- Home
- Telangana
- Hyderabad Eiffel Tower: హైదరాబాద్లో ఈఫిల్ టవర్.. ప్యారిస్ వైబ్స్, అడ్వెంచర్ కేఫ్ ఎక్కడుందో తెలుసా?
Hyderabad Eiffel Tower: హైదరాబాద్లో ఈఫిల్ టవర్.. ప్యారిస్ వైబ్స్, అడ్వెంచర్ కేఫ్ ఎక్కడుందో తెలుసా?
Hyderabad Eiffel Tower: హైదరాబాద్లో కూడా ఈఫిల్ టవర్ వుందని మీకు తెలుసా? హైదరాబాద్ ఫైనాన్షియల్ డిస్ట్రిక్ట్లో ప్యారిస్ థీమ్తో 'పారిక్స్ క్రీమ్' ప్రారంభమైంది. ప్యారిస్ వైబ్స్, అడ్వెంచర్ కేఫ్ ఎక్కడుంది? ఈ స్పెషల్ డెసర్ట్స్ పూర్తి వివరాలు మీకోసం.
ప్యారిస్ వెళ్లక్కర్లేదు.. హైదరాబాద్లోనే వెలిసిన ఈఫిల్ టవర్
ప్యారిస్ నగరం మనకు వేల కిలోమీటర్ల దూరంలో ఉండవచ్చు. కానీ, ఇప్పుడు ఆ ఫ్రెంచ్ రాజధానిలోని అందమైన వాతావరణం మన హైదరాబాద్ నగరం ముందుకు వచ్చేసింది. నానక్రామ్గూడలోని ఫైనాన్షియల్ డిస్ట్రిక్ట్, ఐఎస్బీ రోడ్డులో ఉన్న 'ఫ్లిప్ సైడ్ అడ్వెంచర్ పార్క్' ప్రాంగణంలో 'పారిక్స్ క్రీమ్' (Parix Cream) అనే కొత్త డెసర్ట్ కేఫ్ ప్రారంభమైంది.
ప్యారిస్ నగరం స్ఫూర్తితో రూపుదిద్దుకున్న ఈ కేఫ్, ఇప్పుడు సిటీ ప్రజలను విశేషంగా ఆకట్టుకుంటోంది. ఎత్తైన ఈఫిల్ టవర్ నమూనా, ప్రీమియం క్వాలిటీ డెసర్ట్స్, థ్రిల్లింగ్ అడ్వెంచర్ యాక్టివిటీస్ అన్నీ ఒకే చోట లభిస్తుండటంతో సందర్శకులకు ఇది ఒక సరికొత్త అనుభూతిని ఇస్తోంది.
ఆకట్టుకుంటున్న ఈఫిల్ టవర్ వ్యూ
పారిక్స్ క్రీమ్ కేఫ్లో అత్యంత ప్రధానమైన ఆకర్షణ ఇక్కడ నిర్మించిన ఈఫిల్ టవర్ నమూనానే. ఇది కేవలం చూసి ఆనందించే బొమ్మ లాంటి నిర్మాణం మాత్రమే కాదు. దీనిని ఒక "ఐస్ క్రీమ్ టవర్"లా డిజైన్ చేశారు. సందర్శకులు ఈ టవర్ పైభాగానికి చేరుకుని, చుట్టూ ఉన్న అడ్వెంచర్ పార్క్ అందాలను ఆస్వాదిస్తూ డెసర్ట్స్ తినవచ్చు. సాయంత్రం చీకటి పడగానే ఈ టవర్ రంగురంగుల విద్యుత్ కాంతులతో మెరిసిపోతుంది. ఫోటోలు, ఇన్స్టాగ్రామ్ రీల్స్ తీసుకోవడానికి ఇది సరైన స్పాట్గా మారింది. ప్రత్యేక వేడుకల సమయంలో ఇక్కడ ఏర్పాటు చేసే లైటింగ్ షోలు, బాణాసంచా ప్రదర్శనలు ప్యారిస్ అనుభూతిని మరింత పెంచుతాయి.
