Foreign Universities: ఇక‌పై చ‌దువుల కోసం విదేశాల‌కు వెళ్లాల్సిన‌ అవ‌స‌రం లేదు.. భార‌త్‌లో 4 కొత్త‌ విదేశీ వ‌ర్సిటీలు

విదేశాల్లో విద్య‌న‌భ్య‌సించే వారి సంఖ్య పెరుగుతోంది. బీటెక్ పూర్తికాగానే అమెరికా, ఆస్ట్రేలియా, లండ‌న్ వంటి దేశాల‌కు పెద్ద ఎత్తున విద్యార్థులు వెళ్తున్నారు. అయితే భార‌త్‌లోనే కొత్తగా 4 విదేశీ వ‌ర్సిటీలు అందుబాటులోకి వ‌చ్చాయి.ఆ వ‌ర్సిటీలు ఏంటంటే.. 

Image Credit : META AI

NEP వార్షికోత్సవంలో కీలక ప్రకటన

జాతీయ విద్యా విధానం (NEP) 2020 అమలుకు ఐదేళ్లు పూర్తైన సందర్భంలో మంగళవారం జరిగిన అఖిల భారతీయ విద్యా సమాగమ్‌లో కీల‌క‌ నిర్ణయం తీసుకున్నారు. ఈ సందర్భంగా యూనియన్ విద్యామంత్రి ధర్మేంద్ర ప్రధాన్ ప్రధాన అతిథిగా హాజరై నాలుగు ప్రముఖ విదేశీ విశ్వవిద్యాలయాలకు భారతదేశంలో క్యాంపస్‌ల ఏర్పాటుకు అనుమతించే లెటర్స్ ఆఫ్ ఇంటెంట్ అందజేశారు.

Image Credit : Getty

ఏ ఏ విశ్వవిద్యాలయాలు వస్తున్నాయి?

భారతదేశంలో కొత్తగా క్యాంపస్‌లు ప్రారంభించనున్న విశ్వవిద్యాలయాలు:

వెస్ట్రన్ సిడ్నీ యూనివర్సిటీ (ఆస్ట్రేలియా) – గ్రేటర్ నోయిడాలో క్యాంపస్

విక్టోరియా యూనివర్సిటీ (ఆస్ట్రేలియా) – నోయిడాలో క్యాంపస్

లా ట్రోబ్ యూనివర్సిటీ (ఆస్ట్రేలియా) – బెంగళూరులో క్యాంపస్

యూనివర్సిటీ ఆఫ్ బ్రిస్టల్ (యునైటెడ్ కింగ్డమ్) – ముంబైలో క్యాంపస్

దీంతో ఇప్పటివరకు భారతదేశంలో ఏర్పాటైనా, ప్ర‌తిపాదించిన విదేశీ విశ్వవిద్యాలయాల సంఖ్య 13కి చేరింది.

13 వర్సిటీలు

ఇప్పటివరకు భారతదేశంలో ఏర్పాటైనా, ప్ర‌తిపాదించిన విదేశీ విశ్వవిద్యాలయాల సంఖ్య 13కి చేరింది.

Image Credit : Getty

ఏయే కోర్సులు అందుబాటులోకి రానున్నాయి.?

వెస్ట్రన్ సిడ్నీ యూనివర్సిటీ:

బిజినెస్ అనలిటిక్స్, బిజినెస్ మార్కెటింగ్‌లో అండర్‌గ్రాడ్యుయేట్ డిగ్రీలు, ఇన్నోవేషన్ & ఎంట్రప్రెన్యూర్షిప్, లాజిస్టిక్స్ & సప్లై చైన్ మేనేజ్‌మెంట్‌లో పోస్ట్‌గ్రాడ్యుయేట్ MBAలు అందిస్తుంది. ఇప్పటికే IISc, ICAR, AIIA, జల్ శక్తి మంత్రిత్వ శాఖలతో ఒప్పందం చేసుకుంది.

విక్టోరియా యూనివర్సిటీ:

బిజినెస్, డేటా సైన్స్, సైబర్ సెక్యూరిటీ అండర్‌గ్రాడ్యుయేట్ కోర్సులు, IT, మేనేజ్‌మెంట్‌లో పోస్ట్‌గ్రాడ్యుయేట్ డిగ్రీలు అందించనుంది. ఇది ఇండియా-ఆస్ట్రేలియా స్పోర్ట్స్ పార్ట్‌నర్‌షిప్‌లో కీలక భాగస్వామి.

లా ట్రోబ్ యూనివర్సిటీ:

స్మార్ట్ సిటీస్, మాలిక్యులర్ సైన్సెస్, బయోటెక్నాలజీ పరిశోధనలో ప్రసిద్ధి చెందిన ఈ యూనివర్సిటీ బెంగళూరులో బిజినెస్, కంప్యూటర్ సైన్స్, పబ్లిక్ హెల్త్‌లో అండర్‌గ్రాడ్యుయేట్ కోర్సులు అందించ‌నుంది. ఇది IIT కాన్పూర్‌తో జాయింట్ పీహెచ్‌డీ అకాడమీ, BITS పిలాని, TISSలతో ASCRIN నెట్‌వర్క్‌లో భాగంగా ఉంది.

Image Credit : Getty

యూజీసీ నోటిఫికేషన్ లో ఏముంది.?

2023లో UGC (University Grants Commission) నోటిఫికేషన్ ప్రకారం ప్రపంచ టాప్ 500 ర్యాంకింగ్‌లో ఉన్న విశ్వవిద్యాలయాలు స్వతంత్రంగా భారతదేశంలో క్యాంపస్‌లు ఏర్పాటు చేసుకోవచ్చు. ఈ నిబంధన ఆధారంగా తాజాగా ఈ నాలుగు విశ్వవిద్యాలయాలు తమ ప్రణాళికలను ప్రకటించాయి.

Image Credit : Getty

భారత విద్యార్థులకు కలిగే ప్రయోజనాలు

ఈ విశ్వవిద్యాలయాలు భారతదేశంలో క్యాంపస్‌లు ప్రారంభించడం వల్ల విద్యార్థులు విదేశీ డిగ్రీలను స్వదేశంలోనే పొందే అవకాశం లభిస్తుంది. అదనంగా, తక్కువ ఖర్చుతో ఉన్నతమైన విద్య, పరిశోధన అవకాశాలు, అంతర్జాతీయ ప్రమాణాలు విద్యార్థులకు అందుబాటులోకి రానున్నాయి.