Ant Milk : చీమలు పాలు ఇస్తాయా? వీటిని సేకరించవచ్చా?
Ant Milk : మనుషులే కాదు గేదెలు, ఆవులు, పులులు, సింహాలు కూడా తమ పిల్లలకు పాలు ఇచ్చి పెంచుతాయి. అయితే చీమలు కూడా పాలు ఇస్తాయని మీకు తెలుసా? చీమపాల గురించి ఆసక్తికరమైన విషయాలను ఇక్కడ తెలుసుకుందాం.
చీమ పాల గురించి ఆసక్తికర విషయాలు..
Ant Milk : తల్లులు బిడ్డలకు పాలు ఇవ్వడం అనేది ఈ ప్రకృతిలో సహజ ప్రక్రియ. మనుషులే కాదు వివిధ రకాల జంతువులు కూడా తమ బిడ్డలకు పాలు ఇస్తాయి... వీటిలో బిడ్డ ఎదుగుదల, ఆరోగ్యానికి సంబంధించిన అనేక పోషకాలు ఉంటాయి. ఆవులు, గేదెలు, కుక్కలు వంటి పెంపుడు జంతువులే కాదు అడవిలో ఉండే పులులు, సింహాలు కూడా పాలిచ్చే జంతువులే.. చివరకు గాడిదలు, ఒంటెలు కూడా పాలు ఇస్తాయని తెలుసు. అయితే చీమలు కూడా పాలు ఇస్తాయని మీ తెలుసా?
చీమలు పాలు ఇస్తాయా..!
సాధారణంగా పాలిచ్చే జంతువులను క్షీరదాలు అంటారు. కానీ చీమలు క్షీరదాలు కావు కీటకాలు... అయినప్పటికి ఇవి పాలు ఉత్పత్తి చేస్తాయని పరిశోధకులు గుర్తించారు. అయితే అన్ని జంతువుల్లో పెద్ద జీవులు పాలు ఇస్తే చిన్నజీవులు తాగుతాయి... కానీ చీమల్లో ఇది రివర్స్.. చిన్న చీమలు పాలు ఇస్తే పెద్దచీమలు తాగుతాయి.
చీమలు గుడ్లు పెడతాయి... దీని నుండి అనేక దశల్లో చిన్నచీమలు జీవం పోసుకుంటాయి. ఇందులో మొదటిదశ లార్వా.... తర్వాత ప్యూపా దశ ఉంటుంది. ఈ ప్యూపా దశలో అంటే చిన్నగా ఉండగానే చీమలు పాలలాంటి ద్రవాన్ని విడుదల చేస్తాయి... ఇందులో ఉండే పోషకాలు లార్వా దశలోని చీమలకు ఉపయోగపడతాయట.
చీమలు పాలు తాగుతాయా?
అయితే ప్యూపా దశలోని చీమలనుండి ఎక్కువమొత్తంలో పాలలాంటి పోషక ద్రవాలు విడుదల అవుతాయి. ఈ మొత్తాన్ని లార్వాలు ఉపయోగించుకోలేవు... కొద్దిగా మాత్రమే తాగుతాయి... కాబట్టి ఈ ద్రవాలు అలాగే ఉంటే లార్వా మునిగిపోయే ప్రమాదం ఉంది. అందుకే పెద్దచీమలు ఈ పాలను తాగేస్తాయి... దీంతో ద్రవాలు బ్యాలెన్స్ అయి చీమ లార్వాకు ప్రమాదం తప్పుతుంది. ఇలా ప్యూపా చీమల అంటే చిన్న చీమల నుండి విడుదలయ్యే పాలలాంటి ద్రవాలను లార్వా, పెద్దచీమలు తాగుతాయన్నమాట.
చీమ పాలలో పోషకాలుంటాయా?
తల్లి పాలలో అనేక పోషకాలు ఉంటాయి... అందుకే మనుషులే కాదు ఇతర జంతువులు పిల్లలకు ఈ పాలిచ్చే పెంచుతాయి. ఇలాగే చీమ పాలలో కూడా మంచి పోషకాలు ఉంటాయట.. ఇవి చీమల ఎదుగుదలకు దోహదపడతాయని పరిశోదకులు చెబుతున్నారు.
చీమ పాలలో అమైనో ఆమ్లాలు, విటమిన్లు, చక్కెరలు పుష్కలంగా ఉంటాయి. అంతేకాదు చీమల ఎదుగుదలకు ఉపయోగపడే అనేక పదార్థాలు ఉంటాయని పరిశోధనల్లో గుర్తించారు. ముఖ్యంగా లార్వా నుండి చీమలు ప్రాణం పోసుకునే దశలో ఈ పాలనుండే పోషకాలు అందుతాయట... లేదంటే చీమల జాతి నశించిపోయే ప్రమాదం ఉండేదని చెబుతున్నారు.
చీమ పాలను సేకరించడం సాధ్యమేనా..?
మనుషులు గేదెలు, ఆవుల నుండి పాలను సేకరించి తాగుతుంటారు... ఇవి ఆరోగ్యానికి ఎంతో మేలు చేస్తాయి. గాడిద, ఒంటె వంటి జంతువుల నుండి పాలు సేకరిస్తాయి... వీటిలో అనేక ఔషద గుణాలు ఉన్నాయని చెబుతుంటారు. మరి చీమ పాలలో కూడా పోషకాలు ఉన్నాయంటున్నారు... ఈ పాలను సేకరించడం సాధ్యం అవుతుందా? అంటే అసాధ్యమని పరిశోధకులు చెబుతున్నారు.
చీమలు చాలా చిన్నజీవులు... అందులోనూ ప్యూపా దశలో చీమలు మరింత చిన్నగా ఉంటాయి. సాధారణంగా కంటికి కనిపించవు... ఇలాంటి చీమలు ఎన్ని పాలు ఇస్తాయో ఊహించవచ్చు. ఇలా అతిచిన్న జీవులైన చీమల నుండి పాలను సేకరించడం అసాధ్యమైన పని. అయితే పరిశోధనల కోసం మాత్రం ప్రత్యేక పద్దతిలో ఈ చీమ పాలను సేకరిస్తారు.
