Eggs and Cholesterol రోజూ గుడ్డు తింటే కొవ్వు పెరుగుతుందా? పరిశోధనలు ఏమంటున్నాయి??

గుడ్డు తినాలా? వద్దా? ఇది చాలామందికి వచ్చే సమస్య. పిల్లలకు అయితే ఎలాంటి ఇబ్బంది లేదు.. మరి పెద్దల మాటేంటి? ఆరోగ్యంగా ఉన్నవాళ్లు ఒక గుడ్డు తినడం పెద్ద ప్రమాదం కాదు. ఒక గుడ్డులో 75 క్యాలరీలు, 5 గ్రాముల కొవ్వు, 6 గ్రాముల ప్రోటీన్, 67 మిల్లీగ్రాముల పొటాషియం, 70 గ్రాముల సోడియం, 210 మిల్లీగ్రాముల కొలెస్ట్రాల్ ఉంటాయి. చివరి విషయం చదివి షాక్ అయ్యారా? అయితే నిజం తెలుసుకోండి.

గుడ్లలో కొలెస్ట్రాల్ ఉంటుందనేది కొత్త విషయం కాదు. ఆరోగ్యంగా ఉన్న వ్యక్తి రోజుకు 300 mg తీసుకోవచ్చు. రోజుకు ఒక గుడ్డు తింటే పెద్దగా ఇబ్బంది ఉండదు. గుడ్డు మంచి కొలెస్ట్రాల్ ఇస్తుందని డాక్టర్లు చెబుతున్నారు.

గుడ్డు తింటే కొలెస్ట్రాల్ పెరుగుతుందా లేదా అని వైద్య నిపుణుుడు దీప్ దత్తా తన మీదనే పరీక్ష చేసుకున్నారు.  ఆయన ఏడాదిన్నర పాటు రోజుకు 4, వారానికి 28 గుడ్లు తిన్నారు. ఆ తర్వాత పరీక్ష చేసుకున్నారు.

పరీక్షలో కొలెస్ట్రాల్, ట్రైగ్లిసరైడ్స్‌లో మార్పు లేదు. మంచి కొలెస్ట్రాల్ పెరిగింది. బరువు కూడా తగ్గారు. గుడ్లు తినడంతో పాటు ఆహారంలో, జీవనశైలిలో మార్పులు చేశారు. ఏడాదిన్నరలో 12 కిలోల బరువు తగ్గారు.

గుడ్డులో కొలెస్ట్రాల్ ఎక్కువ ఉంటుంది. ఒక్కో గుడ్డు సొనలో దాదాపు 186 మిల్లీగ్రాముల కొలెస్ట్రాల్ ఉంటుంది. జంతువుల నుంచి వచ్చే ఆహారం ద్వారా శరీరంలోకి వెళ్లే కొలెస్ట్రాల్ రక్తంలో పెద్దగా మార్పులు చేయదు.

గుడ్లు తిన్న తర్వాత 70 శాతం మందిలో కొలెస్ట్రాల్ పెరగలేదు. మిగిలిన 30 శాతం మందిలో కొంచెం పెరిగింది. గుడ్డు తినడం వల్ల కొలెస్ట్రాల్, గుండె జబ్బులు పెరుగుతాయా? అంటే.. టైప్ 2 డయాబెటిస్ ఉన్నవాళ్లు మూడు నెలలు గుడ్లు తింటే రక్తంలో లిపిడ్ల స్థాయి మారలేదని తేలింది.