI

గోల్కొండ బోనాలను తడిపిన వర్షాలు

Rain Alert : ఎట్టకేలకు తెలుగు రాష్ట్రాలు చల్లబడుతున్నాయి... మెళ్లిగా వర్షాలు మొదలవుతున్నాయి. బంగాళాఖాతంలో ఏర్పడిన అల్పపీడనం ప్రభావంతో వర్షాలు ఊపందుకుంటాయని వాతావరణ నిపుణులు అంచనా వేశారు.. వాళ్లు చెప్పినట్లే జరుగుతోంది. తెలంగాణలో నిన్న (జూలై 15, బుధవారమే) ఎండల తీవ్రత తగ్గి వర్షాలు మొదలయ్యాయి... ఇవాళ మరిన్ని జిల్లాలకు విస్తరిస్తున్నాయి. హైదరాబాద్ లో కూడా వర్షాలు మొదలయ్యాయి.

Image Credit : Gemini AI

హైదరాబాద్ లో వర్షం

హైదరాబాద్ నగరంలో ఇవాళ బోనాల వేడుకలు మొదలయ్యాయి. ప్రాచీన గోల్కొండ కోటలో కొలువైన జగదాంబిక అమ్మవారికి తొలిబోనం సమర్పించారు. ఈ వేడుక కోసం గొల్కొండ కోటవద్దకు భారీగా భక్తులు చేసుకున్నారు. ఈ క్రమంలో ఒక్కసారిగా వర్షం కురవడంతో భక్తులు తడిసిముద్దయ్యారు. గత కొద్దిరోజులుగా ఎండలు మండిపోతుండటంతో నగరవాసులు అల్లాడిపోతున్నారు... అలాంటిది సరిగ్గా బోనాల వేళ వర్షం కురవడం ఆ అమ్మవారి మహిమే అంటున్నారు భక్దులు. ఇక ఈ ఆషాడమాసం మొత్తం ఇలాగే వర్షాలు కురవాలని నగరవాసులు కోరుకుంటున్నారు.

గోల్కొండతో పాటు రాజేంద్రనగర్, మణికొండ, షేక్ పేట్, శంషాబాద్, టోలిచౌకి ప్రాంతాల్లో వర్షం కురిసింది. చిరుజల్లులు కొద్దిసేపే కురిసినా వాతావరణం చల్లబడి ఆహాదకరంగా మారింది. సాయంత్రం సౌత్, వెస్ట్, ఈస్ట్ హైదరాబాద్ ప్రాంతాల్లో మళ్లీ వర్షాలు కురుస్తాయని తెలంగాణ వెదర్ మ్యాన్ వెల్లడించారు. మరో రెండుగంటల్లో బోడుప్పల్, ఫీర్జాదిగూడ, ఉప్పల్, నారపల్లి, ఘట్కేసర్, తట్టిఅన్నారం, వనస్థలిపురం, హయత్ నగర్, పెద్ద అంబర్ పేట్ ప్రాంతాల్లో వర్షాలు కురిసే అవకాశాలు ఉన్నాయని వెల్లడించారు. ఇలా వర్షాలు కురుస్తున్న నేపథ్యంలో ప్రజలు జాగ్రత్తగా ఉండాలని... బయటకు వెళుతుంటే వర్షంలో తడవకుండా జాగ్రత్త పడాలని వెదర్ మ్యాన్ సూచించారు.

HyderabadRains UPDATE 2 - 3.20PM ⚠️⛈️ 

While Rajendranagar, Manikonda, Shaikpet, Shamshabad, Tolichowki, Golconda i.e South, West HYD continues to get SCATTERED RAINS, the action shifts to East

SCATTERED RAINS ahead in Uppal, Boduppal, Peerzadiguda, Narapally, Ghatkesar,…

— Telangana Weatherman (@balaji25_t) July 16, 2026

Image Credit : Gemini AI

తెలంగాణలో వర్షాలు

తెలంగాణ విషయానికి వస్తే.... యాదాద్రి భువనగిరి, నల్గొండ, సూర్యాపేట, వనపర్తి, గద్వాల, రంగారెడ్డి, ఖమ్మం, సంగారెడ్డి, వికారాబాద్ జిల్లాల్లో వర్షాలు కురిసే అవకాశాలున్నాయని వెదర్ మ్యాన్ తెలిపారు. అయితే భారీ వర్షాలేమీ ఉండవని... చెదురుమదురు జల్లులే పడతాయని వెల్లడించారు. జూలై ఎండింగ్ వరకు ఇలాంటి వర్షాలే ఉంటాయని... ఆగస్ట్ లో భారీ వర్షాలుండే అవకాశాలున్నాయని తెలంగాణ వెదర్ మ్యాన్ ప్రకటించారు.

హైదరాబాద్ వాతావరణ కేంద్రం మాత్రం ఈ సాయంత్రం తేలికపాటి నుండి మోస్తరు వర్షాలు కురుస్తాయని అంచనా వేస్తోంది. భద్రాద్రి కొత్తగూడెం, ఖమ్మం, నల్గొండ, సూర్యాపేట, మహబూబ్ నగర్, నాగర్ కర్నూల్ జిల్లాల్లోని కొన్ని ప్రాంతాల్లో వేడి, తేమతో కూడిన పరిస్థితులు ఉంటాయని తెలిపింది. అలాగే ఆదిలాబాద్, కొమ్రంభీం ఆసిఫాబాద్, మంచిర్యాల, నిర్మల్, నిజామాబాద్, జగిత్యాల, రాజన్న సిరిసిల్ల, కరీంనగర్, పెద్దపల్లి, జయశంకర్ భూపాలపల్లి, ములుగు, భద్రాద్రి కొత్తగూడెం జిల్లాల్లో అక్కడక్కడ గంటకు 40 నుండి 50 కిలోమీటర్ల వేగంతో ఈదురుగాలులు వీస్తాయని హెచ్చరిస్తోంది.

तेलंगाना का 7-दिन का पूर्वानुमान (मध्याह्न) 0300 UTC पर आधारित, 1300 घंटे IST पर जारी किया गया दिनांक:/ 7- day forecast(mid day) of Telangana Based on 0300 UTC issued at 1300 Hours IST dated : 16.07.2026 pic.twitter.com/OjZIFmh2nO

— Meteorological Centre, Hyderabad (@metcentrehyd) July 16, 2026

Image Credit : Gemini

ఆంధ్ర ప్రదేశ్ లో వర్షాలు..

వాయువ్య బంగాళాఖాతం, ఆనుకుని ఉన్న ఉత్తర ఒడిశా-పశ్చిమ బెంగాల్ తీర ప్రాంతాలపై అల్పపీడనం కొనసాగుతోందని ఏపీ విపత్తు నిర్వహణ సంస్థ (APSDMA) వెల్లడించింది. ఇది ఈరోజు (జూలై 16న) 'స్పష్టమైన అల్పపీడనం'గా (Well Marked Low Pressure Area) బలపడి,వాయువ్య దిశగా కదిలే అవకాశం ఉందని అంచనా వేస్తోంది. దీని ప్రభావంతో ఇవాళ, రేపు (గురు, శుక్రవారం) ఉత్తరాంధ్ర జిల్లాల్లో చెదురుమదురుగా తేలికపాటి నుండి మోస్తరు వర్ష సూచన ఉందని APSDMA పేర్కొంది.