Dangerous River: ప్రపంచంలోనే అత్యంత ప్రమాదమైన నది ఇది.. దీనిలో నీటిని కూడా ఎవరూ తాకలేరు..!

Dangerous River: నదులు అంటే.. మనం మంచి నీళ్లు గుర్తుకు వస్తాయి. ఆ నీటిని ఎలాంటి సంకోచం లేకుండా తాగొచ్చు అనుకుంటాం. కానీ, ప్రపంచంలోనే అత్యంత ప్రమాదమైన నది ఒకటి ఉందని తెలుసా?

Image Credit : Geminiai

ప్రమాదకరమైన నది..

మనకు దగ్గరల్లో నదులు ఉన్నాయి అంటే.. అక్కడికి వెళ్లి సరదాగా ఈతలు కొట్టేవారు చాలా మందిని చూసే ఉంటారు. కానీ, ఓ నదిలో కాలు పెడితే.. క్షణాల్లో శరీరం ఉడికిపోతుంది. చిన్నపాటి జంతువులు అయితే.. ఆ నదిలో పడితే నిమిషాల్లోనే ప్రాణాలు పోగొట్టుకుంటాయి. వినడానికే భయంకరంగా ఉంది కదా.. నిజంగానే.. ఈ నది చాలా ప్రమాదకరంగా, భయంకరంగా ఉంటుంది. దీనినే బాయిలింగ్ రివర్ అని కూడా పిలుస్తారు. ఆ నది ఏంటి? దాని స్పెషాలిటీ ఏంటో ఇప్పుడు చూద్దాం...

Image Credit : Geminiai

అమెజాన్ అడవుల్లో డేంజరస్ రివర్..

దట్టమైన పెరూ అమెజాన్ అడవుల మధ్యలో 'షానాయ్-టింపిష్కా' (Shanay-Timpishka) అనే నది ప్రవహిస్తోంది. "సూర్యుడి వేడితో మరిగే నది" అని దీని అర్థం. దాదాపు 6.4 కిలోమీటర్ల పొడవు ఉండే ఈ నదిలోని నీటి ఉష్ణోగ్రత 45°C నుండి 100°C (మరిగే కాఫీ ఉష్ణోగ్రత) వరకు ఉంటుంది. ఈ నది నుండి నిరంతరం పొగలు చిమ్ముతూ ఉంటాయి. ఇందులో పడిన ఏ ప్రాణి అయినా క్షణాల్లో ప్రాణాలు కోల్పోవాల్సిందే.

Image Credit : Gemini AI

ఈ నదిలో నీరు ఎందుకు అంత వేడిగా ఉంటుంది..?

సాధారణంగా భూమిపై వేడి నీటి బుగ్గలు లేదా మరిగే నదులు అగ్నిపర్వతాల సమీపంలో ఉంటాయి. కానీ ఆశ్చర్యకరమైన విషయమేమిటంటే... ఈ షానాయ్-టింపిష్కా నదికి సమీపంలో ఎక్కడా ఒక్క అగ్నిపర్వతం కూడా లేదు. అయినా ఈ నదిలో నీరు వేడిగా మరుగుతూ ఉండటం వెనక కారణం ఉంది. జియోలాజిస్ట్‌ల పరిశోధనల ప్రకారం... వర్షపు నీరు భూమి లోపలి పొరల్లోకి ఇంకిపోయి, భూగర్భంలోని తీవ్రమైన వేడి వల్ల అత్యంత వేడెక్కుతుంది. ఆ తర్వాత భూమి పొరల్లో ఉన్న రంధ్రాలు, పగుళ్ల ద్వారా ఒత్తిడితో మళ్లీ పైకి తన్నుకొస్తుంది. అలా భూగర్భ వేడి నీరు నది రూపంలో ప్రవహిస్తూ వేడిగా ఉంటుంది.

స్థానికులు పూజించే నది...

ఈ నది ప్రమాదకరమైనదే అయినా, అక్కడి స్థానిక 'అషా నింకా' తెగ ప్రజలు దీనిని అత్యంత పవిత్రమైనదిగా భావిస్తారు. వారు ఈ నదిని ఒక గొప్ప ఆధ్యాత్మిక శక్తిగా, శక్తివంతమైన నయం చేసే మూలికా జలంగా పూజిస్తారు. స్థానిక గిరిజన వైద్యులు ఈ నది నీటిని, అక్కడ లభించే మూలికలను ఉపయోగించి రకరకాల వ్యాధులకు వైద్యం అందిస్తుంటారు.