అదిరిపోయే టెస్ట్.. అద్భుతమైన లుక్
ఈ కేఫ్ యూరోపియన్ సంస్కృతికి అద్దం పట్టేలా ఉంటుంది. ఇక్కడి మెనూలో లభించే ప్రతి ఒక్క వంటకం డిజైన్ పరంగా, రుచి పరంగా అద్భుతంగా ఉంటుంది. ప్రీమియం ఐస్ క్రీమ్లు, సిగ్నేచర్ థిక్ షేక్స్, రోడెడ్ సండేస్, బెల్జియన్ వాఫుల్స్, బ్రౌనీలతో పాటు నోరూరించే అనేక స్వీట్ కాంబినేషన్లు ఇక్కడ అందుబాటులో ఉన్నాయి. ప్రతీ డెసర్ట్ను ప్యారిస్ థీమ్కు తగ్గట్లు ఎంతో అందంగా అలంకరించి ఇస్తారు. దీనివల్ల రుచితో పాటు విజువల్గా కూడా ఇవి కస్టమర్లను ఎంతగానో ఆకట్టుకుంటున్నాయి.
డెసర్ట్స్తో పాటు అదిరిపోయే అడ్వెంచర్స్
పారిక్స్ క్రీమ్ను సందర్శించడం వల్ల మరొక పెద్ద ప్రయోజనం ఉంది. ఇది ఫ్లిప్ సైడ్ అడ్వెంచర్ పార్క్ లోపల ఉండటం వల్ల, డెసర్ట్స్ ఆస్వాదించడంతో పాటు రోజంతా రకరకాల అడ్వెంచర్ గేమ్స్ ఆడుకోవచ్చు. ఈ పార్క్లో గో కార్టింగ్, పెయింట్ బాల్, ఆర్చరీ, ఫుట్బాల్ టర్ఫ్, జిప్లైనింగ్, రోప్ కోర్సులు, రైఫిల్ షూటింగ్, రాక్ క్లైంబింగ్, రూఫ్టాప్ పికిల్బాల్ ఎరీనా వంటి ఎన్నో వినోద కార్యక్రమాలు ఉన్నాయి. అడ్వెంచర్స్ పూర్తి చేసుకున్న తర్వాత కుటుంబంతో లేదా స్నేహితులతో ప్రశాంతంగా సమయం గడపడానికి ఇక్కడ ఓపెన్-ఎయిర్ ఫుడ్ కోర్ట్ కూడా అందుబాటులో ఉంది.
సిటీ జనాలకు లేటెస్ట్ వీకెండ్ హాంగ్అవుట్
ప్రారంభమైన స్వల్ప కాలంలోనే పారిక్స్ క్రీమ్ హైదరాబాద్ ప్రజలకు, ముఖ్యంగా యువత, కుటుంబాలు, జంటలు, ఐటీ కారిడార్ ఉద్యోగులకు ఫేవరెట్ హ్యాంగ్అవుట్ స్పాట్గా మారింది. వారాంతాల్లో, లేట్ ఈవినింగ్స్ సమయంలో సేదతీరడానికి ఇది సరైన స్థలంగా నిలిచింది. ప్యారిస్ వాతావరణం, రుచికరమైన డెసర్ట్స్, థ్రిల్లింగ్ అడ్వెంచర్స్ కలయిక దీనిని సాధారణ కేఫ్ల కంటే ప్రత్యేకంగా నిలబెడుతోంది. మీరు కూడా హైదరాబాద్లో ఇన్స్టాగ్రామ్ పిక్స్ కోసం సరైన కొత్త ప్రదేశం కోసం చూస్తుంటే, ఈ ఫ్రెంచ్ థీమ్ కేఫ్ మీ వీకెండ్ విజిట్ లిస్ట్లో ఉండాల్సిందే!
