ఉపేంద్రతో హీరోయిన్ ప్రేమ ప్రేమాయణం నిజ‌మేనా..? క్లారిటీ ఇచ్చిన సీనియర్ నటి..

ఒకప్పడి స్టార్ హీరోయిన్ ప్రేమ.. కన్నడ స్టార్ హీరో ఉపేంద్ర మధ్య ఏం జరిగింది..? ఇద్దరు ప్రేమించుకున్నారా..? వీరిమధ్య ఎఫైర్ ఉందంటూ వచ్చిన వార్తల్లో నిజం ఎంత..? ఈ విషయంలో ప్రేమ ఏమన్నారు..? 

Prema

ఫిల్మ్ ఇండస్ట్రీలో ప్రేమలు పెళ్ళిళ్ళు.. విడాకులు, ఎఫైర్లు ఇవన్నీ కామన్. స్టార్లుగా వెలుగు వెలిగిన వారి జీవితంలో కూడా ఇవి కామన్. అయితే.. ఫిల్మ్ ఇండస్ట్రీ నుంచే ఎక్కువగా గాసిప్స్ కూడావినిపిస్తుంటాయి. ఇతర రంగాల్లో చాలా తక్కువ.. సినీపరిశ్రమలోనే ఎఫైర్స్, రూమర్స్ ఎక్కువగా వింటుంటాం.  అలాంటి విషయం గురించే ఇప్పుడు చూద్దాం. 

కన్నడ సినిమాల ద్వారా బాగా ఫేమస్ అయ్యింది ప్రేమ. కన్నడతో పాటు తెలుగు, తమిళ, మళయాల సినిమాల్లో కూడా నటించి మెప్పించింది. 1995 లో రిలీజ్ అయిన సవ్యసాచి సినిమాతో హీరోయిన్ గా పరిచయం అయిన ప్రేమ.. ఆతరువాత వరుస హిట్ సినిమాలతో శాండల్ వుడ్ లో స్టార్ హీరోయిన్ గా అవతరించింది. కన్నడ స్టార్ హీరోలందరిసరసన నటించి మెప్పించింది. \

ఇక ఆతరువాత టాలీవుడ్ లో అడుగు పెట్టిన ప్రేమ వరుసగాధర్మచక్రం, జగదేకవీరుడు, కోరుకున్న ప్రియుడు, ఓంకారం,  చెలికాడు, అత్త నీ కొడుకు జాగ్రత్త,  దేవి, మా ఆవిడ కలెక్టర్ లాంటి వరుస హిట్ సినిమాల్లో నటిస్తూ వచ్చింది. ఆతరువాత ఆమె టాలీవుడ్ నుంచి తమిళ సినిమాల్లోకి కూడా జంప్ చేసింది. అలా సౌత్ సినిమాలన్నింటిలో నటించి మెప్పించిన ప్రేమ..ఓ పారిశ్రామికవేత్తను 2006 లో పెళ్లాడింది. 

పెళ్ళి తరువాత కూడా ప్రేమ చాలా కాలం పాటు నటించింది. ఆతరువాత కొన్ని పరిస్థితుల కారణంగా సినిమాలకు దూరం అయ్యింది ప్రేమ. తన భర్తతో దాదాపు పదేళ్లు కాపురం చేసిన తరువాత ఇద్దరిమధ్య మనస్పర్ధలు రావడంతో 2016 లో వీరు విడాకులు తీసుకున్నారు. ఇక ఇప్పుడు ప్రేమ ఒంటరి జీవితం గడుపుతోంది. అవకాశం వస్తే సినిమాల్లోకి రీ ఎంట్రీ ఇచ్చి ఇంకా యాక్టీవ్ అవ్వడానికి రెడీ అంటోంది. 

అయితే ఈమధ్యలో చాలా ఇంటర్వ్యూలు ఇచ్చిందిప్రేమ. తన విడాకులపై ఆమె స్పందించడంతో పాటు.. హీరో ఉపేంద్రతో తన గురించి వస్తున్న రూమర్లపై కూడా మాట్లాడింది.  విడాకుల‌పై ప్రేమ స్పందిస్తూ.. జీవితంలో పెళ్లి ముఖ్యమే కానీ అదే జీవితం కాదు.. ఉన్నది ఒకే ఒక జీవితం. అందులో మనం ఎంత హ్యాపీగా ఉన్నాం అన్నదే ముఖ్యం అన్నారు. అందుకే తనకు నచ్చిన నిర్ణయంతో సంతోషంగా ఉన్నానన్నారు ప్రేమ. 

అంతే కాదు స్టార్ హీరోయిన్ గా ఉన్న టైమ్ లో ఉపేంద్రతో మీరు ప్రేమ వ్యవహారంనడిపించారటకదా అని ప్రశ్న ఎదురవ్వగా. ఉపేంద్రను కలిసి మాట్లాడిందే లేదు. అలాంటప్పుడు మామధ్య ప్రేమ ఎలా ఉంటుంది. ఇవన్నీ అనవసరంగా ఎవరో పుట్టించనవే.. ఇందులో నిజం లేదు అన్నారు ప్రేమ.