సుమ టాలెంట్ కే పరీక్ష: పడిపోయిన షో కోసం ఝాన్సీ, శ్రీముఖిని పక్కకునెట్టి సుమను తెచ్చారు!
ఓ షో సక్సెస్ కావడంలో హోస్ట్ పాత్ర ఎంతగానో ఉంటుంది. షో ఎక్కడగా తగ్గ కూడా మైమరిపించే మాటలతో ముందు తీసుకెళ్లాల్సిన బాధ్యత యాంకర్ పైనే ఉంటుంది. ఈ విషయంలో రాటు దేలిన సుమ అనేక బుల్లితెర షోలను సక్సెస్ ఫుల్ గా నడిపిస్తున్నారు.
కాగా స్టార్ మా లో ప్రసారమైన స్టార్ట్ మ్యూజిక్ షో కోసం సుమను రంగంలోకి దించారు. గత మూడు సీజన్స్ గా స్టార్ మాలో ప్రసారం అవుతున్న ఈ షో అనుకున్నంత సక్సెస్ కాలేదు. ఆశించిన టీఆర్పీ షో దక్కించుకోలేక పోతుంది.
మొదటగా స్టార్ట్ మ్యూజిక్ షోకి వ్యాఖ్యాతగా సీనియర్ యాంకర్ ఝాన్సీని తీసుకున్నారు. ఆమెతో రెండు సీజన్స్ నిర్వహించడం జరిగింది. సెలెబ్రిటీలను తెచ్చి సరదా ఆటలతో హంగామా చేసినా ఫలితం దక్కలేదు.
ఆ తరువాత ఫార్మ్ లో ఉన్న యంగ్ యాంకర్ శ్రీముఖిని సీజన్ 3 కోసం తీసుకోవడం జరిగింది. శ్రీముఖి అల్లరి కూడా స్టార్ట్ మ్యూజిక్ షోకి ఆదరణ తేలేకయింది.
దీనితో మనసు మార్చుకున్న షో నిర్వాహకులు స్టార్ యాంకర్ సుమను తీసుకువచ్చారు. తాజా సీజన్ కోసం సుమ యాంకర్ గా దిగినట్లు ప్రోమోలు చూస్తే అర్థం అవుతుంది.
తాజా ప్రోమోలో బిగ్ బాస్ కంటెస్టెంట్స్ తో సుమ తనదైన పంచ్ లతో చెలరేగిపోయారు.
మరి ఆదరణ లేక పడిపోయిన స్టార్ట్ మ్యూజిక్ షోని సుమ తన స్కిల్స్ తో ఎంత వరకు పైకి తెస్తారో చూడాలి.