Masala Chai: హోటల్ స్టైల్ మసాలా టీని ఇంట్లోనే ఇలా చేసేయండి!
చాలామందికి ఉదయాన్నే టీ తాగకపోతే ఏం తోచదు. కప్పు చాయ్ కడుపులో పడితే చాలు.. ఎక్కడ లేని ఆనందం వస్తుంది. అలా అని రోజు ఒకే స్టైల్ టీ తాగితే ఏం బాగుంటుంది. అప్పుడప్పుడు కొత్తగా ట్రై చేయాలి. అదే హోటల్ స్టైల్లో మసాలా చాయ్. ఓసారి ఇంట్లోనే ఇలా తయారుచేయండి.
హోటల్ స్టైల్ టీ
చాలామంది ఇష్టంగా తాగే పానియాల్లో టీ ఒకటి. ఉదయం లేచిన దగ్గరి నుంచి రాత్రి పడుకునే వరకు రోజుకు ఐదారు సార్లు టీ తాగే వాళ్లు లేకపోలేదు. ఇక చలికాలం, వానకాలం అయితే వీటి సంఖ్య మరింత పెరుగుతుంది. కానీ ఎప్పుడూ ఒకే రకం టీ కాకుండా ఫైవ్ స్టార్ హోటల్ స్టైల్ లో టీ ఎలా తయారుచేయాలో ఇక్కడ చూద్దాం.
మసాలా టీ తయారీకి కావాల్సినవి
పాలు: 2 కప్పులు
టీ పొడి: 1 టీ స్పూన్
పంచదార: 2 టీ స్పూన్లు
యాలకులు: రెండు
అల్లం: అర అంగుళం
యాలకులు, అల్లం లేకపోతే.. మార్కెట్లో దొరికే టీ మసాలా పొడి కూడా వాడవచ్చు
మసాలా టీ తయారీ విధానం
ముందుగా స్టవ్ వెలిగించి టీ తయారు చేయడానికి పాత్ర పెట్టుకోవాలి. పాత్రలో 2 టీ స్పూన్ల పంచదార వేసుకోవాలి. తక్కువ మంట మీద పంచదార కరిగించుకోవాలి. అంటే పంచదార పాకం పట్టేలా చూసుకోవాలి.
టీ పొడి, పాలతో...
పంచదార పాకం అవుతున్నప్పుడు మీకు నచ్చిన టీ పొడి వేసి కలుపుకోవాలి. పంచదార, టీ పొడి కలిసిన తర్వాత పాలు పోసి రెండు నుంచి మూడు నిమిషాలు మరిగించాలి.
రుచికరమైన టీ రెడీ
పాలు, టీ పొడి, పంచదార బాగా మరిగిన తర్వాత దంచిన అల్లం, యాలకుల పొడి వేసి బాగా కలిపి మూడు నుంచి నాలుగు నిమిషాలు మరిగిస్తే రుచికరమైన మసాలా టీ రెడీ అవుతుంది. వేడి వేడిగా తాగితే చాలా బాగుంటుంది. (యాలకులు, అల్లం బదులుగా మార్కెట్లో దొరికే టీ మసాలా పొడి కూడా వాడచ్చు)