Chicken Biryani: అబ్బబ్బ ఏం రెసిపీ..ఈ పొట్లం బిర్యానీ రుచి చూస్తే వెజిటేరియన్స్ కూడా నాన్ వెజిటేరియన్స్ అయిపోతారు

Chicken Biryani: రెగ్యూలర్ గా చేసే దమ్ బిర్యానీ కాకుండా ఇలా చేసుకుని తినండి. బిర్యానీని సగం కుక్ చేసి చేసే పొట్లం బిర్యానీ ఇది. దీని అరోమాకే సగం కడుపునిండిపోద్ది. ఈజీగా ఎలా చేయాలో ఇక్కడ రెసిపీ చూద్దాం. 

Image Credit : vismai food/ youtube

ఎప్పుడూ అదే బిర్యానీ ఏం తింటారు?

ఎప్పుడూ అదే బిర్యానీ ఏం తింటారు? రుచిగా, జ్యూసీగా, చూడగానే తినబుల్ అనేపించేలా ఉండే ఈ బిర్యానీ ట్రై చేసి ఉండండి. మిగతా బిర్యానీలకు గుడ్ బై చెప్పేస్తారు. అంత బాగుంటుంది. ఒక్కసారి తింటే మళ్లీ మళ్లీ తినాలనిపించే రుచి, అరోమా, ఘుమఘుమ. బిర్యానీ ఎవరైనా చేస్తారు. కానీ నోటికి రుచిగా చేయడంలోనే ఆ కిక్ ఉంది. అయితే ఈ పొట్లం బిర్యానీ ఎలా చేయాలో స్టెప్ బై స్టెప్ ఉంది. లాగించేయండి.

Image Credit : vismai food/ youtube

కావాల్సిన పదార్థాలు

ఆయిల్, టేబుల్ స్పూన్ షాజీరా, 3-4 యాలకులు, 4-5 లవంగాలు, చిన్న ముక్క దాల్చినచెక్క, ఒకటి బిర్యానీ ఆకు. అరకప్పు ఉల్లిపాయ ముక్కలు, 3 పచ్చిమిర్చి, అల్లంవెల్లుల్లి పేస్ట్., రెండున్నర కప్పుల నీళ్లు, రుచికి సరిపడా ఉప్పు. కొంచెం కొత్తిమీర, పుదీనా. కప్పున్నర బాస్మతీ రైస్, స్టార్ పువ్వు, మరాఠీ మొగ్గ, బిర్యానీ ఆకులు, చిన్న ముక్క దాల్చినచెక్క, 4-5 లవంగాలు, 4-5 యాలకులు, కప్ ఉల్లి తరుగు, టేబుల్ స్పూన్ అల్లంవెల్లుల్లి పేస్ట్, అరకేజీ చికెన్, పెరుగు, జీడిపప్పు, కొబ్బరి పాలు, బనానా ఆకు, నెయ్యి. 

Image Credit : visamai food/youtube

బిర్యానీ రైస్

ముందుగా పాన్ లో నూనె వేసి 3-4 టేబుల్ స్పూన్ల ఆయిల్ వేసి వేడెక్కాక..అందులో టేబుల్ స్పూన్ షాజీరా, 3-4 యాలకులు, 4-5 లవంగాలు, చిన్న ముక్క దాల్చినచెక్క, ఒకటి బిర్యానీ ఆకు వేసి వేయించండి, ఆ తర్వాత అందులో ఉల్లిపాయ ముక్కలు, 3 పచ్చిమిర్చి, అల్లంవెల్లుల్లి పేస్ట్ వేసి వేయించండి. అందులో రెండూ ముప్పావు కప్పుల వేడి నీళ్లు వేయండి. ఉప్పు కూడా వేసి మరిగించాక అందులో ఒక్కటిన్నర కప్పు నానబెట్టిన బియ్యం వేసుకోండి. అన్నం పొడపొడిగా ఉండేలా చూసుకోవాలి.

Image Credit : vismai food/ youtube

చికెన్ గ్రేవీ కోసం

పాన్ లో నూనె వేసి స్టార్ పువ్వు, మరాఠీ మొగ్గ, బిర్యానీ ఆకులు, చిన్న ముక్క దాల్చినచెక్క, 4-5 లవంగాలు, 4-5 యాలకులు ఇవన్నీ వేసి పొంగించండి. కప్ ఉల్లి తరుగు, టేబుల్ స్పూన్ అల్లంవెల్లుల్లి పేస్ట్ వేసి వేయించండి. అందులో అరకిలో చికెన్ వేసి కాస్త ఉప్పు వేసి పెద్ద మంట మీద వేపాలి. నీరు ఇగిరి నూనె తేలాక అరకప్పు పెరుగు, పుదీనా, కొత్తిమీర తరుగు, 3-4 పచ్చిమిర్చి వేసి కలపండి. బిర్యానీ మసాలా లేదా గరం మసాలా వేసుకోండి. పక్కన మరో మిక్సీజార్ లో జీడిపప్పు, నీళ్లు వేసి పేస్ట్ చేయండి. ఆ పేస్ట్ వేసి చికెన్ లో వేసి ఉడికించండి.ముప్పావు కప్పు నీళ్లు వేస్తే అంటకుండా ఉడుకుతుంది. అప్పుడు చికెన్ గ్రేవీ అయిపోయాక స్టవ్ కట్టేయండి. ఇప్పుడు అందులో కొబ్బరి పాలు వేసుకుని పక్కన పెట్టుకోండి. 

Image Credit : vismai food/ youtube

పొట్లం కట్టేయండి

ఇప్పుడు అరటి ఆకుని కాస్త వేడి చేస్తే మెత్తగా అవుతుంది. అప్పుడు ఎలా అంటే అలా పొట్లం కట్టుకోవడానికి వీలు పడుతుంది. ఇప్పుడు అందులో కాస్త బిర్యానీ రైస్, దానిపై చికెన్ గ్రేవీ, మరో బిర్యానీ రైస్ వేసి ఆపైన వేయించిన ఉల్లిపాయలు, పుదీనా, కొత్తిమీర తరుగు, నెయ్యి వేసి తాడుతో పొట్లం కట్టేయండి.

Image Credit : vismai food/ youtube

స్టీమర్ లో 10 నిమిషాలు స్టీమ్

వాటిని స్టీమర్ లో 10 నిమిషాలు స్టీమ్ చేయండి. ఆ తర్వాత 10 నిమిషాలు అలానే వదిలేయండి. ఘుమఘుమలాడే పొట్లం బిర్యానీ రెడీ, వేడివేడిగా తింటుంటే ఎంత బాగుంటుందో. ట్రై చేసేయండి.