Summer Foods: సమ్మర్లో ఈ కూరగాయలు అస్సలు తినొద్దు..తింటే ఏమవుతుందో తెలుసా?
Summer Foods: ఎండలు మండిపోతున్నప్పుడు మన శరీరాన్ని కూల్గా ఉంచే ఆహారం మాత్రమే తీసుకోవాలి. కానీ కొన్ని రకాల కూరగాయలు ఆరోగ్యానికి మంచివైనప్పటికీ, వేసవిలో మాత్రం ఒంట్లో వేడిని అమాంతం పెంచేస్తాయి. అందుకే వేసవిలో ఏవి తినాలి? ఏని తినకూడదో ఇక్కడ చూద్దాం.
వేసవిలో తినకూడని కూరగాయలు
సమ్మర్లో చాలా జాగ్రత్తగా ఉండాలి. తినే ఆహారం, వేసుకునే బట్టలు అన్నింటికన్నా ముఖ్యం. ఈ వేసవిలో బయట చల్లదనం కన్నా బాడీలో చల్లదనం కావాలి. అలా కావాలంటే మనం తినే ఆహారం ఎలా ఉందో చూసుకోవాలి. వేడి చేసే ఫుడ్ తింటే శరీరంలో ఇంకాస్త వేడి పెరిగి అనేక సమస్యలు వస్తాయి. జీర్ణం కాకపోవడం, విరోచనాలు, ముఖం డ్రై అయిపోవడం, యూరిన్ పసుపు రంగులో వచ్చి మంట పుట్టడం, మొటిమలు..ఇలా బోల్డెన్ని సమస్యలు చుట్టుముడతాయి. అందుకే ఈ వేసవిలో మనం తినే ఆహారం దృష్టి పెట్టాలి.
వంకాయ
వంకాయ అన్ని కాలాల్లోనూ దొరుకుతుంది. కానీ వంకాయ వేడి చేసే గుణం ఉండటం వల్ల…అది తింటే శరీరంలో ఇంకాస్త వేడి పెరిగే అవకాశం ఉంటుంది. దీన్ని ఎక్కువగా తింటే అసిడిటీ, చర్మ సమస్యలు వచ్చే అవకాశం ఉంది. కాబట్టి, దీన్ని వేయించకుండా, తక్కువ నూనె, మసాలాలతో వండుకుని తినడం ఉత్తమం.
మునగకాయ
మునగకాయ, దాని ఆకులు కూడా పోషకాలతో నిండి ఉంటాయి. కానీ ఇది కూడా శరీర ఉష్ణోగ్రతను పెంచే కూరగాయల్లో ఒకటి. ఇటీవల దీని ఆరోగ్య ప్రయోజనాల గురించి ఎక్కువగా ప్రచారం జరగడంతో, చాలామంది రోజువారీ ఆహారంలో చేర్చుకోవడం మొదలుపెట్టారు. అయినప్పటికీ, వేసవి కాలంలో దీన్ని ఎక్కువగా తినకుండా, మితంగా తీసుకోవాలి.
అయితే మునగాకులో ఎక్కువ పోషకాలు ఉంటాయి కాబట్టి…ఆపరేషన్లు చేయించుకునేవాళ్లు, బాలింతలు…ఈ మునగాకు తింటే కుట్లు త్వరగా కలిసిపోతాయి. కానీ సమ్మర్ కాబట్టి…కాస్త మితంగా తినడం చాలా మంచిది.
ఉల్లిపాయ
ఉల్లిపాయను చలవ చేసే ఆహారంగా భావించినా, దానిలోని ఘాటు వల్ల ఎక్కువగా తింటే శరీరంలో వేడి పెరుగుతుంది. అలాగే, నూనెలో బాగా వేయించిన పదార్థాలు, కారంతో కూడిన మసాలా వంటకాలను వేసవిలో తినకపోవడమే మంచిది. శరీరం తేలికగా జీర్ణించుకోగల, తక్కువ మసాలా, తక్కువ నూనె ఉన్న ఆహారం తీసుకుంటే శరీరం చల్లగా, ఆరోగ్యంగా ఉంటుంది.
మరీ ముఖ్యంగా పెరుగుకు దూరంగా ఉండండి. దానికి బదులు మజ్జిగ తాగండి. పెరుగు తింటే శరీరంలో వేడి పెరుగుతుంది. మజ్జిగ చలవ చేస్తుంది. ఇంకా కావాలంటే గంజిని పులియబెట్టి దాంట్లో కాస్త ఉప్పు, పంచదార కలిపి తాగినా బాడీ వెంటనే కూల్ అయిపోతుంది.
