Kitchen tips: ఇలా చేస్తే.. 2 గంటల్లో చిక్కటి పెరుగు తయారవుతుంది!
పెరుగు ఆరోగ్యానికి ఎంత మంచిదో ప్రత్యేకంగా చెప్పాల్సిన అవసరం లేదు. చాలామంది పెరుగు లేకుండా అసలు భోజనమే చేయరు. సాధారణంగా పెరుగు తయారు చేయడానికి ఒక పూట టైం పడుతుంది. కానీ కేవలం 2 గంటల్లో చిక్కటి పెరుగు తయారు చేసుకునే కొన్ని చిట్కాలు ఉన్నాయి. అవెంటో ఇక్కడ చూద్దాం.
- FB
- TW
- Linkdin
Follow Us
 "Asianet Image")
గోరువెచ్చని పాలతో..
పెరుగు పర్ఫెక్ట్ గా రావాలంటే.. పాలు ఎక్కువ వేడిగా కానీ, చల్లగా కానీ ఉండకూడదు. వేలు పెట్టినప్పుడు తట్టుకునేంత వేడిగా ఉంటే చాలు. త్వరగా పెరుగు తయారు కావాలంటే.. పాలల్లో వేయడానికి సాధారణం కంటే కొంచెం ఎక్కువ పెరుగు వాడాలి. ఒక కప్పు పాలకి ఒకటి నుంచి రెండు చెంచాల పెరుగు వాడొచ్చు. పుల్లగా, చిక్కగా ఉన్న పెరుగు వాడటం మంచిది.
సరైన పాత్ర ఎంచుకోవాలి
చిక్కటి పెరుగును త్వరగా తయారు చేసుకోవాలంటే మట్టి పాత్ర, ఇన్సులేటెడ్ బాక్స్ లేదా కాస్ట్రోల్ వంటి పాత్రలు వాడాలి. మట్టి పాత్రలో పెరుగు త్వరగా అవుతుంది. అంతేకాదు మంచి వాసనా కూడా వస్తుంది.
పాత్రని వేడి చేసి వాడాలి
పెరుగు చిక్కగా ఉంటేనే చాలా టేస్టీగా ఉంటుంది. మరి తక్కువ టైంలో త్వరగా పెరుగు తయారు చేయాలంటే.. పెరుగు వేయాలనుకునే పాత్రని ముందుగా కొంచెం వేడి చేయాలి. దీనివల్ల పెరుగు త్వరగా తయారవుతుంది.
పంచదార/మిరపకాయలు వేయచ్చు
పెరుగు తయారు కావడానికి పాలలో చిటికెడు పంచదార కలపాలి. దీనివల్ల బాక్టీరియా త్వరగా యాక్టివ్ అవుతాయి. పెరుగు త్వరగా చిక్కపడుతుంది. అంతేకాదు 1-2 పచ్చిమిరపకాయల కాడలు కూడా వేయచ్చు. ఇది లాక్టిక్ యాసిడ్‌ని పెంచుతుంది.
మైక్రోవేవ్ లో పెట్టండి
త్వరగా పెరుగు తయారు కావాలంటే మైక్రోవేవ్ ని కూడా వాడచ్చు. వాటిని ప్రీహీట్ చేసి తర్వాత ఆపేయాలి. అనంతరం పెరుగు పాత్రని అందులో పెడితే చాలు... పెరుగు ఇన్‌స్టంట్‌గా తయారైపోతుంది.
