Kitchen Hacks: అల్లం ఎక్కువకాలం తాజాగా ఉండాలంటే ఇలా చేయండి!
సాధారణంగా మనం అల్లాన్ని చాలా రకాల వంటకాల్లో వాడుతుంటాము. అల్లం వంటలకు రుచిని పెంచడమే కాదు.. ఆరోగ్యానికి కూడా మేలు చేస్తుంది. కానీ అల్లంతో వచ్చిన సమస్య ఏంటంటే త్వరగా పాడై పోతుంటుంది. అలా కాకుండా ఎక్కువ కాలం ఎలా నిల్వ చేయాలో ఇక్కడ చూద్దాం.
అల్లం నిల్వ చేసే చిట్కాలు
అల్లంలో చాలా ఔషధ గుణాలు ఉంటాయి. ఇవి ఆరోగ్యానికి చాలా మేలు చేస్తాయి. అందుకే చాలామంది అల్లాన్ని రోజూ వాడుతుంటారు. అయితే రోజూ షాప్ కి వెళ్లి కొనలేరు కాబట్టి.. ఒకేసారి ఎక్కువ మొత్తంలో కొనుగోలు చేసి నిల్వ చేస్తుంటారు. కానీ అల్లాన్ని సరిగ్గా నిల్వే చేయకపోతే.. త్వరగా పాడై పోతుంది. అప్పుడు దాన్ని పారేయడం తప్పా వేరే మార్గం ఉండదు. కాబట్టి అల్లం కుళ్లిపోకుండా.. ఎక్కువకాలం ఎలా నిల్వ చేయాలో ఇక్కడ తెలుసుకుందాం.
అల్లాన్ని ఆరబెట్టండి
మీరు అల్లం కొనుగోలు చేసినప్పుడు అది తడిగా ఉంటే.. దాన్ని నేరుగా నిల్వ చేయకండి. మీరు తడి అల్లం నిల్వ చేస్తే.. దానికి ఫంగస్ రావచ్చు. కాబట్టి అల్లం బాగా ఆరబెట్టి ఆ తర్వాత నిల్వ చేయండి.
ఫ్రిజ్లో నిల్వ చేయడం ఎలా?
అల్లం తాజాగా ఉండడానికి.. మీరు దాన్ని ఫ్రిజ్లో నిల్వ చేయవచ్చు. దాన్ని నేరుగా ఫ్రిజ్లో ఉంచకండి. అల్లాన్ని కాగితంలో చుట్టి ప్లాస్టిక్ సంచిలో నిల్వ చేయండి. అల్లాన్ని గాలి చొరబడని పాత్రలో కూడా నిల్వ చేయవచ్చు. గాలి చొరబడని పాత్రలో ఉంచే ముందు దాన్ని బాగా ఆరబెట్టి.. టిష్యూ పేపర్లో చుట్టి గాలి చొరబడని పాత్రలో ఉంచండి. ఈ విధంగా చేస్తే.. అల్లం ఎక్కువ కాలం తాజాగా ఉంటుంది.
అల్లం పొడి
గతంలో కొన్ని ఇళ్లలోనే ఫ్రిజ్లు ఉండేవి కాబట్టి.. అల్లాన్ని ఎక్కువగా ఎండలో ఆరబెట్టి నిల్వ చేసేవారు. అల్లం ఎండలో ఉంచి, అది ఆరిన తర్వాత పొడి చేసేవారు. ఈ పొడిని తేమ లేని, గాలి చొరబడని పాత్రలో నిల్వ చేసేవారు.
అల్లం పేస్ట్
అల్లం ఎక్కువ కాలం తాజాగా ఉండాలంటే.. మీరు అల్లాన్ని తురిమి ఫ్రిజ్ లేదా ఫ్రీజర్లో నిల్వ చేయవచ్చు. లేదా అల్లాన్ని పేస్ట్ చేసి కూడా నిల్వ చేసుకోవచ్చు.