Cleaning Utensils Tips: మొండి మరకలను చిటికెలో తొలగించే సింపుల్ టిప్స్ ఇవిగో

Cleaning Utensils Tips: గిన్నెలపై ఉండే మొండి మరకలను శుభ్రం చేయాలంటే మామూలు కష్టం కాదు. వాటిని తోమి తోమి చేతులు నొప్పులు పుడతాయి తప్ప.. అవి మాత్రం పూర్తిగా పోవు కదా.. అలాంటి మొండి మరకలను ఈ సింపుల్ టిప్స్ ఉపయోగించి శుభ్రం చేయండి.

వంటగదిలో వాడే పాత్రలు కొత్తవి బాగానే ఉన్నా వాడుతున్న కొద్దీ వాటిపై మొండి మరకలు ఏర్పడతాయి. వాటిని మొదట్నుంచీ సరిగ్గా చూసుకోకపోతే శుభ్రం చేయడం చాలా కష్టం. మీ ఇంట్లో కూడా పాత్రలపై మొండి మరకలుంటే ఇంట్లో ఉండే కొన్ని వస్తువులతోనే సులభంగా శుభ్రం చేసుకోవచ్చు. అవేంటో చూద్దాం.

గోరువెచ్చని నీరు, డిష్ వాష్

గోరువెచ్చని నీరు, డిష్ వాష్ కలిపి లిక్విడ్ లా చేసి పాత్రలు తోమితే మొండి మరకలు సులభంగా శుభ్రమైపోతాయి. ముందుగా ఒక గిన్నెలో గోరువెచ్చని నీరు తీసుకోండి. తర్వాత అందులో కొన్ని చుక్కల డిష్ వాష్ వేయండి. రాత్రంతా అలానే ఉంచండి. మరుసటి రోజు ఉదయం స్క్రబ్‌తో మొండి మరకలను బాగా రుద్దాలి. తర్వాత సాధారణ నీటితో శుభ్రం చేస్తే పాత్ర కొత్తదానిలా మెరిసిపోతుంది. 

బేకింగ్ సోడా

పాత్రలు శుభ్రం చేయడానికి బేకింగ్ సోడాని చాలా రకాలుగా ఉపయోగించవచ్చు. ఇది ఎంతటి మొండి మరకలనైనా, దుర్వాసనలనైనా తొలగించడానికి చాలా బాగా ఉపయోగపడుతుంది. పాత్రపై ఉండే మొండి మరకలను పోగొట్టడానికి బేకింగ్ సోడాని నీటిలో కలిపి గట్టి పేస్ట్‌లా చేసుకోండి. దాన్ని మరకపై రాసి 30 నిమిషాలు లేదా రాత్రంతా అలానే ఉంచి, తర్వాత స్క్రబ్‌తో రుద్ది శుభ్రం చేయాలి. తర్వాత గోరువెచ్చని నీటితో కడగాలి.

దీన్ని కూడా చదవండి:  జామకాయతో చట్నీ ఎప్పుడైనా చేశారా? ఇలా చేస్తే చాలా రుచిగా ఉంటుంది

నిమ్మకాయ, ఉప్పు

నిమ్మకాయ, ఉప్పు సహజ సిద్ధమైన క్లీనర్‌లుగా పనిచేస్తాయి. ఇవి ఎలాంటి మరకలనైనా శుభ్రం చేయడానికి బాగా ఉపయోగపడతాయి. పాత్రపై పేరుకుపోయిన మొండి మరకలను పోగొట్టడానికి నిమ్మకాయ, ఉప్పుతో పేస్ట్ తయారు చేయాలి. ఒక నిమ్మకాయని సగానికి కోసి, ఒక సగంలో ఉప్పు వేసి పాత్రపై ఉన్న మరకపై బాగా రుద్దాలి. ఇలా చేస్తే పాత్రపై ఉన్న మరకలు పోతాయి. తర్వాత గోరువెచ్చని నీటితో కడగాలి.

దీన్ని కూడా చదవండి: రూపాయి ఖర్చు లేకుండా మోచేతులు, మోకాళ్లలో నలుపు పోయే సింపుల్ టిప్స్ ఇవిగో

వెనిగర్

వెనిగర్ ఒక పవర్ ఫుల్ క్లీనర్. ఇది పాత్రపై ఉండే మొండి మరకలను సులభంగా తొలగించడానికి సహాయపడుతుంది. ఒక పాత్రలో సమానంగా నీరు, వెనిగర్ నింపి కొన్ని గంటలు అలానే ఉంచండి. లేదంటే రాత్రంతా నానబెట్టండి. స్క్రబ్‌తో బాగా మరకలపై రుద్ది, తర్వాత గోరువెచ్చని నీటితో కడగాలి. వెనిగర్‌లో ఉండే ఆమ్ల గుణాలు మరకను సులభంగా తొలగిస్తాయి.