ఎంత ప్రయత్నించినా బరువు తగ్గడం లేదా? అయితే ఈ టిప్స్ ఫాలోకండి.
Weight Loss: చాలా మంది బరువు తగ్గడానికి నానా తంటాలు పడుతున్నారు. కొందరు తిండి తినడం తగ్గిస్తే.. మరికొందరు జిమ్ కు పరుగులు తీస్తారు. అయినా మార్పు కనిపించడం లేదా? ఈ అలవాట్లు చేసుకోండి. నెలరోజుల్లో రిజల్డ్ మీకే తెలుస్తోంది.
త్వరగా డిన్నర్
చాలా మంది ఆలస్యంగా రాత్రి భోజనం చేస్తారు. బరువు తగ్గడానికి ఇది పెద్ద అడ్డంకి. ఆలస్యంగా తినడం వల్ల ఆహారం సరిగ్గా జీర్ణం కాదు. మనం నిద్రపోతున్నప్పుడు శరీరంలో జీవక్రియ (Metabolism) తగ్గుతుంది. దీనివల్ల కేలరీలు కాలిపోకుండా కొవ్వుగా నిల్వ అవుతాయి. రాత్రి 7 గంటల లోపు లేదా పడుకునే సమయానికి 2-3 గంటల ముందు రాత్రి భోజనం పూర్తి చేయడం మంచిది.
ఆర్యోగకరమైన ఆహారం
కొంతమంది రాత్రి భోజనంలో ఎక్కువ కేలరీలు, కొవ్వు, ప్రాసెస్ చేసిన ఆహారాలు తీసుకుంటారు. ఇది అధిక బరువు పెరగడానికి దారితీస్తుంది, ఆరోగ్యానికి కూడా హానికరం. ప్రోటీన్, ఫైబర్, ఆరోగ్యకరమైన కొవ్వులను, రాత్రి భోజనంలో చేర్చుకోవడం ముఖ్యం. కూరగాయలు, ఆకుకూరలు, పప్పులు, తృణధాన్యాలు వంటివి రాత్రి భోజనంలో చేర్చుకోవడం మంచిది.
నిద్ర లేకపోవడం
బరువు తగ్గడంలో సరైన నిద్ర కూడా ముఖ్యం. రాత్రి భోజనం చేసిన వెంటనే పడుకోవడమే కాకుండా, సరిగా నిద్ర పోకపోవడంవల్ల కూడా బరువు పెరుగుతుంది. నిద్ర లేమి హార్మోన్ల సమతుల్యతను దెబ్బతీస్తుంది, ఆకలిని పెంచే హార్మోన్ అయిన గ్రెలిన్ స్థాయిని పెంచుతుంది కడుపు నిండిన అనుభూతిని కలిగించే లెప్టిన్ స్థాయిని తగ్గిస్తుంది. అలాగే పడుకునే ముందు ఒక గంట ముందు మొబైల్ ఫోన్, టెలివిజన్ చూడటం మానేస్తే మంచి నిద్రకు సహాయపడుతుంది.
భోజనం తర్వాత తలతిరగడం
కొంతమందికి రాత్రి భోజనం చేసిన వెంటనే తలతిరగడం లేదా మైకము వచ్చినట్లు అనిపించవచ్చు. ఇది రక్తపోటులో మార్పు లేదా జీర్ణ సమస్య వల్ల కావచ్చు. ఆరోగ్యకరమైన ఆహారపు అలవాట్లు , సరైన సమయంలో భోజనం చేయడం ఈ సమస్యను నివారించడానికి సహాయపడుతుంది.
చిరుతిళ్ళు
రాత్రి భోజనం తర్వాత కూడా కొంతమందికి ఆకలిగా అనిపిస్తే, చిప్స్, బిస్కెట్లు, స్వీట్లు వంటి ఎక్కువ కేలరీలు ఉన్న చిరుతిళ్ళు తింటారు. ఇవి బరువు పెరగడానికి దారితీస్తుంది. రాత్రి భోజనం తర్వాత ఆకలిగా అనిపిస్తే, పండ్లు, పెరుగు, నట్స్ వంటి ఆరోగ్యకరమైన చిరుతిళ్ళను కొద్దిగా తినవచ్చు. సాధారణంగా భోజనం చేసిన వెంటనే చిరుతిళ్ళు తినడం మానేయడం మంచిది.
పడుకునే ముందు చేయవలసినవి
రాత్రి భోజనం చేసిన వెంటనే పడుకోవడానికి బదులుగా 10-15 నిమిషాలు నడవడం అలవాటు చేసుకోండి. ఇలా చేయడం వల్ల రక్తంలో చక్కెర స్థాయిని నియంత్రించడానికి, కేలరీలను కరిగించడానికి సహాయపడుతుంది. పడుకునే ముందు కనీసం ఒక గంట ముందు మొబైల్ ఫోన్, ల్యాప్టాప్ వంటి ఎలక్ట్రానిక్ పరికరాలు వాడకపోవడం మంచిది.
