Chocolate Facts: నచ్చింది కొనుక్కొని.. డబ్బులకు బదులు చాక్లెట్స్ ఇస్తే చాలు, చాక్లెట్ రేంజ్ ఇది

 Chocolate Facts: ఈ ప్రపంచంలో ప్రతి ఒక్కరూ అత్యంత ఇష్టపడే పదార్థాలలో చాక్లెట్ ముందు వరసలో ఉంటుంది. రెగ్యులర్ గా చాక్లెట్స్ తినేవారు కూడా ఉంటారు. మరి ఆ చాక్లెట్ చరిత్ర గురించి మీకు తెలుసా? 

Image Credit : chat gpt

చాక్లెట్ గురించి ఈ విషయం తెలుసా?

ఈ ప్రపంచంలో మనకు నచ్చిన వస్తువు ఏది కొనాలన్నా డబ్బులు ఉండాల్సిందే. అదంతా ఇప్పుడు. కానీ.. ఒకప్పుడు అంటే.. పూర్వం.. మన దేశంలో వస్తు మార్పిడి అనే ఒక విధానం ఉండేది. అంటే.. మన దగ్గర ఉన్న వస్తువు ఇచ్చి.. మనకు నచ్చిన వస్తువు ఇంటికి తెచ్చుకోవచ్చు. అలా వస్తు మార్పిడిలో చాక్లెట్ కూడా వాడేవారు అని మీకు తెలుసా? ప్రతిరోజూ చిన్న పిల్లల నుంచి పెద్ద వారి వరకు ఎంతో ఇష్టంగా తినే ఈ చాక్లెట్ కి ఒకప్పుడు ఎంత విలువ ఉండేది తెలుసా? మొదటిసారి చాక్లెట్ చేసినప్పుడు అది తియ్యగా లేదని మీకు తెలుసా? అసలు దీని చరిత్ర ఏంటో ఇప్పుడు చూద్దాం...

Image Credit : Getty

చాక్లెట్ రేంజ్ ఇది...

మీరు ఒక షాప్ కి వెళ్లి.. మీకు నచ్చినవి తినేసి, లేదంటే నచ్చినవి కొనుక్కొని.. తిరిగి డబ్బులు చెల్లించడానికి బదులు చాక్లెట్ ఇస్తే ఎలా ఉంటుంది.. ఆ ఊహే ఎంత బాగుందో కదా.. వందల సంవత్సరాల క్రితం ఇదే జరిగేది. ప్రాచీన అజ్టెక్ సామ్రాజ్యంలో డబ్బుకు బదులు కోకో సీడ్స్ (చాక్లెట్ తయారు చేసే గింజలు) ఉపయోగించేవారు. ఎందుకంటే.. అప్పట్లో కోకో బీన్స్ కి అంత విలువ ఉండేది. ఆ సమయంలో అక్కడి ప్రజలు ఆహారంచ బట్టలు, ఇతర నిత్య అవసర వస్తువులు ఏవి కావాలన్నా వస్తు మార్పిడి కోసం కోకో బీన్స్ వాడేవారు. 100 కోకో బీన్స్ ఇస్తే.. ఒక టర్కీ కోడి వచ్చేసేది.

Image Credit : Getty

చాక్లెట్స్ ఎలా తయారు అవుతాయి..?

చాక్లెట్స్ తయారు చేయడానికి కోకో బీన్స్ వాడతారు. ఇవి చెట్టుకు కాస్తాయి. ఒక్క కాయలో దాదాపు 20 నుంచి 60 వరకు కోకో బీన్స్ ఉంటాయి. ఒక చాక్లెట్ బార్ తయారు చేయడానికి దాదాపు 400 కోకో బీన్స్ అవసరం అవుతాయి. ప్రతి గింజను చేతితో కోసి, జాగ్రత్తగా పులియబెట్టి, ఎండలో ఆరబెట్టి, వేయించి.. ప్రాసెస్ చేస్తారు. చాక్లెట్ తయారు చేయడానికి చాలా ఎక్కువ కష్టమే పడాల్సి ఉంటుంది.

చాక్లెట్ ఎందుకు కరుగుతుంది..?

చాక్లెట్ లో కోకో బటర్, పాలు, పంచదార కలుపుతారు. అందుకే.. నోట్లో వేసుకోగానే కరిగిపోతుంది. అంటే కాదు.. ఇప్పటి వరకు చాక్లెట్ ని 600 కంటే ఎక్కువ డిఫరెంట్ వాసనలతో మార్కెట్ లోకి తీసుకువచ్చారు. చాక్లెట్ అనగానే.. అది తియ్యగా ఉంటుంది అనే ఫీలింగ్ అందరిలోనూ ఉంటుంది. కానీ, మొదటిసారి చాక్లెట్ తయారు చేసినప్పుడు అది చేదుగా, కారంగా ఉందంట. మొదటిసారి చాక్లెట్ తిన్నవారు.. దానిని పూర్తిగా తినలేకపోయారు. తర్వాత.. దాని ప్రాసెసింగ్ మార్చి.. ఇప్పుడు మనకు నచ్చేలా మార్చేశారు.

అతి పెద్ద చాక్లెట్..

ఇప్పటి వరకు అతి పెద్ద చాక్లెట్ బార్ ఏనుగు కంటే పెద్దదిగా ఉండటం విశేషం. దీనిపై రికార్డు కూడా ఉంది. రికార్డు ప్రకారం.. ఒక చాక్లెట్ బార్ బరువు 5000 కిలో గ్రాముల కంటే ఎక్కువగా ఉందంట. అంటే ఒక ఏనుగు బరువు కంటే.. ఈ చాక్లెటే ఎక్కువ బరువు ఉంటుంది. దీనిని తినడానికి కాదు.. కేవలం వరల్డ్ రికార్డు కోసం తయారు చేయడం విశేషం.