NIRF 2025 Rankings : దేశంలోనే టాప్ లా కాలేజ్ మన హైదరాబాద్ దే... ఏదో తెలుసా?

భారతదేశంలో టాప్ లా కాలేజ్ మన హైదరాబాద్ లోనే ఉంది. తాజాగా కేంద్ర ప్రభుత్వం కూడా ఈ కాలేజీకి టాప్ ర్యాంక్ కేటాయించింది. ఇంతకూ ఆ కాలేజ్ ఏదో తెలుసా? 

3 Min read

Author : Arun Kumar P

Published : Sep 05 2025, 05:50 PM IST

Share this Photo Gallery

FB
TW
Linkdin
Whatsapp
GNFollow Us

Image Credit : Nalsar University of Law website

దేశంలోనే టాప్ లా కాలేజ్ తెలంగాణదే..

Nalsar University of Law : ఇంజనీరింగ్ లో బెస్ట్ కాలేజ్ ఏదంటే టక్కున ఐఐటి, ఎన్ఐటి, ట్రిపుల్ ఐటీ పేర్లు వినిపిస్తాయి. మేనేజ్మెంట్ అనగానే ఐఐఎం పేరు వినిపిస్తుంది. మెడికల్ అనగానే ఉస్మానియా, గాంధీ వంటి కాలేజీ పేర్లు వినిపిస్తాయి. మరి లా అనగానే... ఇక్కడే చాలామంది కన్ప్యూజ్ అయ్యేది. సాధారణంగా న్యాయశాస్త్రాన్ని బోధించే కాలేజీలు చాలా తక్కువ... వాటిలో బెస్ట్ ఏదో ఎంచుకోవడం ఇంకా కష్టం.

అయితే చాలామంది తెలుగువాళ్లకు మన హైదరాబాద్ లో దేశంలోనే బెస్ట్ లా కాలేజ్ ఒకటి ఉందని తెలియదు. ఇప్పటికే అనేక మంది న్యాయకోవిదులను తయారుచేసింది ఈ కాలేజ్... ఎందరో సుప్రీం, హైకోర్టుల జడ్జిలు, ప్రముఖ న్యాయవాదులు ఇక్కడ చదువుకున్నవారే. తాజాగా కేంద్ర ప్రభుత్వం వివిధ విభాగాల్లో దేశంలోనే బెస్ట్ కాలేజీలకు ర్యాంకులు ప్రకటించగా ఈ హైదరబాద్ లా కాలేజ్ టాప్ లో నిలిచింది. అదే నల్సార్ యూనివర్సిటీ ఆఫ్ లా.

DID YOU
KNOW

టాప్ విద్యాసంస్థ ఇదే

భారతదేశంలోనే టాప్ ఎడ్యుకేషన్ ఇన్స్టిట్యూట్ గా ఐఐటి మద్రాస్ నిలిచింది. కేంద్రం ప్రకటించిన NIRF-2025 ర్యాంకింగ్స్ లో ఇది మొదటిస్థానం సాధించింది.

గూగుల్‌లో ఆసక్తికరమైన సమాచారం కోసం ఏసియానెట్ తెలుగు ను మీ ఫ్రిఫర్డ్ సోర్స్ గా ఎంచుకోండి

Image Credit : Nalsar University of Law website

దేశంలోని టాప్ 3 లా కాలేజీల్లో నల్సార్ స్థానమెంత?

కేంద్ర ప్రభుత్వం నిన్న(గురువారం) నేషనల్ ఇన్స్టిట్యూషనల్ ర్యాంకింగ్ ప్రేమ్ వర్క్ (NIRF) ర్యాంకులను ప్రకటించింది. దేశంలోని వివిధ విభాగాల్లో టాప్ కాలేజీలకు కేంద్ర విద్యాశాఖ NIRF 2025 ర్యాంకులు కేటాయించింది... ఇలా ఇంజనీరింగ్, మేనేజ్మెంట్, మెడికల్, ఫార్మసీ, డెంటల్, ఆర్కిటెక్చర్ ఆండ్ ప్లానింగ్ వంటి పలు విభాగాల్లో టాప్ కాలేజీలను ప్రకటించారు. ఇందులో లా కాలేజీల విభాగంలో హైదరాబాద్ కు చెందిన నల్సార్ యూనివర్సిటీ ఆఫ్ లా టాప్ 3 లో చోటు దక్కించుకుంది.

హైదరాబాద్ లోని నల్సార్ యూనివర్సిటీ ఆఫ్ లా లో ఉత్తమ విద్యాబోధనతో పాటు స్టూడెంట్స్ కు కావాల్సిన అన్ని సౌకర్యాలను అందించడంలో ముందుంది. అందుకే దీనికి కేంద్ర విద్యాశాఖ ఉత్తమ ర్యాంకు కేటాయించింది. ఇది మొత్తం 100 కు గాను 79.50 స్కోరు సాధించి 3వ ర్యాంక్ పొందింది. దేశంలోని బెస్ట్ లా కాలేజీల్లో బెంగళూరులోని నేషనల్ లా స్కూల్ ఆఫ్ ఇండియా యూనివర్సిటీ 82.97 స్కోరుతో టాప్ లో నిలవగా, న్యూడిల్లీలోని నేషనల్ లా యూనివర్సిటీ 80.00 స్కోరుతో రెండో ర్యాంకు సాధించింది.

Image Credit : Nalsar University of Law website

తెలుగు రాష్ట్రాల్లోని టాప్ లా కాలేజీలివే

హైదరాబాద్ లోని నల్సాల్ యూనివర్సిటీ ఆఫ్ లా తో పాటు ఇరు తెలుగు రాష్ట్రాల్లోని మరికొన్ని కాలేజీలు కూడా దేశంలోని టాప్ లా విద్యాసంస్థలుగా గుర్తింపుపొందాయి. ఇందులో విశాఖపట్నంలోని డాక్టర్ బిఆర్ అంబేద్కర్ కాలేజ్ ఆఫ్ లా ఉంది. ఇది NIRF ర్యాంకింగ్స్ లో 63.12 స్కోరుతో 16వ స్థానంలో నిలిచింది.

ఇక హైదరాబాద్ కు చెందిన ICFAI ఫౌండేషన్ ఫర్ హయ్యర్ ఎడ్యుకేషన్ 55.28 స్కోరుతో 31వ ర్యాంక్, విశాఖపట్నంలోని గాంధీ ఇన్స్టిట్యూట్ ఆఫ్ టెక్నాలజీ ఆండ్ మేనేజ్మెంట్ (GITAM) 53.26 స్కోరుతో 38వ ర్యాంక్ సాధించాయి.

Image Credit : gemini