Summer tips: ఎండలో నడిచి వచ్చారా? ఈ చిట్కాలు తప్పకుండా పాటించండి!

ఎండలో నడిచి వచ్చాక ఒంట్లో వేడి పెరిగి.. ఆకలి, చెమటలు ఎక్కువగా ఉంటాయి. అలాంటప్పుడు ఒంట్లో వేడి తగ్గించి వెంటనే హుషారుగా ఉండాలంటే ఈ చిట్కాలు పాటించండి! చాలా బాగా పనిచేస్తాయి.

వెంటనే నీళ్లు తాగండి

ఎండలో నడిచి వచ్చాక వెంటనే చల్లటి నీళ్లు లేదా ఎలక్ట్రోలైట్ కలిపిన డ్రింక్ తాగండి. మరీ చల్లటి డ్రింక్ కూడా తాగకూడదు. కొద్దిగా చల్లగా ఉండేలా చూసుకోండి.

ఎండలో తిరిగి వచ్చాక వెంటనే చల్లటి ప్రదేశానికి వెళ్లకండి. నీడలో 5 నుంచి 10 నిమిషాలు హాయిగా కూర్చోండి. ఒంట్లో వేడి నెమ్మదిగా తగ్గే వరకు అలానే కూర్చోండి.

ఎండలో తిరిగాక చెమట రావడం సహజం. మెత్తటి గుడ్డతో చెమట తుడుచుకోండి. తడి క్లాత్ తో ముఖం, మెడ, చేతులు వంటి భాగాలు తుడిస్తే కాస్త చల్లబడుతాయి. హాయిగా అనిపిస్తుంది.

ఎండలో తిరిగి వస్తే వెంటే డ్రెస్ చేంజ్ చేసుకోండి. చెమటతో తడిసిన బట్టలతో చర్మ సమస్యలు రావచ్చు. అందుకే నడిచి రాగానే బట్టలు మార్చుకోవడం మంచిది.

సులభంగా జీర్ణమయ్యే స్నాక్స్ తీసుకోండి. పుచ్చకాయ, దోసకాయ లేదా అరటిపండు వంటి నీరు ఎక్కువగా ఉండే పండ్లు తినండి. ఒంట్లో హుషారునిస్తాయి.

ఎండలో తిరిగొచ్చాక ఒకవేళ ఒళ్లంతా బాగా మండిపోతుంటే ఒంట్లో వేడి తగ్గిన తర్వాత కొద్దిసేపటికి చల్లటి నీటితో స్నానం చేయవచ్చు. ఎండవేడి నుంచి ఉపశమనం దొరుకుతుంది.

కలబంద లేదా చల్లదనాన్ని ఇచ్చే జెల్ వాడండి. ఎక్కువ వేడి వల్ల చర్మం మండే అవకాశం ఉంది. దీనికోసం ముఖం, చేతులు, మెడ భాగాల్లో అలోవెరా జెల్ రాయవచ్చు.