Parenting Tips: ఏ వయసు నుంచి పిల్లలకు డ్రై ఫ్రూట్స్ పెట్టాలో తెలుసా?

15

డ్రై ఫ్రూట్స్ తినడం ఆరోగ్యానికి ఎంత మంచిదో స్పెషల్ గా చెప్పాల్సిన అవసరం లేదు. డ్రై ఫ్రూట్స్  మన శారీరక ఆరోగ్యాన్ని మాత్రమే కాకుండా, మానసిక ఆరోగ్యాన్ని కాపాడటంలోనూ సహాయపడుతుంది.  వాటిలో ఉండే పోషకాలు రోజంతా ఎనర్జిటిక్ గా ఉండటానికి సహాయపడతాయి. వ్యాధులతో పోరాడటానికి  హెల్ప్ చేస్తాయి. అయితే..డ్రై ఫ్రూట్స్ ఆరోగ్యానికి చాలా మంచివి అయినప్పటికీ, ఎక్కువగా తినకూడదు.ఎక్కువగా తినడం వల్ల చాలా ఆరోగ్య సమస్యలు వస్తాయట. మరి, పిల్లలకు వేటిని ఏ వయసు నుంచి ఇవ్వడం మొదలుపెట్టొచ్చు. ఏ వయసు పిల్లలకు ఎన్ని ఇవ్వాలి అనే విషయం ఇప్పుడు తెలుసుకుందాం..

కనీసం రెండేళ్లు దాటిన వయసు నుంచి పిల్లలకు డ్రై ఫ్రూట్స్  ఇవ్వడం మొదలుపెట్టొచ్చు. అంతకంటే చిన్న వయసు నుంచి ఇవ్వకూడదు. అరుగుదల సమస్యలు వస్తాయి.

25

ఏ వయసు పిల్లలకు ఎన్ని డ్రై ఫ్రూట్స్ ఇవ్వాలి..?

డ్రై ఫ్రూట్స్‌లో పోషకాలు పుష్కలంగా ఉంటాయి. అయితే, పిల్లల వయస్సు,జీర్ణ సామర్థ్యాన్ని బట్టి డ్రై ఫ్రూట్స్‌ను తక్కువ పరిమాణంలో ఇవ్వాలి. ఏ వయసులో ఎంత డ్రైఫ్రూట్స్ తినాలో ఈ పోస్ట్‌లో వివరంగా తెలుసుకోండి.

2-5 సంవత్సరాల వయస్సు పిల్లలు
బాదం: 1 -2తరిగిన లేదా పొడి చేసిన)
జీడిపప్పు 1 -2 (చిన్న ముక్కలు)
వాల్‌నట్స్ ( సగం ముక్క)
ఎండు ద్రాక్ష 4-5
ఖర్జూరం-1
అన్ని డ్రై ఫ్రూట్స్ కలిపి 5 నుంచి 7 గ్రాములు వరకు మాత్రమే ఇవ్వాలి. ఇవన్నీ కలిపి ఒక స్పూన్ కి మించకూడదు.

35

6-10 సంవత్సరాల వయస్సు పిల్లలు
బాదం: 3 - 4
జీడిపప్పు 2 - 3
వాల్‌నట్స్ 1
పిస్తాపప్పులు 2 - 3
డేట్స్ 2
మొత్తం మోతాదు: రోజుకు 10 - 15 గ్రాములు

11 - 15 సంవత్సరాల వయస్సు పిల్లలు
బాదం: 5 - 6
జీడిపప్పు 4 - 5
వాల్‌నట్స్ 1 - 2
పిస్తాపప్పులు 4 - 5
డేట్స్ 2-3
మొత్తం మోతాదు: 20 - రోజుకు 25 గ్రాములు

45

పిల్లలకు డ్రై ఫ్రూట్స్ ఇవ్వడం వల్ల కలిగే ప్రయోజనాలు

డ్రై ఫ్రూట్స్ లో విటమిన్లు, కెరోటినాయిడు, సెలీనియం వంటి యాంటీ ఆక్సిడెంట్లు పుష్కలంగా ఉంటాయి.డ్రై ఫ్రూట్స్‌లో బి-కాంప్లెక్స్ విటమిన్లు ,విటమిన్ సి పుష్కలంగా ఉంటాయి, ఇవి పిల్లలలో ఆరోగ్యకరమైన చర్మం ,మంచి దృష్టిని కాపాడుకోవడానికి, అలాగే వారి శారీరక ఆరోగ్యాన్ని కాపాడుకోవడానికి సహాయపడతాయి. ఇవి శరీరంలోని అంతర్గత అవయవాలు సరిగ్గా పనిచేయడానికి ,పిల్లల రోగనిరోధక శక్తిని పెంచడానికి సహాయపడతాయి.

