ఎవరినైనా టచ్ చేసినప్పుడు షాక్ కొట్టిన ఫీలింగ్ వస్తోందా? కారణం ఇదే!
కొన్నిసార్లు మనం వేరేవాళ్లను తాకినప్పుడు లేదా షేక్ హ్యాండ్ ఇచ్చినప్పుడు చేతికి షాక్ కొట్టిన ఫీలింగ్ వస్తుంది. ఇది అందరికీ జరగకపోవచ్చు. కానీ చాలామందికి జరిగే ఉంటుంది. అసలు అలా ఎందుకు జరుగుతుందో ఇక్కడ తెలుసుకుందాం.
షాక్ కొట్టిన ఫీలింగ్ ఎందుకు వస్తుంది?
కొన్నిసార్లు ఎవరినైనా తాకినప్పుడు చేతికి కరెంట్ షాక్ కొట్టినట్లు అనిపిస్తుంది. నొప్పిగా అనిపించదు. కానీ వెంటనే చేతిని వెనక్కి తీసుకుంటాం. ఇలా ఎందుకు జరుగుతుందో ఎప్పుడైనా ఆలోచించారా? దానికి కొన్ని కారణాలు ఉన్నాయి. అవెంటో చూద్దాం.
విటమిన్ బి 12 లోపం:
విటమిన్ బి12 లోపం ఉన్నవారు.. ఇతరులను తాకినప్పుడు ఈ షాక్ అనుభూతి పొందుతారు. విటమిన్ బి12 రక్త కణాల ఉత్పత్తికి మాత్రమే కాకుండా నాడీ వ్యవస్థకు కూడా సహాయపడుతుంది. దీని లోపం నాడీ వ్యవస్థ పనితీరులో అంతరాయం కలిగిస్తుంది.
నాడీ వ్యవస్థపై ప్రభావం
విటమిన్ బి12 కొత్త ఎర్ర రక్త కణాలను ఉత్పత్తి చేయడంలో కీలక పాత్ర పోషిస్తుంది. నాడీ వ్యవస్థను ఆరోగ్యంగా ఉంచడంలో సహాయపడుతుంది. డిఎన్ఎ ఉత్పత్తికి, మెదడు పనితీరుకు విటమిన్ బి12 సహాయపడుతుంది. విటమిన్ బి12 లోపం వస్తే నాడీ సంబంధిత సమస్య వస్తుంది. విటమిన్ బి12 లోపాన్ని పోగొట్టుకోవడానికి మాంసం, గుడ్లు, పాల ఉత్పత్తులను తినవచ్చు.
నాడీ సంబంధిత సమస్యలు
కరెంట్ షాక్ కొట్టినట్లు అనిపించడం నాడులలో సమస్యను సూచిస్తుంది. సాధారణంగా నాడులు మెదడు, శరీరానికి మధ్య సంకేతాలను పంపుతాయి. ఇవి దెబ్బతిన్నట్లయితే విద్యుత్ షాక్ సంకేతాలను పంపవచ్చు. సయాటికా లేదా నాడులు నొక్కుకోవడం వంటివి కూడా షాక్ ఫీలింగ్ రావడానికి కారణం కావచ్చు.
గాయాలు
శరీరంలోని గాయాలు కూడా ఇందుకు కారణం కావచ్చు. వెన్నెముక లేదా నాడులకు గాయాలు అయితే ఈ సమస్య వస్తుంది. గాయాలు కాకుండా డయాబెటిస్, ఏదైనా ఇన్ఫెక్షన్లు, కొన్ని మందుల దుష్ప్రభావాల వల్ల కూడా షాక్ కొట్టినట్లు అనిపించవచ్చు.