Prevent Food Spoilage: ఉదయం వండిన కూర సాయంత్రానికి పాడైపోతుందా? ఈ స్టీల్ స్పూన్ ట్రిక్ తో చెక్ పెట్టొచ్చు

Prevent Food Spoilage: బయట ఎండలకు వంట తొందరగా పాడైపోతుందా? కొంచెం కూర మిగిలినా సాయంత్రానికి పనికి రావడం లేదా? అయితే.. ఒక చిన్న చిట్కాతో వాటిని ఫ్రెష్ గా ఉంచొచ్చు. 

Image Credit : Pixabay

food storage

గతేడాదితో పోలిస్తే...ఈ ఏడాది ఎండలు కాస్త ఎక్కువగానే ఉన్నాయి. ఈ ఎండ వేడికి ఆహారం చాలా తొందరగా పాడైపోతూ ఉంటుంది. కొన్నిసార్లు ఫ్రిజ్ లో పెట్టినా కూడా అది పాడయ్యే అవకాశం ఉంటుంది. వేడికి బ్యాక్టీరియా తొందరగా తయారై.. ఆహారం పాడయ్యేలా చేస్తుంది. అయితే... ఒక స్టీల్ స్పూన్ ఉపయోగించి...ఈ సమస్యకు చెక్ పెట్టొచ్చని మీకు తెలుసా? అదెలాగో ఇప్పుడు తెలుసుకుందాం...

Image Credit : Social Media

సింపుల్ ట్రిక్..

మీ ఇంట్లో ఫ్రిజ్ ఉంటే.. ఆ ఫ్రిజ్ లోని ఫ్రీజర్ లో ఒక స్టీల్ స్పూన్ ఉంచాలి. బాగా చల్లపడిన ఈ స్పూన్.. మనం వండిన ఆహారం తొందరగా పాడవ్వకుండా.. ఫ్రెష్ గా ఉండేలా చేస్తుంది. అదెలాగంటే.. ఉదాహరణకు మీరు ఉదయం కూర వండారు అనుకుందాం... అప్పుడే వండిన కూర కాబట్టి వేడిగా ఉంటుంది. అందులోనూ బయట ఎండలకు తొందరగా ఆరదు. అలాంటి సమయంలో... ఫ్రీజర్ లో ఉంచిన స్పూన్ ని.. ఈ వేడిగా ఉన్న ఆహారంలో ఉంచాలి. ఇలా చేయడం వల్ల.. ఆ ఫుడ్ తొందరగా చల్లగా మారుతుంది. దాని వల్ల తొందరగా బ్యాక్టీరియా తయారవ్వదు.. ఆహారం పాడవ్వకుండా తాజాగా ఉంటుంది.

చాలా మంది వండిన ఆహారం పూర్తిగా చల్లారిన తర్వాత మాత్రమే ఫ్రిజ్ లో పెడతారు. అయినా కూడా అది పాడయ్యే అవకాశాలు ఉంటాయి. ఆ ఫుడ్ చల్లారేలోగా.. అందులో బ్యాక్టీరియా పెరిగే అవకాశం ఉంటుంది. అందుకే.. కూర వేడిగా ఉన్నప్పుడే అందులో.. ఫ్రీజర్ లో ఉంచిన స్టీల్ స్పూన్ ఉంచడం వల్ల తొందరగా చల్లగా మారుతుంది. బ్యాక్టీరియా తయారవ్వదు. అది చల్లగా మారిన తర్వాత వెంటనే మనం ఫ్రిజ్ లో పెట్టుకోవచ్చు.

Image Credit : Getty

శాస్త్రీయ కారణం...

స్టీల్ స్పూన్ మాత్రమే ఎందుకు పెట్టాలి అంటే దాని వెనక శాస్త్రీయ కారణాలు కూడా ఉన్నాయి. స్టెయిన్ లెస్ స్టీల్ స్పూన్ ని ఫ్రిజర్ లో ఉంచినప్పుడు అది చాలా తొందరగా చల్లదనాన్ని గ్రహిస్తుంది. దీనిని వేడి ఆహారంలో ఉంచితే... దాని వేడిని కూడా అంతే తొందరగా గ్రహిస్తుంది. అందుకే.. స్టీల్ స్పూన్ మాత్రమే ఈ టెక్నిక్ కి బాగా ఉపయోగపడుతుంది.