Soft Chapati: ఈ సింపుల్ టిప్స్ తో దూదిలాంటి మెత్తటి చపాతీలు రెడీ! ట్రై చేయకపోతే ఎలా?

Soft Chapati: చపాతీలు ఎంత మెత్తగా ఉంటే తినడానికి అంత రుచిగా ఉంటాయి. కానీ, వాటిని మెత్తగా చేయడం చాలామందికి కష్టమైన పని. మీరు కూడా దూదిలాంటి మెత్తటి చపాతీలు చేయాలనుకుంటే, ఈ కిచెన్ టిప్స్ ఫాలో అయితే చాలు. చాలా ఈజీగా సాఫ్ట్ చపాతీలు తయారుచేసుకోవచ్చు.

Image Credit : Pixabay

సాఫ్ట్ చపాతీ తయారు చేసే విధానం

మీరు చేసే చపాతీలు కాసేపటికే గట్టిగా, రాయిలా మారిపోతున్నాయా? అయితే ఈ సింపుల్ టిప్స్ మీ కోసమే. వీటితో ఇంట్లోనే దూదిలాంటి మెత్తటి చపాతీలు తయారు చేసుకోవచ్చు. పిండి కలపడం నుంచి కాల్చడం వరకు, చిన్న చిన్న టిప్స్ ఫాలో అయితే చాలు… చపాతీల రుచి, రూపు పూర్తిగా మారిపోతాయి. మరి ఆ కిచెన్ హ్యాక్స్ ఏంటో తెలుసుకోండి.

Image Credit : AI Meta

గోరువెచ్చని నీళ్లు

చపాతీ పిండిని చక్కగా కలుపుకున్నప్పుడే చపాతీలు సాఫ్ట్ గా వస్తాయి. కాబట్టి పిండి కలిపే విధానం చాలా ముఖ్యం. చపాతీ పిండిని ఎప్పుడూ గోరువెచ్చని నీళ్లతోనే కలపాలి. ఇలా చేయడం వల్ల పిండి సాఫ్ట్‌గా మారుతుంది. చపాతీలు మెత్తగా వస్తాయి. అయితే, పిండి మరీ గట్టిగా లేదా మరీ జారుగా లేకుండా చూసుకోవాలి.

Image Credit : social media

నూనె లేదా నెయ్యి

చపాతీ పిండి కలిపేటప్పుడు కొద్దిగా నూనె లేదా నెయ్యి కలపడం మంచిది. ఇది పిండిలో తేమను నిలిపి ఉంచుతుంది. చపాతీలు త్వరగా గట్టిపడకుండా ఉంటాయి. రెండు రోజుల వరకైనా మెత్తగా ఉంటాయి. అలాగే నూనె లేదా నెయ్యి తక్కువ మోతాదులో వేయడం వల్ల చపాతీ రుచి కూడా బాగుంటుంది. 

Image Credit : Freepik

15 నిమిషాలు పక్కన పెట్టడం

పిండి కలిపిన తర్వాత  వెంటనే చపాతీలు చేయకూడదు. దానిపై మూతపెట్టి కనీసం 15 నుంచి 20 నిమిషాల పాటు పక్కన పెట్టాలి. ఇలా చేయడం వల్ల పిండిలోని గ్లూటెన్ సెట్ అయి, చపాతీలు మరింత మెత్తగా వస్తాయి.

Image Credit : youtube @sangeetareallife

కాల్చే విధానం

చపాతీ కాల్చే పెనం ముందుగానే వేడిగా ఉండాలి. వేడి పెనంపై చపాతీ వేస్తే అది సరిగ్గా కాలుతుంది. ఎక్కువసేపు నిల్వ ఉన్నా కూడా గట్టిపడకుండా ఉంటుంది. అలాగే చపాతీలను ఎప్పుడూ మీడియం ఫ్లేమ్ మీదే కాల్చాలి. మంట ఎక్కువగా ఉంటే చపాతీ మాడిపోయి, గట్టిగా మారే అవకాశం ఉంటుంది. సరైన వేడి ఉంటేనే చపాతీ బాగా పొంగుతుంది.

Image Credit : Getty

మూత ఉన్న బాక్స్ లో..

చపాతీ కాల్చిన వెంటనే, వాటిపై నెయ్యి రాసి, ఒక క్లాత్ తో కప్పి ఉంచాలి లేదా మూత ఉన్న డబ్బాలో పెట్టాలి. ఇలా చేస్తే చపాతీలు ఎక్కువసేపు మెత్తగా ఉంటాయి. రుచిగా కూడా ఉంటాయి.