Pomegranate Benefits: రోజూ ఉదయాన్నే గుప్పెడు దానిమ్మ గింజలు తింటే ఎన్ని లాభాలో తెలుసా?

16

పోషకాలతో నిండిన బ్రేక్ పాస్ట్

ప్రతిరోజూ ఉదయాన్నే టిఫిన్ తినడం ఎంత ముఖ్యమో అందరికీ తెలుసు. మార్నింగ్ తీసుకునే ఫుడ్.. శక్తిని అందించడమే కాకుండా.. రోజువారీ పనులకు శరీరాన్ని సిద్ధం చేస్తుంది. కాబట్టి పోషకాలతో కూడిన బ్రేక్ ఫాస్ట్ చేయడం మంచిది. మీ బ్రేక్ ఫాస్ట్ ను మరింత పోషకాలతో నింపే దానిమ్మ పండు గురించి ఇక్కడ తెలుసుకుందాం .

26

దానిమ్మలోని పోషకాలు

దానిమ్మలో విటమిన్ సి, విటమిన్ కె, ఫోలేట్, పొటాషియం వంటి అనేక ముఖ్యమైన పోషకాలు ఉన్నాయి. ఇవి శరీరానికి వ్యాధులతో పోరాడే సామర్థ్యాన్ని పెంచుతాయి. అంతేకాదు శరీరానికి హాని కలిగించే కణాలతో పోరాడే గుణాలు కూడా ఇందులో ఉన్నాయి. ఈ లక్షణాల వల్ల దానిమ్మ ఒక అద్భుతమైన పండుగా గుర్తింపు పొందింది. ఇది మీ బ్రేక్ ఫాస్ట్ ని పోషకాలతో నింపుతుంది.

36

గుండె ఆరోగ్యానికి

దానిమ్మ తినడం గుండెకు చాలా మంచిది. ఇందులో ఉండే కొన్ని గుణాలు రక్తపోటును నియంత్రించడంలో సహాయపడతాయి. చెడు కొలెస్ట్రాల్ స్థాయిలను తగ్గించి, గుండె జబ్బుల ప్రమాదాన్ని తగ్గిస్తాయి. కాబట్టి మీ బ్రేక్ ఫాస్ట్ లో దానిమ్మని చేర్చుకోవడం మంచిది.

46

మెరుగైన జీర్ణక్రియ

ప్రతిరోజూ ఉదయం ఒక చిన్న గిన్నెడు దానిమ్మ గింజలు తింటే జీర్ణక్రియ మెరుగుపడుతుంది. ఇందులో ఉండే ఫైబర్ మలబద్ధకం, ఇతర జీర్ణ సమస్యలను దూరం చేస్తుంది. దానిమ్మ తినడం వల్ల కడుపు శుభ్రపడుతుంది. జీర్ణవ్యవస్థ ఆరోగ్యంగా ఉంటుంది. ఇది కడుపు ఉబ్బరం తగ్గించి, జీర్ణక్రియను మెరుగుపరుస్తుంది. 

56

బరువు తగ్గడానికి..

బరువు తగ్గాలనుకునే వారికి దానిమ్మ చాలా ఉపయోగకరంగా ఉంటుంది. ఇందులో తక్కువ కేలరీలు, ఎక్కువ ఫైబర్ ఉండటం వల్ల ఎక్కువసేపు కడుపు నిండిన భావన కలుగుతుంది. శరీరంలోని అదనపు కొవ్వును తగ్గించే గుణాలు కూడా ఇందులో ఉన్నాయి.  

66

మానసిక ఆరోగ్యానికి..

దానిమ్మ మానసిక ఆరోగ్యానికి కూడా మంచిదట. ఇందులో మెదడు పనితీరును మెరుగుపరిచి.. ఒత్తిడిని తగ్గించే కొన్ని గుణాలు ఉన్నాయి. దీనివల్ల మానసిక ఆరోగ్యం మెరుగుపడుతుంది. రోజంతా ఉత్సాహంగా ఉంటారు.