Lemon Pickle: లెమన్ పికిల్ ఇలా ఒకసారి ట్రై చేయండి..ఒక్క ముద్దతోనే ఫిదా

ఎక్కువ శ్రమ లేకుండా నిమ్మకాయ పచ్చడి. ఈ పికిల్ వేసుకుని తింటే మెతుకు కూడా మిగల్చరు. గిన్నెలో 12 నిమ్మకాయలు, 250 గ్రాముల పచ్చిమిర్చి వేసి ఆ తర్వాత ఒక కప్పు నీళ్లు పోయండి. 

నిమ్మకాయ, పచ్చిమిర్చి బాగా ఉడకనివ్వాలి. ఉడికిన తర్వాత పక్కన పెట్టుకోవాలి. పక్కనే కొద్దిగా వేడి నీటిలో నిమ్మకాయంత చింతపండు నానబెట్టండి.

ఇప్పుడు ఒక ప్యాన్‌లో నూనె వేసి వేగాక ఆవాలు, మెంతులు వేపండి. తర్వాత వాటిని రోట్లో వేసి పొడి చేసుకోవాలి.

ఉడికించిన నిమ్మకాయను రెండు ముక్కలుగా కోసి గింజలు తీసేయండి. మిక్సీ జార్‌లో ఉడికించిన పచ్చిమిర్చి, చింతపండు వేసి గ్రైండ్ చేయండి.

పోపు గిన్నెలో నూనె వేసి, గుప్పెడు వెల్లుల్లి రెబ్బలు వేసి వేయించండి. దానికి కొద్దిగా ఇంగువ కూడా కలపండి. దానిలోనే రుచి మొత్తం ఉంటుంది.

అన్నింటినీ కుక్కర్ గిన్నెలోకి మార్చండి. చిటికెడు పసుపు, ఒక చెంచా కారం, రుచికి సరిపడా ఉప్పు వేసి బాగా కలపండి. అంతే, పచ్చడి రెడీ. దీన్ని ఒక సీసాలోకి తీసుకుని నిల్వ చేసుకోండి.