5 సార్లు రీ రిలీజ్ అయిన మహేష్ బాబు సినిమా ఏదో తెలుసా? మరీ ఇంత తక్కువ కలెక్ట్ చేసిందా?

సూపర్ స్టార్ మహేష్ బాబు క్రేజ్ గురించి ప్రత్యేకంగా చెప్పనక్కర్లేదు. ఇప్పుడు ఉన్న పరిస్థితుల్లో.. సూపర్ స్టార్ ప్లాప్ మూవీని రీ రిలీజ్ చేసినా అది సూపర్ హిట్ అవుతుంది. కాని విచిత్రం ఏంటంటే మహేష్ బాబును స్టార్ హీరోని చేసిన సూపర్ హిట్ మూవీని రీ రిలీజ్ చేస్తే.. ఎవ్వరు చూడటానికి ఇంట్రెస్ట్ చూపించడంలేదు. ఏకంగా 5 సార్లు  రిలీజ్ చేసినా.. కలెక్షన్లు మాత్రం షాక్ ఇచ్చాయట. ఇంతకీ ఏంటా సినిమా? ఎంత వసూలు చేసింది? 

ప్రస్తుతం రీ రిలీజ్ ల ట్రెండ్ గట్టిగా నడుస్తోంది. స్టార్ హీరోల సినిమాలను అకేషన్ ప్రకారం రీరిలీజ్ చేస్తున్నారు మేకర్స్. బర్త్ డేలు కాని, సినిమా రిలీజ్ అయ్యి.. 10 ఏళ్ళు, లేక 20 ఏళ్ళు పూర్తయిన సందర్భాలను పురస్కరించుకుని రీ రిలీజ్ చేయడం అలవాటుగా మారింది.

అయితే దీని వల్ల మేకర్స్ కు మంచి కలెక్షన్లు కూడా వస్తున్నాయి. కొన్ని సినిమాలు మాత్రం సరిగ్గా ఆడక  రీరిలీజ్ లో కూడా నష్టాలు తీసుకువస్తున్నాయి. ఈక్రమంలో సూపర్ హిట్ అయిన మహేష్ బాబు సినిమా ఒకటి 5 సార్లు రీ రిలీజ్ చేసినా పెద్దగా ఆడలేదట, కలెక్షన్లు అయితే మేకర్స్ కు షాక్ ఇచ్చాయట.  

ఆ సినిమా ఏదో కాదు ఒక్కడు. అవును మహేష్ బాబును స్టార్ హీరోని చేసిన సినిమా అది. అప్పటి వరకూ లవర్ బాయ్ గా ఉన్న మహేష్, ఈ సినిమాతో కాస్త మాస్ ఇమేజ్ లో పడ్డాడు. గుణశేఖర్ డైరెక్షన్ లో వచ్చిన ఈసినిమా లో భూమిక హీరోయిన్ గా నటించింది. ఈమూవీ మహేష్ అభిమానులను పెంచేసింది.

ఒక్కడు సినిమా సూపర్ డూపర్ హిట్ అవ్వడంతో పాటు మంచి కలెక్షన్లు కూడా రాబట్టింది. ఇక ఈసినిమా తరువాత వచ్చిన పోకిరి.. మహేష్ ఇమేజ్ ను నెక్ట్స్ లెవల్ కు తీసుకెళ్ళింది. అయితే రీ రిలీజ్  ట్రెండ్ లో భాగంగా ఒక్కడు సినిమాను రిలీజ్ చేశారు మేకర్స్ కాని వారికి పెద్ద షాక్ తగిలింది.

ఇంత హిట్ అయిన సినిమా రీ రిలీజ్ లో మాత్రం పెద్దగా ఆడలేదు. ఆడియన్స్ ఈ సినిమాపై ఇంట్రెస్ట్ చూపించలేదు. ఒక సారి కాదు 5 సార్లు్ ఈసినిమాను రీ రిలీజ్ చేసినా ఉపయోగంలేదు. రీసెంట్ గా లిమిటెడ్ షోస్ తో ఒక్కడు సినిమాను ఐదో సారి రీ రిలీజ్ చేశారు. కాని టోటల్ గా18 లక్షల గ్రాస్ వసూళ్లు మాత్రమే వచ్చాయి.

మహేష్ ఫ్యాన్స్ కి అడ్డాగా ఉన్న  హైదరాబాద్ ఆర్టీసీ క్రాస్ రోడ్స్ సుదర్శన్ థియేటర్ లో తప్ప, ఈ సినిమాకు  ఎక్కడా హౌస్ ఫుల్ పడలేదు. అంతే కాదు  5 సార్లు రీ రిలీజ్ లో కలెక్ట్ చేసిన  మొత్తం గ్రాస్ ని లెక్క వేసుకుంటే 3 కోట్ల 20 లక్షలు మాత్రమే వచ్చింది. 

Mahesh Babu

మరోవైపు ఈసినిమాకు తమిళ్ రీమేక్ గా తెరకెక్కిన విజయ్ గిల్లీ సినిమా మాత్రం రీ రిలీజ్ లో భారీ రెస్పాన్స్ ను సాధించింది. రీరిలీజ్ లోనే 50 కోట్లు వసూలు చేసింది గిల్లి. ఇక తెలుగులో ప్లాప్ సినిమాలు కూడా రీ రిలీజ్ లో మంచి వసూళ్ళు రాబడుతున్నాయి. రామ్ చరణ్ ప్లాప్ మూవీ ఆరేంజ్ అయితే రెండు సార్లు రీరిలీజ్ అయ్యి 5 కోట్ల వరకూ కలెక్షన్లు సాధించింది. ఇలా రీరిలీజ్ లో చాలా సినిమాలు హిట్ అవుతుందటే ఒక్కడు సినిమా మాత్రం 5 సార్లు రిలీజ్ చేసినా ఉపయోగం లేకుండా పోయింది.