Indoor Plant ఏసీ ఆపేయండి.. ఈ మొక్కలు మీ ఇంట్లో ఉంటే చాలు!
ఇండోర్ ప్లాంట్స్: వేసవి వచ్చిందంటే వేడి, ఉక్కపోత. వీటి నుంచి తప్పించుకోవడానికి ఎడాపెడా ఏసీ వాడేస్తుంటాం. దీంతో కరెంటు బిల్లు తడిచి మోపెడవుతుంది. దీంతోపాటు ఎక్కువకాలం ఏసీలో ఉండటం అంత మంచిదికాదని నిపుణులు చెబుతూనే ఉంటారు. అయితే ఏసీ వాడటానికి బదులు మీ ఇంట్లో కొన్నిరకాల మొక్కలు పెంచండి. ఇక ఏసీ అవసరమే ఉండదు.
- FB
- TW
- Linkdin
Follow Us
 "Asianet Image")
ఏప్రిల్ లోనే ఎండలు దంచికొడుతున్నాయి. మరో రెండు నెలలు మనకు చుక్కలు కనిపించడం ఖాయం. పైగా ఈ ఏడాది ఉష్ణోగ్రతలు మరింత పెరుగుతాయని వాతావరణ శాఖ తెలిపింది. కాబట్టి మనం ఎంత జాగ్రత్తగా ఉండాలో అర్థం చేసుకోవచ్చు. వేడి నుండి తప్పించుకోవడానికి అందరూ ఏసీపై ఆధారపడతారు. దీనివల్ల కరెంటు బిల్లు పెరగడమే కాకుండా ఎక్కువసేపు ఏసీలో ఉండటం వల్ల అనేక ఆరోగ్య సమస్యలు వస్తాయి.
అందుకే కృత్రిమంగా చల్లబరచడానికి బదులుగా, ప్రకృతి ఇచ్చిన మొక్కలను నాటితే గది చల్లగా ఉంటుంది. ఏ గదిలో ఏ మొక్కలు నాటితే గది చల్లగా ఉంటుందో తెలుసుకోండి. బెడ్‌రూమ్‌లో స్నేక్ ప్లాంట్ (Snake Plant) ఉంచండి. ఇది రాత్రిపూట ఆక్సిజన్ ఇస్తుంది, గదిని చల్లగా ఉంచుతుంది.
బాల్కనీ లేదా రోడ్డు వైపు ఉన్న గదిలో ఫికస్ (Ficus) మొక్కను నాటండి. ఇది గాలి కాలుష్యాన్ని తగ్గిస్తుంది, గాలి నాణ్యతను పెంచుతుంది. అంతేకాకుండా ఉష్ణోగ్రతను నియంత్రిస్తుంది.
గోల్డెన్ పాథోస్ (Golden Pathos) అనే విదేశీ మొక్కను ఇంట్లో నాటితే చుట్టుపక్కల వాతావరణం చల్లగా ఉంటుంది. అయితే ఈ మొక్కకు వెలుతురు అవసరం, కాబట్టి వెలుతురు వచ్చే చోట నాటండి.
ఈ సమయంలో కలబంద (Aloe Vera) నాటని వారు ఉండరు. చాలామంది ఇంటి చుట్టుపక్కల నాటుతారు, కానీ ఇంట్లో నాటితే ఉష్ణోగ్రత నియంత్రణలో ఉంటుంది, వేడి తగ్గుతుంది. లివింగ్ రూమ్ (Living Room)లో అరేకా పామ్ (Areca Palm) ఉంచండి. ఇది గాలిలో తేమను నిలుపుకుంటుంది, దీనివల్ల గది ఉష్ణోగ్రత సాధారణంగా ఉంటుంది. ఈ మొక్కలు నర్సరీలలో దొరుకుతాయి. మీ దగ్గరలోని నర్సరీ నుండి మొక్కలను కొని మీ గదిని చల్లగా ఉంచుకోండి.
