Haunted Railway Stations : భారత్‌లోని టాప్ 5 మిస్టరీ రైల్వే స్టేషన్లు.. కర్నూల్ స్టేషన్ దీ వింత కథే..!

భారత్‌లో కొన్ని రైల్వే స్టేషన్లకు వింత కథలున్నాయి. దెయ్యాలు తిరుగుతాయని, అర్థరాత్రి అరుపులు వినిపిస్తాయని రకరకాలుగా చెప్పుకుంటారు. ఈ 5 మిస్టరీ రైల్వే స్టేషన్ల గురించి ఇక్కడ తెలుసుకుందాం.

Image Credit : x

భారత్‌లోని మిస్టరీ రైల్వే స్టేషన్లు

భారతీయ రైల్వే ప్రపంచంలోనే అతిపెద్ద నెట్‌వర్క్‌లలో ఒకటి. రోజూ లక్షల మంది రైళ్లలో ప్రయాణిస్తుంటారు. దేశవ్యాప్తంగా 7 వేలకు పైగా స్టేషన్లు ఉన్నాయి. చాలా స్టేషన్లు 24 గంటలూ రద్దీగా ఉంటాయి. కానీ కొన్ని స్టేషన్లకు మాత్రం దెయ్యాల కథలున్నాయి. వాటి గురించే ఈ స్టోరీ.

Image Credit : x

నైని రైల్వే స్టేషన్ (ఉత్తర ప్రదేశ్)

గంగా నదికి సమీపంలో ఉన్న ఈ నైని రైల్వే స్టేషన్‌లో ఆశ్చర్యకర ఘటనలు జరుగుతాయని చెబుతారు. ప్లాట్‌ఫారమ్‌లపై వింత ఆకారాలు కనిపిస్తాయని, అర్థం కాని శబ్దాలు వినిపిస్తాయని ప్రయాణికులు చాలాసార్లు ఫిర్యాదు చేశారు. అందుకే ఇక్కడికి వెళ్లాలంటే భయపడతారట.

Image Credit : x

చిత్తూరు రైల్వే స్టేషన్ (ఆంధ్ర ప్రదేశ్)

దక్షిణ భారతదేశంలో మిస్టరీగా చెప్పుకునే స్టేషన్లలో చిత్తూరు ఒకటి. ఇక్కడ రైలు ప్రమాదంలో చనిపోయిన ఓ మహిళ ఆత్మ న్యాయం కోసం అరుస్తుందని స్థానికులు నమ్ముతారు. రాత్రిపూట ఒంటరిగా ఉండటానికి రైల్వే సిబ్బంది కూడా భయపడతారంటే పరిస్థితి అర్థం చేసుకోవచ్చు.

Image Credit : x

బెగున్‌కోడోర్ రైల్వే స్టేషన్ (పశ్చిమ బెంగాల్)

భారత్‌లో అత్యంత ఫేమస్ 'దెయ్యం' రైల్వే స్టేషన్ ఇదే. తెల్లచీర కట్టుకున్న ఓ మహిళ స్టేషన్‌లో తిరుగుతూ, రాత్రిపూట పట్టాలపై నడుస్తుందని స్థానికులు నమ్ముతారు. ఈ కథల భయంతో చాలా మంది ఉద్యోగులు ఇక్కడ పనిచేయడానికి నిరాకరించారు. ఏకంగా 42 ఏళ్లు ఈ స్టేషన్‌ను మూసివేశారు. 2009లో మళ్లీ తెరిచినా, సూర్యాస్తమయం తర్వాత అక్కడికి వెళ్లడానికి జనం ఇప్పటికీ భయపడతారు.

Image Credit : x

బరోగ్ రైల్వే స్టేషన్ (హిమాచల్ ప్రదేశ్)

కొండల మధ్య అందంగా కనిపించే ఈ స్టేషన్ వెనుక ఓ విషాద గాథ ఉంది. దీన్ని నిర్మించిన ఇంజనీర్, కల్నల్ బరోగ్ నిర్మాణంలో పొరపాటు జరగడంతో మనస్తాపంతో ఆత్మహత్య చేసుకున్నారు. ఆయన ఆత్మ ఇప్పటికీ అక్కడి సొరంగం దగ్గర తిరుగుతుందని స్థానికులు నమ్ముతారు.

Image Credit : x

లూథియానా రైల్వే స్టేషన్ (పంజాబ్)

పంజాబ్‌లోని లూథియానా రైల్వే స్టేషన్ ప్లాట్‌ఫామ్‌పై విషాదకరంగా మరణించిన ఓ మహిళ ఆత్మ తిరుగుతుందని వదంతి ఉంది. అర్థరాత్రి వినిపించే భయంకరమైన అరుపులు, అకస్మాత్తుగా మాయమయ్యే ఆకారాలు ప్రయాణికులను, సిబ్బందిని ఇప్పటికీ భయపెడుతున్నాయి. అందుకే రాత్రిపూట ఈ స్టేషన్‌కు వెళ్లాలంటే జనం జంకుతారు. 

గమనిక : ఈ రైల్వే స్టేషన్లలో దెయ్యాలు, ఆత్మలు తిరుగుతున్నాయని చెప్పేవన్నీ స్థానికుల నమ్మకాలు మాత్రమే. వీటికి ఎలాంటి శాస్త్రీయ ఆధారాలు లేవని గమనించగలరు.