Health Insurance జబ్బు దాస్తే బీమా డబ్బులు గోవిందా! మరేం చేయాలి?
రోగాలు వచ్చినప్పుడు ఆదుకుంటుందనే ఉద్దేశంతో ఇప్పుడు చాలామంది ఆరోగ్య బీమా పాలసీ కడుతున్నారు. కానీ బీమా తీసుకునేటప్పడు మన ఆరోగ్య చరిత్ర, రోగాల గురించి మొత్తం చెప్పాలి. లేదంటే క్లెయింలు తిరస్కరిస్తారు. ఒక వ్యక్తి తనకున్న రోగాన్ని దాచడంతో అతడి కుటుంబం చాలా నష్టపోయింది.
- FB
- TW
- Linkdin
Follow Us
 "Asianet Image")
ఇప్పుడు చాలామందికి ఏదో ఒక జబ్బు ఉంటుంది. ఒకదాని తర్వాత ఒకటి చాలా రోగాలు వస్తున్నాయి. అందుకే చాలామంది ముందు జాగ్రత్తగా హెల్త్ ఇన్సూరెన్స్ తీసుకుంటున్నారు. హెల్త్ ఇన్సూరెన్స్ తీసుకునేటప్పుడు చాలామంది పాత రోగాల గురించి చెప్పరు. చెప్తే డబ్బులు ఎక్కువ కట్టాలని భయపడతారు.
అలాగే చాలామంది తమ అలవాట్ల గురించి కూడా దాస్తారు. లేకపోతే డబ్బులు ఎక్కువ కట్టాల్సి వస్తుందని భయపడతారు. ఇది ప్రమాదకరం. ఇలా చేస్తే మొదటికే మోసం వస్తుంది.
ఇటీవల ఒక కేసు బయటకు వచ్చింది. ఒక వ్యక్తి 2013లో ఒక ఇన్సూరెన్స్ కంపెనీలో పాలసీ తీసుకున్నాడు. ఒక సంవత్సరం డబ్బులు కూడా కట్టాడు. ఆ తర్వాత కడుపు నొప్పి ఎక్కువై ఆసుపత్రిలో చేరాడు. తర్వాత చనిపోయాడు. కానీ ఇన్సూరెన్స్ కంపెనీ అతడి కుటుంబానికి డబ్బులు ఇవ్వలేదు.
తాగుడు అలవాటు వల్ల చనిపోయాడని, అందుకే డబ్బులు ఇవ్వలేమని కంపెనీ తేల్చి చెప్పింది. ఈ కేసు జాతీయ వినియోగదారుల కమిషన్ దగ్గరకు వెళ్ళింది. డబ్బులు ఇవ్వమని వాళ్ళు ఇన్సూరెన్స్ కంపెనీకి చెప్పారు.
ఆ ఆర్డర్‌ను ఛాలెంజ్ చేస్తూ ఇన్సూరెన్స్ కంపెనీ సుప్రీంకోర్టుకు వెళ్ళింది. సుప్రీంకోర్టు పాత ఆర్డర్‌ను కొట్టివేసి కొత్త తీర్పు చెప్పింది. చనిపోయిన వ్యక్తి మరణానికి తాగుడే కారణం కావడంతో బీమా కంపెనీ డబ్బులు చెల్లించలేమని చెప్పడం సబబేనని వ్యాఖ్యలు చేసింది. దీనివల్ల అర్థం అయ్యేదేంటంటే.. బీమా చేస్తున్నప్పుడు మనకున్న రోగాల గురించి ముందే తెలియజేయాలి. బీమా భారం కాస్త ఎక్కువైతే కావొచ్చుగానీ, అనుకొని పరిస్థితుల్లో తేలికగా బీమా పొందే అవకాశం ఉంటుంది.
