Watermelon: సమ్మర్ లో పుచ్చకాయ తింటున్నారా? ఈ టైమ్ లో తింటే చాలా డేంజర్..!
Watermelon: ఎండాకాలంలో ఆరోగ్యంగా ఉండాలని పుచ్చకాయ తింటున్నారా..? కానీ.. ఏ టైమ్ లో తింటున్నారు? ఏ టైమ్ లో తింటే ఆరోగ్యానికి మంచిదో తెలుసా? ఎప్పుడు తినకూడదో తెలుసా?
Watermelon
ఎండాకాలంలో శరీరాన్ని చల్లగా, తేమగా ఉంచుకోవడం చాలా అవసరం. దీని కోసం నీటి శాతం ఎక్కువగా ఉండే పండ్లను తినడం ఆరోగ్యానికి ఎంతో మేలు చేస్తుంది. అలాంటి పండ్లలో పుచ్చకాయ ముందు వరసలో ఉంటుంది. పుచ్చకాయలో 90 నుంచి 92 శాతం నీరు ఉంటుంది. ఇది శరీరంలోని డీ హైడ్రేషన్ ను తగ్గించడంలో సహాయపడుతుంది.
పుచ్చకాయలో పోషకాలు....
పుచ్చకాయలో విటమిన్ సి, విటమిన్ ఎ, బి6, పొటాషియం, మెగ్నీషియం, ఐరన్, ఫోలేట్ వంటి పోషకాలు కూడా ఉంటాయి. ఇవి శరీరానికి శక్తిని అందించడమే కాకుండా.. రోగనిరోధక శక్తిని కూడా ఇస్తాయి.
పుచ్చకాయ ఎప్పుడు తినాలి..?
మనం ఎంత ఆరోగ్యకరమైన ఆహారం తీసుకున్నా.. దానిని తినాల్సిన సమయంలో తింటేనే ఎక్కువ ప్రయోజనాలు కలుగుతాయి. ప్రతి ఆహారం తినడానికి ఒక నిర్దిష్ట సమయం ఉంటుంది. అప్పుడే అది గరిష్ట ప్రయోజనాలను అందిస్తుంది. మరి.. పుచ్చకాయ తినడానికి సరైన సమయం ఏంటో తెలుసా?
ఆయుర్వేదం ప్రకారం, పుచ్చకాయ మధ్యాహ్నం పూట తినడం ఉత్తమం. ఈ సమయంలో శరీర జీవక్రియ వేగవంతంగా పని చేస్తుంది. దీని వల్ల పుచ్చకాయ సులభంగా జీర్ణమౌతుంది. శరీరం అన్ని పోషకాలను గ్రహించగలుగుతుంది. అంతేకాదు.. మధ్యాహ్నం ఎండ తీవ్రత ఎక్కువగా ఉంటుంది. కాబట్టి, ఆ సమయంలో తింటే శరీరం చల్లపడుతుంది. డీ హైడ్రేషన్ ను నివారిస్తుంది. పుచ్చకాయలోని సహజంగా ఉండే చక్కెరలు రోజంతా శరీరానికి శక్తిని అందించి, అలసటను తగ్గించడంలో సహాయపడతాయి.
అంతేకాదు.. పుచ్చకాయ మధ్యాహ్నం తినడం వల్ల శరీరం హైడ్రేటెడ్ గా మారుతుంది. దీనిలోని ఎలక్ట్రోలైట్లు శరీర సమతుల్యతను కాపాడి, వడ దెబ్బను నివారించడంలో సహాయపడతాయి. అందుకే సమ్మర్ లో ఈ పండును కచ్చితంగా తీసుకోవాలి.
మరి, ఏ సమయంలో పుచ్చకాయ ఎప్పుడు తినకూడదు..?
పుచ్చకాయ ఆరోగ్యానికి ఎంత మంచిదో స్పెషల్ గా చెప్పాల్సిన అవసరం లేదు. కానీ, రాత్రిపూట మాత్రం దీనిని తినకూడదు. రాత్రిపూట తినడం వల్ల గుండెల్లో మంట లేదా జీర్ణ సమస్యలు రావచ్చు. అంతేకాకుండా, దీనిలో నీరు ఎక్కువగా ఉండటం వల్ల.. రాత్రిపూట తింటే.. మీరు తరచుగా బాత్రూమ్ కి వెళ్లాల్సిన అవసరం రావచ్చు.
