నోయల్‌, లాస్య, హారిక సేవ్‌.. తోటివారిని హ్యామర్‌తో బాదిన సభ్యులు
బిగ్‌బాస్‌4 41వ రోజు ఎలిమినేషన్‌ ప్రక్రియ షురూ అయ్యింది. నెక్ట్స్ వీక్‌ నామినేషన్‌ నుంచి సేవ్‌ అయ్యేందుకు అమ్మా రాజశేఖర్‌ గుండు కొట్టించుకున్నారు. ఈ వారం ఎలిమినేషన్‌ నుంచి ముగ్గురు లాస్య, నోయల్‌, హారిక సేవ్‌ అయ్యారు.
41వ రోజు బిగ్‌బాస్‌ షో ఉత్కంఠభరితంగా సాగింది. మొదటగా టాస్క్ లో భాగంగా గత నాలుగు రోజులుగా జూట్‌ దుస్తులు ధరించిన మోనాల్‌ డ్రెస్‌ని వేరే ఒకరు మార్చుకోవచ్చని, అందుకు అవినాష్‌, అరియానా సిద్ధమవ్వగా, అరియానా వేసుకుంది.
ఎలిమినేషన్‌ ప్రక్రియ ప్రారంభానికి ముందు, గత వారం కెప్టెన్సీ టాస్క్ లో వదిలేసిన సగం గుండు టాస్క్ ని మరోసారి బయటకు తీసుకొచ్చారు నాగార్జున. ఈ వారం కెప్టెన్సీ టాస్క్ లో నెక్ట్స్ వారం నామినేషన్‌కి ఓకే చెప్పి మరీ టాస్క్ పూర్తి చేశాడు నోయల్‌. కానీ అమ్మ రాజశేఖర్‌ మాత్రం డేరింగ్‌ స్టెప్‌ తీసుకున్నారు.
నెక్ట్స్ వీక్‌ నామినేషన్‌ నుంచి తప్పించుకునేందుకు అమ్మ రాజశేఖర్‌ సిద్ధమయ్యాడు. సేఫ్‌ గేమ్‌ కోసం ఊహించని టాస్క్ ని స్వీకరించారు. ఇందులో భాగంగా సగం తల, సగం గండెం, మీసాలు తీసేసుకోవాల్సి ఉంటుంది. నాగ్‌ అడగ్గా.. అమ్మ ఎస్‌ చెప్పాడు. నోయల్‌ ట్రిమ్మర్‌ తెచ్చి రంగంలోకి దిగాడు.
జుట్టు కత్తిరించుకునే సమయంలో అమ్మ కన్నీళ్ళు పెట్టుకున్నారు. అమ్మ మాత్రమే కాదు దివి సైతం ఎమోషనల్‌ అయ్యింది. నో చెప్పే ధైర్యం లేదా అంటూ కన్నీటి పర్యంతమయ్యింది. దీంతో హౌజ్‌ మొత్తం గుంబనంగా మారింది.
ఇక నామినేషన్‌ ప్రక్రియ ప్రారంభించగా, అందరికి ప్యాకెట్‌ ఇచ్చి అందులో పచ్చి మిర్చి ఉన్న వారు సేవ్‌ అన్నారు. లాస్య సేవ్‌ అయ్యింది. మరో హ్యామర్‌లో ఉన్న చిట్టీ ఓపెన్‌ చేయగా నోయల్‌ సేవ్‌ అయ్యాడు.
మొత్తానికి అమ్మ రాజశేఖర్‌ డేరింగ్‌ స్టెప్‌కి హౌజ్‌ సభ్యులే కాదు, నాగ్‌, ఆడియెన్స్ సైతం షాక్‌కి, ఆశ్చర్యానికి గురవుతున్నారు.
దీని తర్వాత మనసులో మాట చెప్పే ప్రక్రియ స్టార్ట్ చేశారు. తన గురించి ఆ మాట ఎవరు చెప్పారో అనేది ఊహించి హ్యామర్‌ తో కొట్టాలన్నారు. మొదటగా అవినాష్‌ గురించి దివి రాసిందని, ఆ తర్వాత కుమార్‌ సాయిని మెహబూబ్‌ కొట్టాడు. లాస్య వచ్చి మొదట దివి కొట్టగా, అది రాంగ్, ఆ తర్వాత అమ్మ రాజశేఖర్‌ కొట్టాడు.
అభిజిత్‌ గురించి చాలా ఆహాంకారం అని రాశారని చెప్పగా, అభిజిత్‌.. అఖిల్‌, మోనాల్‌ని చెప్పగా అది రాంగ్ అయ్యింది. కానీ దివి చెప్పారని నాగ్‌ చెప్పారు.
దివి తన గురించి రాసింది మోనాల్‌ అని చెప్పగా, అది తప్పుగా అని నిర్ధారణ అయ్యింది. అయితే మోనాల్‌.. దివి గురించి షాకింగ్‌ విషయాలే తెలిపింది.
అఖిల్‌ విషయంలో కూడా అభిజిత్‌ రాంగ్‌గా చెప్పాడని తేలింది. ఈ క్రమంలో ఇద్దరి మధ్య వాగ్వాదం జరిగింది. ఈ ఎపిసోడ్‌ అనంతరం ఎలిమినేషన్‌ నుంచి సేవ్‌ అయ్యేది ఎవరు అని నోయల్‌ని నాగ్‌ అడగ్గా హారిక పేరు చెప్పారు. ఆయన స్విమ్మింగ్‌ ఫూల్‌లోని ఫోటో తెచ్చి చూపించగా, ఆమె ఫొటోనే ఉండటం విశేషం. దీంతో ఈ వారం హారిక సేవ్‌ అయ్యింది. శనివారం వరకు నోయాల్‌, లాస్య, హారిక సేవ్‌ కాగా, అరియానా, అఖిల్‌, అభిజిత్‌, కుమార్‌ సాయి, దివి, మోనాల్‌ ఇంకా మిగిలి ఉన్నారు. ఆదివారం వీరి జాతకాలు బయటపడతాయని చెప్పొచ్చు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
