ఏసీ, ఫ్యాన్ కలిపి వాడితే ఎన్ని లాభాలో తెలుసా?
ఎండలు మండిపోతున్నాయి. ఏసీ లేకుండా ఇంట్లో కూర్చునే పరిస్థితి లేదు. కానీ రోజంతా ఏసీ వాడితే కరెంట్ బిల్లు ఎంత వస్తుందో అందరికీ తెలుసు. మరి ఈ సమస్యకు పరిష్కారం ఏంటి అని ఆలోచిస్తున్నారా? అయితే ఇది మీకోసమే. ఓసారి తెలుసుకోండి.
ఏసీతో ఫ్యాన్ వాడటం వల్ల లాభాలు
ఎండాకాలంలో ఏసీ లేకుండా ఉండటం కొంచెం కష్టమే. కానీ ఏసీ వాడితే కరెంట్ బిల్లు ఎక్కువగా వస్తుంది. కాబట్టి చాలామంది కరెంట్ బిల్లుకు భయపడి.. ఏసీ ఎక్కువసేపు వేసుకోవడానికి వెనకడుగు వేస్తారు. కానీ ఏసీతో పాటు ఫ్యాన్ కూడా వాడితే చాలా లాభాలున్నాయి. అవెంటో ఇక్కడ తెలుసుకుందాం.
గాలి బాగా ప్రసరిస్తుంది
ఎండ సమయంలో ఏసీ వేసుకున్నప్పుడు రూమ్ చల్లబడటానికి కాస్త ఎక్కువ టైం పడుతుంది. అప్పుడు ఏసీతో పాటు ఫ్యాన్ కూడా వాడితే గాలి బాగా వస్తుంది. చల్లగాలి రూమంతా త్వరగా వ్యాపిస్తుంది. దీనివల్ల ఏసీ మీద భారం తగ్గుతుంది. రూమ్ బాగా చల్లబడ్డాక ఏసీ కాసేపు ఆపుకున్నా పెద్దగా తేడా ఉండదు.
చల్లదనం ఎక్కువ
ఫ్యాన్ వల్ల ఏసీ చల్లదనం మరింత పెరుగుతుంది. ఏసీ గాలి ఫ్యాన్ మీద పడి నేరుగా మన మీదికి వస్తుంది. ఏసీ థర్మోస్టాట్ కూడా త్వరగా ఆగిపోకుండా ఉంటుంది.
గాలి శుభ్రంగా ఉంటుంది
ఏసీతో ఫ్యాన్ వాడితే రూమంతా గాలి తిరుగుతుంది. దుమ్ము, దుర్వాసన తొలగిపోతాయి.
ఏసీ మీద భారం తగ్గుతుంది
ఏసీ వాడేటప్పుడు.. ఫ్యాన్ వాడితే ఏసీ మీద భారం తగ్గుతుంది. ఏసీ ఎక్కువగా పనిచేయాల్సిన అవసరం ఉండదు. ఏసీ మోటార్ బాగుంటుంది. దానివల్ల ఏసీ ఎక్కువకాలం మన్నుతుంది.
కరెంటు ఆదా:
ఏసీ, ఫ్యాన్ రెండూ వాడితే కరెంటు తక్కువ ఖర్చవుతుంది. ఏసీ మీద భారం తగ్గి కరెంటు ఆదా అవుతుంది. బిల్లు కూడా తక్కువ వస్తుంది.
