85,61,44,24,000 రూపాయలు: ఇదీ.. తాజ్ మహల్ కట్టడానికయ్యే ఖర్చు.. వింటే గుండె గుభేల్!!

తాజ్ మహల్ అంటే ప్రేమకు ప్రతిరూపం. వెలకట్టలేని సౌధం. ముంతాజ్ కోసం షాజహాన్ 25 ఏళ్లపాటు శ్రమిస్తే ఈ అద్భుతం మనం ఇప్పటికీ చూడగలుగుతున్నాం. ప్రేమకు, అద్భుతమైన నిర్మాణ నైపుణ్యానికి చిహ్నంగా నిలిచిన తాజ్ మహల్, భారతదేశ గొప్ప వారసత్వానికి ప్రతీక. దీని వెలకట్టలేంగానీ.. ఇదే నిర్మాణం ఇప్పుడు పూర్తి చేయాలంటే ఎంత ఖర్చు అవుతుందో ఒక సంస్థ అంచనా వేసింది. ఆ గణాంకాలు వింటే మనం నోరెళ్లబెట్టడం ఖాయం.

రూ.85వేల కోట్ల వ్యయం

భారతదేశపు లోతైన వారసత్వం, వైవిధ్యం, చారిత్రక కట్టడానికి ప్రతీక అయిన తాజ్ మహల్ - శాశ్వత ప్రేమ, భక్తికి చిహ్నం. మొఘల్ చక్రవర్తి షాజహాన్ తన ప్రియమైన భార్య ముంతాజ్ మహల్ జ్ఞాపకార్థం నిర్మించిన తాజ్ మహల్ నిర్మాణం 1632 ప్రాంతంలో ప్రారంభమైంది. దీని నిర్మాణం పూర్తి కావడానికి సుమారు 22 నుండి 25 సంవత్సరాలు పట్టింది. 

తాజ్ మహల్ నిర్మాణ శైలి

ఈ తెల్లటి మార్బుల్ సమాధి ఇండో-ఇస్లామిక్, మొఘల్ నిర్మాణ శైలి కలయిక. ఇది సంక్లిష్టమైన మొజాయిక్ పని, లాపిస్ లాజులి, కార్నెలియన్, ఒనిక్స్ వంటి విలువైన రాళ్ల ఇన్లేతో అలంకరించబడింది. వివిధ ప్రాంతాల నుండి వస్తువులను రవాణా చేయడంలో వెయ్యికి పైగా ఏనుగులను ఉపయోగించారు. పర్షియా, ఒట్టోమన్ సామ్రాజ్యం నుండి వచ్చిన కళాకారులు దీని నిర్మాణానికి తోడ్పడ్డారు.

తాజ్ మహల్ చారిత్రక ఖర్చు

చారిత్రక ధర: దీనిని అందరూ అంగీకరించలేదుగానీ.. చారిత్రక పత్రాల ప్రకారం దీని నిర్మాణానికి అప్పట్లో దాదాపు 3.2 కోట్లు ఖర్చయింది. చరిత్రకారుడు జాదునాథ్ సర్కార్ 4.2 కోట్లకుపైగా  దగ్గరగా అంచనా వేశారు. నేటి అంచనా: తాజ్ మహల్‌ను తిరిగి నిర్మించడానికి ఇప్పుడున్న ఖర్చుల ప్రకారం 70 బిలియన్లకు పైగా (1 బిలియన్ డాలర్లు) అవసరమని చరిత్రకారులు, ఇంజినీరింగ్ నిపుణులు నమ్ముతున్నారు. మన రూపాయల్లో చెప్పాలంటే రూ.85 వేల కోట్లు అవుతుంది అన్నమాట. కానీ ఏబీపీ లాంటి కొన్ని సంస్థలు మాత్రం ఇందులో చాలా తక్కువ మొత్తంలోనే నిర్మాణం పూర్తవుతుందని అంటున్నాయి. కానీ ఆ నిర్మాణ కౌశలం, అందం, వాస్తుతో కట్టడం ఇప్పుడు ఎవరి తరం కాదంటోంది.