వాల్‌నట్స్, బాదం,హాజెల్ నట్స్‌లో ఒమేగా-3 ,ఒమేగా-6 కొవ్వు ఆమ్లాలు పుష్కలంగా ఉంటాయి. అవి మీ పిల్లల మొత్తం మెదడు అభివృద్ధికి సహాయపడటమే కాకుండా, జ్ఞాపకశక్తి మరియు అభిజ్ఞా నైపుణ్యాలను మెరుగుపరిచే లక్షణాలను కూడా కలిగి ఉంటాయి.
డ్రైఫ్రూట్స్‌లో ఎటువంటి పోషకాలు ఉండవు. ఎండిన ద్రాక్ష, ఎండిన ఖర్జూరాలు ,ఆప్రికాట్లు ఫైబర్‌తో సమృద్ధిగా ఉంటాయి. ఇది పిల్లలలో కడుపు లో సమస్యలు, మలబ్దకం వంటి సమస్యలను  తగ్గించడానికి సహాయపడుతుంది.డ్రైఫ్రూట్స్‌లో ఐరన్ పుష్కలంగా ఉంటుంది. రక్తహీనత సమస్యను కూడా తగ్గిస్తుంది.

బాదం, వాల్‌నట్స్ ,పిస్తాపప్పులలో కాల్షియం, మెగ్నీషియం ,ఇతర ఖనిజాలు పుష్కలంగా ఉంటాయి. ఇవి పిల్లల శరీరంలో ఎముకలు ,నోటిలో దంతాల అభివృద్ధికి చాలా సహాయపడతాయి. పిల్లల శరీరంలో ఎముకలు ,కండరాల సరైన అభివృద్ధికి డ్రై ఫ్రూట్స్ తీసుకోవడం చాలా అవసరమని పోషకాహార నిపుణులు అంటున్నారు.

55

పిల్లలకు డ్రై ఫ్రూట్ ఇచ్చే ముందు తీసుకోవాల్సిన జాగ్రత్తలు..

పిల్లలకు డ్రై ఫ్రూట్స్‌ను రాత్రంతా నానబెట్టిన తర్వాత మాత్రమే ఇవ్వడం మంచిది, ఇది వాటిని సులభంగా జీర్ణం చేసుకోవడానికి సహాయపడుతుంది.
చిన్న పిల్లలకు పూర్తిగా డ్రైఫ్రూట్స్ తినిపించవద్దు. అలా చేయడం వల్ల డ్రైఫ్రూట్స్ గొంతులో ఇరుక్కుపోయి ఉక్కిరిబిక్కిరి అయ్యే అవకాశం ఉంది.
మీ బిడ్డకు ఏవైనా అలెర్జీలు లేదా జీర్ణ సమస్యలు ఉంటే, వైద్యుడిని సంప్రదించిన తర్వాత మాత్రమే డ్రైఫ్రూట్స్ ఇవ్వండి.

డ్రైఫ్రూట్స్‌ పిల్లలకు ఎప్పుడు ఇవ్వాలి?
 డ్రైఫ్రూట్స్‌లో ఫైబర్ అధికంగా ఉంటుంది, ఇది పిల్లలు వాటిని తిన్న తర్వాత కడుపు నిండినట్లు అనిపిస్తుంది. అందువల్ల, పిల్లలకు అల్పాహారం తర్వాత, భోజనానికి ముందు, సాయంత్రం ,అర్ధరాత్రి డ్రై ఫ్రూట్స్ ఇవ్వవచ్చు. ఇది భోజనం తర్వాత పిల్లలలో ఆకలిని తగ్గించడంలో సహాయపడుతుంది.