నా విషయంలో అది తప్పే, ఇక్కడ ఎవ్వరూ క్లీన్ కాదు..కళ్యాణ్ గారికి ఒక ఛాన్స్ ఇవ్వండి, రేణు దేశాయ్ హాట్ కామెంట్స్

రేణుదేశాయ్ ఇటీవల ఎక్కువగా మీడియాకు ఇంటర్వ్యూలు ఇస్తున్నారు. దీనితో మరోసారి పవన్ కళ్యాణ్, రేణు విడాకుల గురించి చర్చ జరుగుతోంది. పవన్ కళ్యాణ్ తన వ్యక్తిగత జీవితం కారణంగా పొలిటికల్ గా కూడా విమర్శలు ఎదుర్కోవడం చూస్తూనే ఉన్నాం.

పవన్ కళ్యాణ్ తో విడిపోయిన తర్వాత రేణు దేశాయ్ సింగిల్ గానే ఉంటూ తన పిల్లల భాద్యతలు చూసుకుంటోంది. సోషల్ మీడియాలో యాక్టివ్ గా ఉంటూ రేణు దేశాయ్ తన పిల్లల గురించి అనేక విశేషాలు పంచుకోవడం చూస్తూనే ఉన్నాం. అకిరా నందన్, ఆద్య నెమ్మదిగా పెద్దవాళ్లు అవుతుండడంతో సోషల్ మీడియాలో వారిపై ఫోకస్ పెరుగుతోంది. 

అయితే రేణుదేశాయ్ ఇటీవల ఎక్కువగా మీడియాకు ఇంటర్వ్యూలు ఇస్తున్నారు. దీనితో మరోసారి పవన్ కళ్యాణ్, రేణు విడాకుల గురించి చర్చ జరుగుతోంది. పవన్ కళ్యాణ్ తన వ్యక్తిగత జీవితం కారణంగా పొలిటికల్ గా కూడా విమర్శలు ఎదుర్కోవడం చూస్తూనే ఉన్నాం. 

తాజాగా దీనిపై రేణు దేశాయ్ ఓ ఇంటర్వ్యూలో సంచలన వ్యాఖ్యలు చేసింది. గతంలో రేణు దేశాయ్ సోషల్ మీడియాలో.. పవన్ కళ్యాణ్ గారు తన విషయంలో చేసింది తప్పు అని అయితే సమాజం పట్ల తపన ఉన్న మనిషి, ఆయన రాజకీయాల్లో రాణించాలి అంటూ పోస్ట్ చేసింది. 

దీనిపై పవన్ వ్యతిరేకులు తీవ్రంగా స్పందించారు. ట్రోలింగ్ కూడా జరిగింది. తాజా ఇంటర్వ్యూలో మరోసారి రేణు దేశాయ్ పూర్తి స్థాయిలో స్పందించింది. రేణు దేశాయ్ మాట్లాడుతూ.. ప్రతి మనిషిలో చాలా షేడ్స్ ఉంటాయి. నా విషయంలో 100 శాతం తప్పు జరిగింది. ఇది ఆల్రెడీ చెప్పాను. కానీ ట్రోల్ చేసే వాళ్ళు ఏమంటున్నారు.. మీతో తప్పు చేస్తే జనాలకు ఎలా న్యాయం చేస్తాడు అంటూ ప్రశ్నిస్తున్నారు. 

Pawan Kalyan

ఇక్కడ గమనించాల్సింది ఒకటుంది. కళ్యాణ్ గారిని రెండు విధాలుగా చూడండి. ఒకటి కుటుంబ పరంగా.. రెండు సమాజం పరంగా. నేను 1999 నుంచి కళ్యాణ్ గారిని గమనిస్తున్నా. నా విషయంలో కరెక్ట్ గా లేరు. కానీ సమాజం పరంగా గ్యారెంటీగా చెప్పగలను.. ఆయనకి డబ్బు పిచ్చి లేదు. డబ్బు అవసరం ఉంది. కానీ డబ్బు ఆయన్ని ప్రభావితం చేయలేదు. డబ్బే కావాలి అనుకుంటే ఆయన సినిమాలే చేసుకోవచ్చు. ఇప్పుడు పాన్ ఇండియా స్థాయిలో కూడా చేయొచ్చు. 

ఇతర రాజకీయ నాయకులతో పోల్చుకుంటే ఆయన చాలా బెటర్. కానీ విషయంలో జరిగిన తప్పు పైనే ఫోకస్ చేస్తారా లేక సమాజానికి మంచి చేసే ఆయన శక్తిపై ఫోకస్ చేస్తారా అనేది ఆలోచించుకోవాలి. నేను సమస్యలు ఎదుర్కొన్నా.. నేను నా పర్సనల్ ఫీలింగ్ పక్కన పెట్టి ఉన్నతంగా ఆలోచిస్తున్నా. జనాలు కూడా అర్థం చేసుకోవాలి. అందుకే కళ్యాణ్ గారికి పొలిటికల్ గా ఒక ఛాన్స్ ఇవ్వండి అని చెబుతున్నా. 

వ్యక్తిగత జీవితంలో ఎవ్వరూ క్లీన్ కాదు  అందరికీ మచ్చలు ఉంటాయి. కాకపోతే ఆయనది బయట పడింది..కొంతమందిది బయటకి రాలేదు అంతే తేడా అంటూ రేణు దేశాయ్ సంచలన వ్యాఖ్యలు చేసింది. ఏది ఏమైనా రేణు దేశాయ్ చేసిన ఈ వ్యాఖ్యలు పవన్ ని వ్యతిరేకించే వారికి బాంబు లాంటివే.