Goa Food: గోవా వెళ్తే ఈ రెస్టారెంట్లలో తినకుండా రాకండి.. అంత టేస్టీ, పైగా బడ్జెట్ ఫ్రెండ్లీ
Goa Food: గోవాకు వెళుతున్నారా? అయితే సముద్రం ఒడ్డున రొమాంటిక్గా డిన్నర్ చేయకుండా రాకండి. సౌత్ గోవాలో మంచి రుచికరమైన ఆహారాన్ని కేవలం తక్కువ ధరలో ఇచ్చే రెస్టారెంట్లు కొన్ని ఉన్నాయి ఉన్నాయి. వాటి గురించి తెలుసుకోండి.
ట్రీటాప్ తవా, అగోండా
అందమైన సముద్రాన్ని చూస్తూ ఇష్టమైన ఆహారాన్ని ప్రశాంతంగా భోజనం తినాలంటే ఈ రెస్టారెంట్ సూపర్ ఆప్షన్. రకరకాల సముద్రపు ఆహారాలు, కాక్టెయిల్లకు ఈ రెస్టారెంట్ చాలా ఫేమస్. అందులోనూ బడ్జెట్ ధరలోనే ఇవి దొరుకుతాయి. అందమైన సూర్యాస్తమయాన్ని చూస్తూ రుచికరమైన ఫుడ్ తింటే ఆ కిక్కే వేరు.
పెంటగాన్, మజోర్డా
ఈ రెస్టారెంట్లో తక్కువ ధరలోనే టేస్టీ ఫుడ్ దొరుకుతుంది. మీరు అతి తక్కువ డబ్బులకే మంచి ఫుడ్ కావాలంటే ఇక్కడ తినేందుకు ప్రయత్నించండి. రుచికరమైన గోవా, ఇండియన్, సీఫుడ్ వంటకాలను ఇక్కడ వండి వడ్డిస్తారు. కుటుంబంతో కలిసి భోజనం చేసేందుకు కూడా ఇది బెస్ట్ ప్లేస్.
కావటినా బై అవినాష్ మార్టిన్స్, బెనౌలిమ్
గోవా రుచులను టేస్ట్ చూడాలంటే కావటినా మీకు బెస్ట్ అనుభూతిని ఇస్తుంది. చెఫ్ అవినాష్ మార్టిన్స్.. స్థానిక రుచులు చక్కగా వండి వడ్డిస్తారు. అలాగే అతని ఆధునిక వంట పద్ధతులు ఎంతో ఆసక్తికరంగా ఉంటాయి. ఫుడ్ లవర్స్కు కచ్చితంగా వెళ్లాల్సిన ప్లేస్ ఇది.
ది రెడ్ జింజర్, కోల్వా
సౌత్ గోవాలోని ఉన్న ఓ లగ్జరీ రిసార్ట్లో ఉన్న రెస్టారెంట్ ఇది. ఆసియన్ వంటకాలను ఆస్వాదించడానికి ఈ రెస్టారెంట్ బెస్ట్ అని చెప్పుకోవచ్చు. సుషీ నుంచి థాయ్ కారీల వరకు ఇక్కడ అన్నీ దొరుకుతాయి. ది రెడ్ జింజర్లోని అందమైన ఇంటీరియర్స్ మంచి అనుభూతిని ఇస్తుంది.
ది ఫిషర్మన్స్ వార్ఫ్, కావెలోసిమ్
సీఫుడ్ వంటకాలకు గోవా కేరాఫ్ అడ్రెస్. ఈ రెస్టారెంట్ అద్భుతమైన సముద్రపు వ్యూని అందిస్తుంది. సూర్యాస్తమయాన్ని చూస్తూ ఇక్కడ ఫుడ్ ఎంజాయ్ చేయొచ్చు. ఇక్కడ దొరికే పీతలు కూర, చేపల కూర, అన్నం చాలామందికి ఫేవరెట్.
